ផ្លូវជាតិលេខ៤ ត្រង់គីឡូម៉ែត្រលេខ៩០ និង១១៥ ត្រូវផ្អាកបណ្ដោះអាសន្ន ដោយសារទឹកជំនន់

ជាតិ

ផ្លូវជាតិលេខ៤ ត្រង់គីឡូម៉ែត្រលេខ៩០ និង១១៥ ត្រូវផ្អាកបណ្ដោះអាសន្ន ដោយសារទឹកជំនន់

20, Jul 2018 , 2:15 pm

រូបភាព

រូបភាពបានពីរដ្ឋបាលខេត្តកំពង់ស្ពឺ

ដោយ: អ៊ូ សុខមាន (OU Sokmean)

កំណាត់ផ្លូវជាតិលេខ៤ នៅឃុំត្រែងត្រយឹង ស្រុកភ្នំស្រួច ត្រង់ចំណុចគីឡូម៉ែត្រលេខ៩០ នៅខេត្តកំពង់ស្ពឺ និងត្រង់ចំណុចគីឡូម៉ែត្រលេខ១១៥ នៅខេត្តព្រះសីហនុ និងខេត្តកោះកុង ត្រូវបានផ្អាកចរាចរណ៍បណ្ដោះអាសន្ន នៅព្រឹកថ្ងៃទី២០ ខែកក្កដានេះ ដោយសារទឹកជំនន់ហូរកាត់ផ្លូវ។ នេះបើយោងតាមរដ្ឋបាលខេត្តកំពង់ស្ពឺ។

រដ្ឋបាលខេត្តកំពង់ស្ពឺ បានឲ្យដឹងថា ទឹកជំនន់ដែលហូរកាត់ផ្លូវនេះ មានប្រវែងជាង ១០០ម៉ែត្រ។ ចំពោះសាធារណជនដែលមានបំណងធ្វើដំណើរទៅខេត្តព្រះសីហនុ និងខេត្តកោះកុង អាចប្រើប្រាស់ផ្លូវវាងតាមផ្លូវជាតិលេខ៤១ និងផ្លូវជាតិ៣ បាន៕