កីឡាជាតិ
ជាតិ
ស្ថាបនិកវាយតម្លៃខ្ពស់ចំពោះពាន KMH Champions League ខណៈគ្រួសារប៊ីចេងគ្រងជើងឯក
×![]()
ការប្រកួតបាល់ទាត់ដណ្តើមពានរង្វាន់ពាក់កណ្តាលអាជីព KMH Champions League រដូវកាល ២០១៧-២០១៨ បានបញ្ចប់ដោយជោគជ័យ និងទទួលបានការវាយតម្លៃខ្ពស់ពីថ្នាក់ដឹកនាំ។ ក្រុមបាល់ទាត់ចំណូលថ្មីគ្រួសារប៊ីចេង បានគ្រងជើងឯកនៅឆ្នាំនេះ ក្រោយយកឈ្នះក្រុម Down Town Sport ក្នុងលទ្ធផល ២-១ ក្នុងវគ្គផ្តាច់ព្រ័ត្រ ខណៈអាណាចក្របៃតង បានលេខ៣ ក្រោយយកឈ្នះពិស្ណុកា ៨-៤។
ក្រុមបាល់ទាត់ចំណូលថ្មីគ្រួសារប៊ីចេង បានគ្រងជើងឯកពានរង្វាន់ KHM Champions League រដូវកាល ២០១៧-២០១៨ ក្រោយយកឈ្នះក្រុម Down Town Sport ក្នុងលទ្ធផល ២-១ នាការប្រកួតវគ្គផ្តាច់ព្រ័ត្រ កាលពីថ្ងៃសៅរ៍ ទី២១ ខែកក្កដា នៅកីឡដ្ឋាន KMH Park។ សម្រាប់ការប្រកួតដ៏ស្វិតស្វាញ ដែលមានការបន្ថែម១៥នាទីពីរដង កីឡាករ ផ្លុង សុខរក្សា បានរកគ្រាប់បាល់នាំមុខ ១-០ សម្រាប់គ្រួសារប៊ីចេងនៅនាទី២៨។ ពីរនាទីក្រោយមក កីឡាករ ព្រំ ឌីយ៉ាម៉ង់ បានសម្រេចគ្រាប់បាល់តាមស្មើ ១-១ សម្រាប់ Down Town Sport។ ក្រុមទាំងពីរបានរក្សាលទ្ធផលនេះ រហូតចប់ការប្រកួត៩០នាទី។
ឈានដល់ការបន្ថែម១៥នាទីពីរដង ក្រុមទាំងពីរបានវាយសម្រុកគ្នាទៅវិញទៅមកយ៉ាងខ្លាំង និងបង្កើតឱកាសមាសរៀងៗខ្លួន។ ប៉ុន្តែអ្វីៗគ្រប់យ៉ាងត្រូវបានបញ្ចប់ ក្រោយកីឡាករ វណ្ណារ៉ា សម្រេចគ្រាប់ទី២ឲ្យក្រុមគ្រួសារប៊ីចេងនៅនាទីទី១០៥ ដែលជាគ្រាប់បាល់ជ័យជម្នះជួយឲ្យក្រុមគ្រួសារប៊ីចេង លើកពាន KMH Champions League រដូវកាលទី៣។
ជាមួយគ្នានេះ ក្រុមអាចក្របៃតងទទួលបានចំណាត់ថ្នាក់លេខ៣ ក្រោយយកឈ្នះក្រុមពិស្ណុកាក្នុងលទ្ធផល ៨-៤ ដោយគ្រាប់បាល់របស់អាណាចក្របៃតងសម្រេចដោយកីឡាករ សុខ គារ៉ា និង លឹម ចាន់លាភ ម្នាក់៣គ្រាប់ និងរួមចំណែកម្នាក់១គ្រាប់ពីកីឡាករ ឈឿង សុខហេង និង សុខ ច័ន្ទរស្មី។ ចំណែកគ្រាប់បាល់របស់ពិស្ណុកា រកបានដោយកីឡាករ ឯក វណ្ណៈ ពីរគ្រាប់ និងរួមចំណែកម្នាក់១គ្រាប់ពីកីឡាករ អ៊ុង វិសាល និង សុវណ្ណ វិច្ឆិកា។
លោក កាំង សេន ស្ថាបនិកពាន KMH Champions League ដែលជាពានរង្វាន់បាល់ទាត់ពាក់កណ្តាលអាជីពធំជាងគេនៅកម្ពុជាបានវាយតម្លៃថា នៅរដូវកាលទី៣នេះ មានការប្រកួតប្រជែងស្វិតស្វាញខ្លាំង បើធៀបនឹងពីរលើកកន្លង។ លោកបន្ថែមថា សមត្ថភាព បច្ចេកទេស និងទម្រង់លេងរបស់កីឡាករនៃក្រុមនីមួយៗ ក៏មានការរីកចម្រើនផងដែរ។
ទន្ទឹមនឹងមើលឃើញពីការរីកចម្រើន ស្ថាបនិករូបនេះអះអាងថា នៅរដូវកាលក្រោយលោកនឹងរៀបចំឲ្យកាន់តែប្លែក និងអស្ចារ្យជាងនេះទៀត ពិសេសអាចមានការបន្ថែមប្រាក់រង្វាន់លើកទឹកចិត្តសម្រាប់ក្រុមម្ចាស់ជ័យលាភីទៀងផង។ តែយ៉ាងណា លោកមិនបានបញ្ជាក់លម្អិតទាក់ទងនឹងចំណុចអស្ចារ្យ ក៏ដូចជាការបន្ថែមប្រាក់រង្វាន់លើកទឹកចិត្តទាំងនោះឡើយ។
