សម្ដេច ហ៊ុន សែន នឹងចូលរួមឃោសនា នៅថ្ងៃចុងក្រោយ

ជាតិ

បោះឆ្នោត

សម្ដេច ហ៊ុន សែន នឹងចូលរួមឃោសនា នៅថ្ងៃចុងក្រោយ

16, Jul 2018 , 9:59 am

រូបភាព

សម្តេច ហ៊ុន សែន និងសម្តេច ប៊ុនរ៉ានី ហ៊ុន សែន។ រូបថត AFP

ដោយ: ថ្មីៗ

ភ្នំពេញ៖ សម្ដេច ហ៊ុន សែន ប្រធានគណបក្សប្រជាជនកម្ពុជា នឹងចូលរួមដឹកនាំក្បួនឃោសនាបោះឆ្នោត នៅថ្ងៃទី២៧ ខែកក្កដា ដែលជាថ្ងៃបិទបញ្ចប់យុទ្ធនាការឃោសនាបោះឆ្នោតនីតិកាលទី៦។ នៅម៉ោង៧ព្រឹក មុនចេញឃោសនា គណបក្សប្រជាជនកម្ពុជា នឹងមានការជួបជុំគ្នានៅកោះពេជ្រ ដើម្បីឲ្យសមាជិកទាំងអស់បានស្ដាប់សារនយោបាយរបស់សម្ដេច។

ជាមួយគ្នានេះក៏មានការផ្សាយផ្ទាល់ពីស្ថានីយទូរទស្សន៍ វិទ្យុឯកជននានា ដែលបានលក់ម៉ោងផ្សាយដល់គណក្សប្រជាជនកម្ពុជាផងដែរ។ ក្បួនឃោសនាថ្ងៃចុងក្រោយនៃយុទ្ធនាការនេះ ធ្វើឡើងក្នុងក្រមខណ្ឌទូទាំងប្រទេស សម្រាប់អ្នកគាំទ្រ និងសមាជិក សមាជិកានៃគណបក្សប្រជាជនកម្ពុជា។

ការបោះឆ្នោតជ្រើសតាំងតំណាងរាស្ត្រអាណត្តិទី៦ នឹងប្រព្រឹត្តទៅនៅថ្ងៃទី២៩ ខែកក្កដា ឆ្នាំ២០១៨៕