អន្តរជាតិ
នាយករដ្ឋមន្ត្រី អាបេ លុបចោលទស្សនកិច្ចនៅបរទេសដើម្បីដោះស្រាយបញ្ហាទឹកជំនន់ក្នុងស្រុក
រូបភាព AFP
×![]()
ដោយ: តន ចាន់រិទ្ធារ៉ា
នាយករដ្ឋមន្ត្រីជប៉ុន ស៊ីនហ្សូ បានលុបចោលទស្សនកិច្ចនៅបរទេស ដើម្បីតាមដានស្ថានការណ៍ទឹកជំនន់ទឹកភ្លៀងដែលកំពុងវាយប្រហារផ្នែកជាច្រើននៃតំបន់ភាគកណ្តាល និងខាងលិចប្រទេសជប៉ុន។ មកទល់ថ្ងៃទី៩ ខែកក្កដា មនុស្សច្រើនជាង១០០នាក់បានបាត់បង់ជីវិត ឬបាត់ខ្លួនក្នុងគ្រោះធម្មជាតិដ៏ខ្លាំងមួយនេះ។ ក្រោយសម្រេចចិត្តមិនទៅបរទេស លោក អាបេ នឹងធ្វើដំណើរទៅកាន់តំបន់រងគ្រោះខ្លាំងផងដែរ។
ក្រុមជួយសង្គ្រោះ និងកងកម្លាំងទាហានជប៉ុនកំពុងបន្តឈ្មុសឈ្មុលដើម្បីឆ្លងកាត់ទឹក និងភក់ដើម្បីសង្គ្រោះជីវិតប្រជាជនដែលប្រឈមគ្រោះថ្នាក់ និងកំពុងបាត់ខ្លួន។ ខណៈស្ថានភាពមិនអំណោយផល ក្រុមជួយសង្គ្រោះទាំងអស់ត្រឹមអាចប្រើប្រាស់ទូក និងឧទ្ធម្ភាគចក្រប៉ុណ្ណោះដើម្បីជួយរំដោះប្រជាជនដែលរងគ្រោះ។ ជាមួយគ្នានេះ នាយករដ្ឋមន្ត្រីជប៉ុន ស៊ីនហ្សូ អាបេ ក៏បានសម្រេចចិត្តលុបចោលដំណើរទៅកាន់ប្រទេសចំនួន៤ ផង។
តាមគម្រោង លោក អាបេ នឹងចាកចេញពីជប៉ុននៅថ្ងៃទី១១ ខែកក្កដា ដើម្បីទៅធ្វើទស្សនកិច្ចផ្លូវការនៅបែលហ្ស៊ិក បារាំង អារាប៊ីសាអូឌីត និងអេហ្ស៊ីប។ យោងតាមទីភ្នាក់ងារព័ត៌មានជប៉ុន Kyodo លោក អាបេ បានប្រាប់មន្ត្រីជាន់ខ្ពស់បក្សរបស់លោកថា លោកគ្មានជម្រើសអ្វីក្រៅពីការលុបចោលដំណើរទស្សនកិច្ចនៅបរទេសឡើយ ខណៈស្ថានភាពក្នុងប្រទេសនៅតែធ្ងន់ធ្ងរដដែល។
បើតាមការបញ្ជាក់ពីអាជ្ញាធរ ក្រុមសង្គ្រោះ ប៉ូលិស និងទាហានសរុបទាំងអស់ ៧៥០០០នាក់ ក៏ដូចជាឧទ្ធម្ភាគចក្រជាច្រើនគ្រឿង ត្រូវបានគេពង្រាយទៅកាន់តំបន់រងគ្រោះដើម្បីឆ្លើយតបនឹងគ្រោះមហន្តរាយនេះ។ ការវាយតម្លៃពីការខូចខាត និងការបាត់បង់ជីវិតមនុស្សបានក្លាយជារឿងដ៏លំបាក ព្រោះទឹកជំនន់បានរីករាលដាលទៅកាន់ជាច្រើន ហើយភ្លៀងនៅតែបន្តធ្លាក់ដដែល។ ហ៊ីរ៉ូស៊ីម៉ា ជាតំបន់រងគ្រោះខ្លាំងជាងគេបំផុត។
តាមពិតទៅ ចំនួនប្រជាជនដែលបាត់បង់ជីវិតបន្តកើនឡើងក្នុងរយៈពេលពីរបីថ្ងៃចុងក្រោយនេះ។ ប្រជាជនជប៉ុនប្រហែល ១,៥ លាននាក់ត្រូវជម្លៀសចេញពីលំនៅដ្ឋាន ខណៈ ៣លាននាក់ផ្សេងទៀតត្រូវអាជ្ញាធរណែនាំឲ្យត្រៀមខ្លួនចាកចេញដូចគ្នាដែរ។ ស្ថានភាពកាន់តែដុនដាបខ្លាំងដែលបានបង្ខំឲ្យប្រជាជនឡើងទៅលើដំបូលផ្ទះដើម្បីគេចផុតពីការកើនឡើងនៃកម្រិតទឹកជំនន់ និងរង់ចាំការជួយសង្គ្រោះផងដែរ។
