អត្ថបទពាណិជ្ជកម្ម
វគ្គបណ្ដុះបណ្ដាល Samsung Tech Institute របស់ក្រុមហ៊ុនសាមសុង នឹងជួយពង្រីកសមត្ថភាពយុវជនកម្ពុជាក្នុងផ្នែកអេឡិចត្រូនិក
×![]()
ភ្នំពេញ៖ វគ្គបណ្ដុះបណ្ដាល Samsung Tech Institute ជំនាន់ទី៥ បានបើកជាផ្លូវការហើយ នៅថ្ងៃទី១៩ ខែកក្កដារ នៅវិទ្យាស្ថានជាតិពហុបច្ចេកទេសកម្ពុជា ដោយមានសិក្ខាកាមចំនួន៨០នាក់ចូលរួម។ វគ្គបណ្ដុះបណ្ដាលនេះ ផ្ដួចផ្ដើមដោយក្រុមហ៊ុនសាមសុង សហការជាមួយវិទ្យាស្ថានជាតិពហុបច្ចេកទេសកម្ពុជា ដើម្បីផ្ដល់ឱកាសឲ្យយុវជនកម្ពុជា បញ្ចេញសក្តានុពលផ្នែកបច្ចេកវិទ្យា និងជួយដោះស្រាយបញ្ហាកង្វះវិស្វករអេឡិចត្រូនិកនៅកម្ពុជា។ វគ្គបណ្តុះនេះ មានរយៈពេល៣ខែ ដែលមានដូចជាការជួសជុល និងការថែទាំគ្រឿងអេឡិចត្រូនិកដូចជាទូរទស្សន៍ ទូទឹកកក ម៉ាស៊ីនត្រជាក់ ម៉ាស៊ីនបោកគក់ និងទូរស័ព្ទដៃជាដើម។
ដោយប្រកាន់ខ្ជាប់គោលការណ៍រួមចំណែកផ្ដល់ផលវិជ្ជមានដល់សង្គម ក្នុងប្រតិបត្តិការផ្តល់សេវា និងផ្គត់ផ្គង់ផលិតផល ក្រុមហ៊ុនសាមសុង តែងតែបង្កើតឱកាសសម្រាប់ប្រជាជន និងសហគមន៍ សម្រាប់ការអភិវឌ្ឍឲ្យកាន់តែប្រសើរឡើងជាលំដាប់។ ក្នុងនោះការរួមចំណែកបណ្ដុះបណ្ដាលធនធានមនុស្ស គឺជាអាទិភាពមួយរបស់ក្រុមហ៊ុន ដោយធ្វើយ៉ាងណាជួយដល់យុវជន ដើម្បីឲ្យពួកគេអាចបញ្ចេញសក្តានុពល និងទេពកោសល្យរបស់ខ្លួន ក្នុងការបម្រើជីវភាពខ្លួនឯងផង និងសង្គមជាតិទាំងមូលផង។
លោក Seungho Choi អគ្គនាយកសាខាក្រុមហ៊ុនថៃសាមសុងអេឡិចត្រូនិកប្រចាំប្រទេសកម្ពុជា បានថ្លែងក្នុងឱកាសបើកវគ្គបណ្ដុះបណ្ដាលនេះថា ការជួយដល់សង្គមគឺជាកិច្ចការដែលមានសារៈសំខាន់ណាស់សម្រាប់សាមសុង ព្រោះគោលបំណងរបស់ក្រុមហ៊ុន គឺមិនផ្ដោតតែលើការលក់ផលិតផលមួយមុខនោះឡើយ តែក៏ចូលរួមផ្ដល់ផលប្រយោជន៍ដល់សង្គម តាមរយ:ការពង្រីកចំណេះដឹង ទៅលើផ្នែកគ្រឿងអេឡិចត្រូនិកដែរ។ លោកបានបន្តទៀតដោយរំពឹងទុកថា វគ្គបណ្ដុះបណ្ដាលជំនាន់ទី៥នេះ នឹងបន្តភាពជោគជ័យរបស់ខ្លួន ពោលគឺការផ្ទេរចំណេះ និងជំនាញចាំបាច់ ដល់សិក្ខាកាមទាំង៨០នាក់ ដែលបានចូលរួមក្នុងវគ្គនេះ។ លោក Seungho Choi បញ្ជាក់ទៀតដូច្នេះ៖« យើងសង្ឃឹមជឿជាក់ថា ជំនាញទាំងនេះ នឹងជួយឲ្យប្អូនៗ ចូលរួមបានកាន់តែច្រើនក្នុងការអភិវឌ្ឍសង្គមជាតិ និងអនាគតរបស់ខ្លួន»។
