ប្លែកៗ
អន្តរជាតិ
ប្លែកៗ! ឆ្មាឈ្មោះ DOG ជួយម្ចាស់លក់ត្រី កំពុងល្បីពេញបណ្តាញសង្គមនៅវៀតណាម
× ឆ្មាមួយក្បាលនៅវៀតណាមដែលមានឈ្មោះថា DOG កំពុងល្បីល្បាញពីបណ្តាញសង្គម។ វាជាសត្វគួរឲ្យស្រឡាញ់ដែលចូលចិត្តទៅអង្គុយលក់ត្រីជាមួយម្ចាស់របស់ខ្លួននៅផ្សារក្នុងខេត្ត Hai Phong។
ឆ្មាឈ្មោលឈ្មោះ DOG គឺជាសត្វចិញ្ចឹមរបស់លោក Le Quoc Phong ដែលបច្ចុប្បន្នវាមានអាយុជាង៣ឆ្នាំហើយ។ ម្ចាស់វាអះអាងថា DOG ជាអំបូរឆ្មា Scottish Fold។
ដោយសារម្ចាស់ផ្ទះជាអ្នកលក់ត្រី បន្លែ សាច់ នៅផ្សារក្នុងខេត្ត Hai Phong ប្រទេសវៀតណាម DOG ដែលតែងតែមានវត្តមានជានិច្ចនៅផ្សារ ដោយម្ចាស់វាស្លៀកពាក់តុបតែងឲ្យវាយ៉ាងស្អាតដូចតក្កុតា Kitty និងពេលខ្លះស្លៀកពាក់បែបប្រពៃណីវៀតណាម-ចិន។
DOG មានប្រជាប្រិយភាពយ៉ាងខ្លាំងនៅផ្សារ Hai Phong ដែលទាក់ទាញទាំងអ្នកលក់ដូចគ្នា និងបណ្តាអ្នកទិញ។ ពេលលក់ វាអង្គុយនៅយ៉ាងស្ងៀម ដែលមើលទៅគួរឲ្យស្រឡាញ់ខ្លាំងណាស់៕
© រក្សាសិទ្ធិដោយ thmeythmey.com