អន្តរជាតិ
មេដឹកនាំកូរ៉េខាងជើង គីម ជុងអ៊ុន ពេលចុះត្រួតពិនិត្យចម្ការដំឡូង (រូបភាព KCNA)
×![]()
ដោយ: តន ចាន់រិទ្ធារ៉ា
ទៅរដ្ឋធានីព្យុងយ៉ាងនាពេលថ្មីៗនេះ រដ្ឋមន្ត្រីការបរទេសអាមេរិកលោក ម៉ៃ ប៉ុមប៉េអូ មិនបានជួបពិភាក្សាជាមួយមេដឹកនាំកំពូលកូរ៉េខាងជើងលោក គីម ជុងអ៊ុន ឡើយ។ ភ្លាមៗ គេមិនអាចរកឃើញមូលហេតុដែលនាំឲ្យគ្មានជំនួបនេះទេ ខណៈវត្តមានលោក ប៉ុមប៉េអូ លើកនេះមានគោលដៅចរចារឿងរំសាយនុយក្លេអ៊ែរ។ ប៉ុន្តែនៅថ្ងៃទី១០ ខែកក្កដា ប្រព័ន្ធផ្សព្វផ្សាយកូរ៉េខាងជើងបានផ្សាយពីសកម្មភាពរបស់លោក គីម ទៅមើលចម្ការដំឡូង អំឡុងពេលដំណើរទស្សនកិច្ចរបស់ប្រមុខការទូតអាមរិក។
ខុសប្លែកពីដំណើរទស្សនកិច្ចពីរលើកមុន ប្រមុខការទូតអាមេរិក ម៉ៃ ប៉ុមប៉េអូ មិនបានជួបប្រមុខដឹកនាំកូរ៉េខាងជើង គីម ជុងអ៊ុន ឡើយ។ គេឆ្ងល់ហេតុអ្វីថា បានជាគ្មានជំនួបបែបនេះទៅវិញ ហើយក្រោយលោក ប៉ុមប៉េអូ ចាកចេញផុតពីទឹកដីកូរ៉េខាងជើង ក្រសួងការបរទេសកូរ៉េខាងជើងក៏បានរិះគន់អាមេរិកមិនសំចៃមាត់ទៅទៀត។
មិនត្រឹមតែគ្មានជំនួបជាមួយមន្ត្រីជាន់ខ្ពស់អាមេរិកឡើយ សូម្បីតែសកម្មភាពប្រចាំថ្ងៃរបស់មេដឹកនាំរូបនេះក៏មិនមានឃើញផ្សាយតាមប្រព័ន្ធផ្សព្វផ្សាយរដ្ឋកូរ៉េខាងជើងដែរ។ ប៉ុន្តែនៅថ្ងៃទី១០ ខែកក្កដា ប្រព័ន្ធឃោសនាកូរ៉េខាងជើងក៏បានផ្សាយពីសកម្មភាពរបស់លោក គីម ឡើងវិញ ដោយលោកបានចុះទៅកាន់ចម្ការ និងរោងចក្រកែច្នៃដំឡូង។ ដោយសាររវល់បែបនេះហើយ ទើបលោក គីម គ្មានពេលជួបលោក ប៉ុមប៉េអូ ដែលខំធ្វើដំណើរពីចម្ងាយ។
បើតាមទីភ្នាក់ងារព័ត៌មាន AFP លោក គីម បានចុះទៅកាន់ស្រុក Samjiyon ក្បែរព្រំដែនជាមួយចិន ហើយខុសពីសព្វមួយដង ទីភ្នាក់ងារព័ត៌មានរដ្ឋកូរ៉េខាងជើង KCNA បានរាយការណ៍យ៉ាងលម្អិតទាក់ទងសកម្មភាពលើកនេះ។ មេដឹកនាំវ័យក្មេងរូបនេះបានណែនាំឲ្យមន្ត្រីដាំពូជដែលផ្ដល់ទិន្នផលបានច្រើន ដាំដំឡូងពូជផ្សេងសំដៅបង្កើនផលិតកម្មដំឡូង និងឈានដល់ការបង្កើនគុណភាពផលិតផលច្នៃពីដំឡូងផង។
យ៉ាងណាមិញ ប្រព័ន្ធផ្សព្វផ្សាយកូរ៉េខាងជើង មិនបានរាយករណ៍ថា ដំណើរចុះត្រួតពិនិត្យរបស់លោក គីម ធ្វើឡើងនៅពេលណាឲ្យច្បាស់ឡើយ។ លោក គីម យ៉ុងឈុល ដែលជាដៃស្ដាំរបស់លោក គីម និងជាអ្នកទទួលចរចាជាមួយអាមេរិកបានប្រាប់មន្ត្រីកូរ៉េខាងត្បូងដែលធ្វើទស្សនកិច្ចនៅកូរ៉េខាងជើង ថា លោក គីម ជុងអ៊ុន រវល់ចុះមូលដ្ឋាន។