ឯកឧត្តម បណ្ឌិត ប៊ុន ភារិន នាយកវិទ្យាស្ថានជាតិពហុបច្ចេកទេសកម្ពុជាបានមានប្រសាសន៍ថា វគ្គបណ្តុះបណ្តាល Samsung Tech Institute នេះ គឺជាឧទាហរណ៍ដ៏ល្អមួយ នៃការចូលរួមរបស់វិស័យឯកជន ជាមួយនឹងរាជរដ្ឋាភិបាលកម្ពុជា ក្នុងការបណ្ដុះបណ្ដាលធនធានមនុស្ស ក៏ដូចជាការចូលរួម ក្នុងការអភិវឌ្ឍសេដ្ឋកិច្ចជាតិកម្ពុជាផងដែរ។
សូមបញ្ជាក់ថា វគ្គបណ្តុះបណ្តាល Samsung Tech Institute របស់ក្រុមហ៊ុនបានចាប់ផ្តើមពីឆ្នាំ២០១៤មកម្ល៉េះ ដោយសិក្ខាកាមដែលបានចូលរួមវគ្គបណ្តុះបណ្តាលទាំង៤ជំនាន់រួមមកនោះ មានសរុបជិត៣០០នាក់។ សិក្ខាកាមទាំងនោះ កំពុងបន្តចែកចាយចំណេះដឹងរបស់ខ្លួន ដល់ប្រជាជនកម្ពុជារាប់ពាន់នាក់ តាមការបង្ហាត់បង្ហាញក្រៅសាលាផងដែរ។
ដោយឡែកវគ្គបណ្ដុះបណ្ដាលលើកទី៥នេះ មានសិក្ខាកាមចូលរួមចំនួន៨០នាក់ សិក្សាលើជំនាញជួសជុល ទូរទស្សន៍ ទូទឹកកក ម៉ាស៊ីនត្រជាក់ ម៉ាស៊ីនបោកគក់ និងទូរស័ព្ទដៃ។ ក្រោយបញ្ចប់វគ្គបណ្ដុះបណ្ដាលនេះ សិក្ខាកាមទាំងអស់ នឹងត្រូវប្រលងបញ្ចប់ការសិក្សា ដើម្បីទទួលវិញ្ញាបនបត្រ។ កាន់តែពិសេស សិស្សឆ្នើមចំនួន៨នាក់ នឹងទទួលបានឱកាសការងារ និងការបណ្ដុះបណ្ដាលការងារ ពីបណ្ដាញដៃគូក្រុមហ៊ុនធំៗជាច្រើន របស់សាមសុងនៅកម្ពុជាផងដែរ។
គួរកត់សម្គាល់ថា Samsung Tech Institute នេះ គឺជាវគ្គបណ្ដុះបណ្ដាលមួយ ដែលពិសេស និងទំនើបជាងគេក្នុងព្រះរាជាណាចក្រកម្ពុជា ព្រោះត្រូវបានបំពាក់ដោយឧបករណ៍ទំនើបៗ ព្រមទាំងទទួលនូវការប្រឹក្សាយោបល់ ពីអ្នកជំនាញរបស់សាមសុងផងដែរ៕
(អត្ថបទពាណិជ្ជកម្ម)
ដោយប្រកាន់ខ្ជាប់គោលការណ៍រួមចំណែកផ្ដល់ផលវិជ្ជមានដល់សង្គម ក្នុងប្រតិបត្តិការផ្តល់សេវា និងផ្គត់ផ្គង់ផលិតផល ក្រុមហ៊ុនសាមសុង តែងតែបង្កើតឱកាសសម្រាប់ប្រជាជន និងសហគមន៍ សម្រាប់ការអភិវឌ្ឍឲ្យកាន់តែប្រសើរឡើងជាលំដាប់។ ក្នុងនោះការរួមចំណែកបណ្ដុះបណ្ដាលធនធានមនុស្ស គឺជាអាទិភាពមួយរបស់ក្រុមហ៊ុន ដោយធ្វើយ៉ាងណាជួយដល់យុវជន ដើម្បីឲ្យពួកគេអាចបញ្ចេញសក្តានុពល និងទេពកោសល្យរបស់ខ្លួន ក្នុងការបម្រើជីវភាពខ្លួនឯងផង និងសង្គមជាតិទាំងមូលផង។