ប្រព័ន្ធផ្សព្វផ្សាយជប៉ុនខ្លះទៀតបានផ្សាយថា លោក អាបេ គ្រោងធ្វើទស្សនកិច្ចនៅបែលហ្ស៊ិកនៅក្នុងសប្ដាហ៍ ជាទីដែលលោកគ្រោងចុះហត្ថលេខាលើកិច្ចព្រមព្រៀងពាណិជ្ជកម្មដែលមានទំហំទឹកប្រាក់រាប់ពាន់លានដុល្លារ។ ប៉ុន្តែលោកនឹងទៅធ្វើទស្សនកិច្ចនៅតំបន់រងគ្រោះវិញសំដៅតាមដានឲ្យច្បាស់លាស់ពីស្ថានការណ៍ទឹជំនន់ដ៏ធំមួយនេះ៕
ក្រុមជួយសង្គ្រោះ និងកងកម្លាំងទាហានជប៉ុនកំពុងបន្តឈ្មុសឈ្មុលដើម្បីឆ្លងកាត់ទឹក និងភក់ដើម្បីសង្គ្រោះជីវិតប្រជាជនដែលប្រឈមគ្រោះថ្នាក់ និងកំពុងបាត់ខ្លួន។ ខណៈស្ថានភាពមិនអំណោយផល ក្រុមជួយសង្គ្រោះទាំងអស់ត្រឹមអាចប្រើប្រាស់ទូក និងឧទ្ធម្ភាគចក្រប៉ុណ្ណោះដើម្បីជួយរំដោះប្រជាជនដែលរងគ្រោះ។ ជាមួយគ្នានេះ នាយករដ្ឋមន្ត្រីជប៉ុន ស៊ីនហ្សូ អាបេ ក៏បានសម្រេចចិត្តលុបចោលដំណើរទៅកាន់ប្រទេសចំនួន៤ ផង។
តាមគម្រោង លោក អាបេ នឹងចាកចេញពីជប៉ុននៅថ្ងៃទី១១ ខែកក្កដា ដើម្បីទៅធ្វើទស្សនកិច្ចផ្លូវការនៅបែលហ្ស៊ិក បារាំង អារាប៊ីសាអូឌីត និងអេហ្ស៊ីប។ យោងតាមទីភ្នាក់ងារព័ត៌មានជប៉ុន Kyodo លោក អាបេ បានប្រាប់មន្ត្រីជាន់ខ្ពស់បក្សរបស់លោកថា លោកគ្មានជម្រើសអ្វីក្រៅពីការលុបចោលដំណើរទស្សនកិច្ចនៅបរទេសឡើយ ខណៈស្ថានភាពក្នុងប្រទេសនៅតែធ្ងន់ធ្ងរដដែល។
បើតាមការបញ្ជាក់ពីអាជ្ញាធរ ក្រុមសង្គ្រោះ ប៉ូលិស និងទាហានសរុបទាំងអស់ ៧៥០០០នាក់ ក៏ដូចជាឧទ្ធម្ភាគចក្រជាច្រើនគ្រឿង ត្រូវបានគេពង្រាយទៅកាន់តំបន់រងគ្រោះដើម្បីឆ្លើយតបនឹងគ្រោះមហន្តរាយនេះ។ ការវាយតម្លៃពីការខូចខាត និងការបាត់បង់ជីវិតមនុស្សបានក្លាយជារឿងដ៏លំបាក ព្រោះទឹកជំនន់បានរីករាលដាលទៅកាន់ជាច្រើន ហើយភ្លៀងនៅតែបន្តធ្លាក់ដដែល។ ហ៊ីរ៉ូស៊ីម៉ា ជាតំបន់រងគ្រោះខ្លាំងជាងគេបំផុត។
តាមពិតទៅ ចំនួនប្រជាជនដែលបាត់បង់ជីវិតបន្តកើនឡើងក្នុងរយៈពេលពីរបីថ្ងៃចុងក្រោយនេះ។ ប្រជាជនជប៉ុនប្រហែល ១,៥ លាននាក់ត្រូវជម្លៀសចេញពីលំនៅដ្ឋាន ខណៈ ៣លាននាក់ផ្សេងទៀតត្រូវអាជ្ញាធរណែនាំឲ្យត្រៀមខ្លួនចាកចេញដូចគ្នាដែរ។ ស្ថានភាពកាន់តែដុនដាបខ្លាំងដែលបានបង្ខំឲ្យប្រជាជនឡើងទៅលើដំបូលផ្ទះដើម្បីគេចផុតពីការកើនឡើងនៃកម្រិតទឹកជំនន់ និងរង់ចាំការជួយសង្គ្រោះផងដែរ។
ប្រព័ន្ធផ្សព្វផ្សាយជប៉ុនខ្លះទៀតបានផ្សាយថា លោក អាបេ គ្រោងធ្វើទស្សនកិច្ចនៅបែលហ្ស៊ិកនៅក្នុងសប្ដាហ៍ ជាទីដែលលោកគ្រោងចុះហត្ថលេខាលើកិច្ចព្រមព្រៀងពាណិជ្ជកម្មដែលមានទំហំទឹកប្រាក់រាប់ពាន់លានដុល្លារ។ ប៉ុន្តែលោកនឹងទៅធ្វើទស្សនកិច្ចនៅតំបន់រងគ្រោះវិញសំដៅតាមដានឲ្យច្បាស់លាស់ពីស្ថានការណ៍ទឹជំនន់ដ៏ធំមួយនេះ៕
Tag:
ជប៉ុន
ស៊ីនហ្សូ អាបេ
ទឹកជំនន់
© រក្សាសិទ្ធិដោយ thmeythmey.com