សូមបញ្ជាក់ថា ដំណើរទស្សនកិច្ចរបស់លោក ប៉ុមប៉េអូ លើកនេះ ហាក់ទទួលបានលទ្ធផលតិចតួចស្ដួចស្ដើងណាស់។ មិនយូរក្រោយចាកចេញពីកូរ៉េខាងជើង ប្រមុខការទូតអាមេរិកបានបង្ហាញជំហរជឿជាក់លើជំនួបជាមួយលោក គីម យ៉ុងឈុល ប៉ុន្តែកូរ៉េខាងជើងគ្មានជំហរដូចលោកឡើយ។ ក្រសួងការបរទេសកូរ៉េខាងជើងបានវាយប្រហារអាមេរិក ដែលប្រកាន់ជំហរបងធំ និងបន្តទាមទារដោយឯកភាគីលើការរំសាយនុយក្លេអ៊ែរក្នុងពេលចរចាដដែល៕
ខុសប្លែកពីដំណើរទស្សនកិច្ចពីរលើកមុន ប្រមុខការទូតអាមេរិក ម៉ៃ ប៉ុមប៉េអូ មិនបានជួបប្រមុខដឹកនាំកូរ៉េខាងជើង គីម ជុងអ៊ុន ឡើយ។ គេឆ្ងល់ហេតុអ្វីថា បានជាគ្មានជំនួបបែបនេះទៅវិញ ហើយក្រោយលោក ប៉ុមប៉េអូ ចាកចេញផុតពីទឹកដីកូរ៉េខាងជើង ក្រសួងការបរទេសកូរ៉េខាងជើងក៏បានរិះគន់អាមេរិកមិនសំចៃមាត់ទៅទៀត។
មិនត្រឹមតែគ្មានជំនួបជាមួយមន្ត្រីជាន់ខ្ពស់អាមេរិកឡើយ សូម្បីតែសកម្មភាពប្រចាំថ្ងៃរបស់មេដឹកនាំរូបនេះក៏មិនមានឃើញផ្សាយតាមប្រព័ន្ធផ្សព្វផ្សាយរដ្ឋកូរ៉េខាងជើងដែរ។ ប៉ុន្តែនៅថ្ងៃទី១០ ខែកក្កដា ប្រព័ន្ធឃោសនាកូរ៉េខាងជើងក៏បានផ្សាយពីសកម្មភាពរបស់លោក គីម ឡើងវិញ ដោយលោកបានចុះទៅកាន់ចម្ការ និងរោងចក្រកែច្នៃដំឡូង។ ដោយសាររវល់បែបនេះហើយ ទើបលោក គីម គ្មានពេលជួបលោក ប៉ុមប៉េអូ ដែលខំធ្វើដំណើរពីចម្ងាយ។
បើតាមទីភ្នាក់ងារព័ត៌មាន AFP លោក គីម បានចុះទៅកាន់ស្រុក Samjiyon ក្បែរព្រំដែនជាមួយចិន ហើយខុសពីសព្វមួយដង ទីភ្នាក់ងារព័ត៌មានរដ្ឋកូរ៉េខាងជើង KCNA បានរាយការណ៍យ៉ាងលម្អិតទាក់ទងសកម្មភាពលើកនេះ។ មេដឹកនាំវ័យក្មេងរូបនេះបានណែនាំឲ្យមន្ត្រីដាំពូជដែលផ្ដល់ទិន្នផលបានច្រើន ដាំដំឡូងពូជផ្សេងសំដៅបង្កើនផលិតកម្មដំឡូង និងឈានដល់ការបង្កើនគុណភាពផលិតផលច្នៃពីដំឡូងផង។
យ៉ាងណាមិញ ប្រព័ន្ធផ្សព្វផ្សាយកូរ៉េខាងជើង មិនបានរាយករណ៍ថា ដំណើរចុះត្រួតពិនិត្យរបស់លោក គីម ធ្វើឡើងនៅពេលណាឲ្យច្បាស់ឡើយ។ លោក គីម យ៉ុងឈុល ដែលជាដៃស្ដាំរបស់លោក គីម និងជាអ្នកទទួលចរចាជាមួយអាមេរិកបានប្រាប់មន្ត្រីកូរ៉េខាងត្បូងដែលធ្វើទស្សនកិច្ចនៅកូរ៉េខាងជើង ថា លោក គីម ជុងអ៊ុន រវល់ចុះមូលដ្ឋាន។
សូមបញ្ជាក់ថា ដំណើរទស្សនកិច្ចរបស់លោក ប៉ុមប៉េអូ លើកនេះ ហាក់ទទួលបានលទ្ធផលតិចតួចស្ដួចស្ដើងណាស់។ មិនយូរក្រោយចាកចេញពីកូរ៉េខាងជើង ប្រមុខការទូតអាមេរិកបានបង្ហាញជំហរជឿជាក់លើជំនួបជាមួយលោក គីម យ៉ុងឈុល ប៉ុន្តែកូរ៉េខាងជើងគ្មានជំហរដូចលោកឡើយ។ ក្រសួងការបរទេសកូរ៉េខាងជើងបានវាយប្រហារអាមេរិក ដែលប្រកាន់ជំហរបងធំ និងបន្តទាមទារដោយឯកភាគីលើការរំសាយនុយក្លេអ៊ែរក្នុងពេលចរចាដដែល៕
Tag:
កូរ៉េខាងជើង
អាមេរិក
គីម ជុងអ៊ុន
Mike Pompeo
© រក្សាសិទ្ធិដោយ thmeythmey.com