លោក Seungho Choi អគ្គនាយកសាខាក្រុមហ៊ុនថៃសាមសុងអេឡិចត្រូនិកប្រចាំប្រទេសកម្ពុជា បានថ្លែងក្នុងឱកាសបើកវគ្គបណ្ដុះបណ្ដាលនេះថា ការជួយដល់សង្គមគឺជាកិច្ចការដែលមានសារៈសំខាន់ណាស់សម្រាប់សាមសុង ព្រោះគោលបំណងរបស់ក្រុមហ៊ុន គឺមិនផ្ដោតតែលើការលក់ផលិតផលមួយមុខនោះឡើយ តែក៏ចូលរួមផ្ដល់ផលប្រយោជន៍ដល់សង្គម តាមរយ:ការពង្រីកចំណេះដឹង ទៅលើផ្នែកគ្រឿងអេឡិចត្រូនិកដែរ។ លោកបានបន្តទៀតដោយរំពឹងទុកថា វគ្គបណ្ដុះបណ្ដាលជំនាន់ទី៥នេះ នឹងបន្តភាពជោគជ័យរបស់ខ្លួន ពោលគឺការផ្ទេរចំណេះ និងជំនាញចាំបាច់ ដល់សិក្ខាកាមទាំង៨០នាក់ ដែលបានចូលរួមក្នុងវគ្គនេះ។ លោក Seungho Choi បញ្ជាក់ទៀតដូច្នេះ៖« យើងសង្ឃឹមជឿជាក់ថា ជំនាញទាំងនេះ នឹងជួយឲ្យប្អូនៗ ចូលរួមបានកាន់តែច្រើនក្នុងការអភិវឌ្ឍសង្គមជាតិ និងអនាគតរបស់ខ្លួន»។
ឯកឧត្តម បណ្ឌិត ប៊ុន ភារិន នាយកវិទ្យាស្ថានជាតិពហុបច្ចេកទេសកម្ពុជាបានមានប្រសាសន៍ថា វគ្គបណ្តុះបណ្តាល Samsung Tech Institute នេះ គឺជាឧទាហរណ៍ដ៏ល្អមួយ នៃការចូលរួមរបស់វិស័យឯកជន ជាមួយនឹងរាជរដ្ឋាភិបាលកម្ពុជា ក្នុងការបណ្ដុះបណ្ដាលធនធានមនុស្ស ក៏ដូចជាការចូលរួម ក្នុងការអភិវឌ្ឍសេដ្ឋកិច្ចជាតិកម្ពុជាផងដែរ។
សូមបញ្ជាក់ថា វគ្គបណ្តុះបណ្តាល Samsung Tech Institute របស់ក្រុមហ៊ុនបានចាប់ផ្តើមពីឆ្នាំ២០១៤មកម្ល៉េះ ដោយសិក្ខាកាមដែលបានចូលរួមវគ្គបណ្តុះបណ្តាលទាំង៤ជំនាន់រួមមកនោះ មានសរុបជិត៣០០នាក់។ សិក្ខាកាមទាំងនោះ កំពុងបន្តចែកចាយចំណេះដឹងរបស់ខ្លួន ដល់ប្រជាជនកម្ពុជារាប់ពាន់នាក់ តាមការបង្ហាត់បង្ហាញក្រៅសាលាផងដែរ។
ដោយឡែកវគ្គបណ្ដុះបណ្ដាលលើកទី៥នេះ មានសិក្ខាកាមចូលរួមចំនួន៨០នាក់ សិក្សាលើជំនាញជួសជុល ទូរទស្សន៍ ទូទឹកកក ម៉ាស៊ីនត្រជាក់ ម៉ាស៊ីនបោកគក់ និងទូរស័ព្ទដៃ។ ក្រោយបញ្ចប់វគ្គបណ្ដុះបណ្ដាលនេះ សិក្ខាកាមទាំងអស់ នឹងត្រូវប្រលងបញ្ចប់ការសិក្សា ដើម្បីទទួលវិញ្ញាបនបត្រ។ កាន់តែពិសេស សិស្សឆ្នើមចំនួន៨នាក់ នឹងទទួលបានឱកាសការងារ និងការបណ្ដុះបណ្ដាលការងារ ពីបណ្ដាញដៃគូក្រុមហ៊ុនធំៗជាច្រើន របស់សាមសុងនៅកម្ពុជាផងដែរ។
គួរកត់សម្គាល់ថា Samsung Tech Institute នេះ គឺជាវគ្គបណ្ដុះបណ្ដាលមួយ ដែលពិសេស និងទំនើបជាងគេក្នុងព្រះរាជាណាចក្រកម្ពុជា ព្រោះត្រូវបានបំពាក់ដោយឧបករណ៍ទំនើបៗ ព្រមទាំងទទួលនូវការប្រឹក្សាយោបល់ ពីអ្នកជំនាញរបស់សាមសុងផងដែរ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
