ជាតិ
បទយកការណ៍ / បទសម្ភាសន៍
អ្នកស្រី ណន ង៉ា ងាកមកដាំបន្លែសរីរាង្គព្រោះបារម្ភពីសុខភាពខ្លួនឯង និងអ្នកទិញ
× សៀមរាប៖ មានកសិករមិនច្រើនទេ ដែលយល់ដឹងពីការដាំបន្លែសរីរាង្គ។ បន្លែសរីរាង្គ ត្រូវការការថែទាំច្រើន និងប្រើពេលយូរ ខុសពីបន្លែគីមី។ យ៉ាងណា អ្នកស្រី ណន ង៉ា កសិករមួយរូបនៅសង្កាត់ក្របីរៀល ក្រុងសៀមរាប បានសម្រេចងាកមកដាំបន្លែសរីរាង្គ ព្រោះអ្នកស្រីបារម្ភពីសុខភាពខ្លួនឯង និងអ្នកទិញ។ អ្នកស្រីថា ក្រោយងាកមកដាំបន្លែសរីរាង្គ ធ្វើឱ្យសុខភាពអ្នកស្រីរឹងមាំ និងមិនសូវឈឺដូចកាលនៅដាំដោយប្រើដាំគីមីឡើយ។
ខាងក្រោមនេះ ជាបទសម្ភាសផ្ទាល់រវាងអ្នកសារព័ត៌មានថ្មីៗ និងអ្នកស្រី ណន ង៉ា កសិករដាំបន្លែសរីរាង្គ នៅក្រុងសៀមរាប៖
ក្នុងបទសម្ភាសជាមួយសារព័ត៌មានថ្មីៗ អ្នកស្រី ណន ង៉ា បានឱ្យដឹងថា អ្នកស្រីទើបនឹងងាកមកដាំបន្លែសរីរាង្គពីដើមឆ្នាំ២០១៨មក ព្រោះបានយល់ដឹងពីផលលំបាកនៃការដាំបន្លែគីមី។ ការដាំបន្លែគីមី ធ្វើឱ្យអ្នកដាំផ្ទាល់ប្រឈមមុខមុនគេនឹងជំងឺផ្សេងៗ ដោយសារសារធាតុគីមីដែលបាញ់ផ្ទាល់ទៅលើបន្លែ។
អ្នកស្រី ណន ង៉ា បានឱ្យដឹងថា ទោះបន្លែសរីរាង្គត្រូវការថែទាំច្រើនបន្ដិចមែន តែវាលក់បានតម្លៃខ្ពស់ គឺតម្លៃទ្វេដង ប្រៀបនឹងតម្លៃបន្លែធម្មតា។ អ្នកស្រី ង៉ា បញ្ជាក់ថា អ្នកស្រីសប្បាយរីករាយពេលឃើញអ្នកទិញមានសុវត្ថិភាពចំពោះការហូបបន្លែដែលអ្នកស្រីដាំ គឺសុវត្ថិភាពទាំងអ្នកដាំ និងអ្នកទិញ ជាអ្វីដែលអ្នកស្រី និងគ្រួសារចង់បាន។
Tag:
បន្លែសរីរាង្គ
ណន ង៉ា
© រក្សាសិទ្ធិដោយ thmeythmey.com