សម្រាប់ប្រាក់រង្វាន់លើកទឹកចិត្តក្រុមជើងឯកគ្រួសារប៊ីចេងទទួលបាន៤៨លានរៀល(១២,០០០ដុល្លារ), លេខ២ Down Town បាន២៤លានរៀល(៦ពាន់ដុល្លារ), លេខ៣អាណាចក្របៃតង បាន១២លានរៀល(៣ពាន់ដុល្លារ) និងក្រុមលេខ៤ពិស្ណុកា បាន៦លានរៀល(១,៥០០ដុល្លារ)។
ក្រៅពីនេះ ក្រុម Fair Play (Down Town Sport) បាន៧៥០ដុល្លារ, អាជ្ញាកណ្តាលល្អ, អ្នកចាំទីល្អ(អ៊ុក មិច) និងអ្នករកគ្រាប់បាល់បានច្រើនជាងគេ(ជា អូលី)បានម្នាក់៤០០ដុល្លារ។ បន្ថែមលើនេះ ក្រុមធ្លាក់នៅវគ្គ១/៨ ទទួលបាន៣០០ដុល្លារក្នុង១ក្រុម, ក្រុមធ្លាក់វគ្គ១/៤ បាន៧៥០ដុល្លារក្នុង១ក្រុម៕
ក្រុមបាល់ទាត់ចំណូលថ្មីគ្រួសារប៊ីចេង បានគ្រងជើងឯកពានរង្វាន់ KHM Champions League រដូវកាល ២០១៧-២០១៨ ក្រោយយកឈ្នះក្រុម Down Town Sport ក្នុងលទ្ធផល ២-១ នាការប្រកួតវគ្គផ្តាច់ព្រ័ត្រ កាលពីថ្ងៃសៅរ៍ ទី២១ ខែកក្កដា នៅកីឡដ្ឋាន KMH Park។ សម្រាប់ការប្រកួតដ៏ស្វិតស្វាញ ដែលមានការបន្ថែម១៥នាទីពីរដង កីឡាករ ផ្លុង សុខរក្សា បានរកគ្រាប់បាល់នាំមុខ ១-០ សម្រាប់គ្រួសារប៊ីចេងនៅនាទី២៨។ ពីរនាទីក្រោយមក កីឡាករ ព្រំ ឌីយ៉ាម៉ង់ បានសម្រេចគ្រាប់បាល់តាមស្មើ ១-១ សម្រាប់ Down Town Sport។ ក្រុមទាំងពីរបានរក្សាលទ្ធផលនេះ រហូតចប់ការប្រកួត៩០នាទី។
ឈានដល់ការបន្ថែម១៥នាទីពីរដង ក្រុមទាំងពីរបានវាយសម្រុកគ្នាទៅវិញទៅមកយ៉ាងខ្លាំង និងបង្កើតឱកាសមាសរៀងៗខ្លួន។ ប៉ុន្តែអ្វីៗគ្រប់យ៉ាងត្រូវបានបញ្ចប់ ក្រោយកីឡាករ វណ្ណារ៉ា សម្រេចគ្រាប់ទី២ឲ្យក្រុមគ្រួសារប៊ីចេងនៅនាទីទី១០៥ ដែលជាគ្រាប់បាល់ជ័យជម្នះជួយឲ្យក្រុមគ្រួសារប៊ីចេង លើកពាន KMH Champions League រដូវកាលទី៣។
ជាមួយគ្នានេះ ក្រុមអាចក្របៃតងទទួលបានចំណាត់ថ្នាក់លេខ៣ ក្រោយយកឈ្នះក្រុមពិស្ណុកាក្នុងលទ្ធផល ៨-៤ ដោយគ្រាប់បាល់របស់អាណាចក្របៃតងសម្រេចដោយកីឡាករ សុខ គារ៉ា និង លឹម ចាន់លាភ ម្នាក់៣គ្រាប់ និងរួមចំណែកម្នាក់១គ្រាប់ពីកីឡាករ ឈឿង សុខហេង និង សុខ ច័ន្ទរស្មី។ ចំណែកគ្រាប់បាល់របស់ពិស្ណុកា រកបានដោយកីឡាករ ឯក វណ្ណៈ ពីរគ្រាប់ និងរួមចំណែកម្នាក់១គ្រាប់ពីកីឡាករ អ៊ុង វិសាល និង សុវណ្ណ វិច្ឆិកា។
លោក កាំង សេន ស្ថាបនិកពាន KMH Champions League ដែលជាពានរង្វាន់បាល់ទាត់ពាក់កណ្តាលអាជីពធំជាងគេនៅកម្ពុជាបានវាយតម្លៃថា នៅរដូវកាលទី៣នេះ មានការប្រកួតប្រជែងស្វិតស្វាញខ្លាំង បើធៀបនឹងពីរលើកកន្លង។ លោកបន្ថែមថា សមត្ថភាព បច្ចេកទេស និងទម្រង់លេងរបស់កីឡាករនៃក្រុមនីមួយៗ ក៏មានការរីកចម្រើនផងដែរ។
ទន្ទឹមនឹងមើលឃើញពីការរីកចម្រើន ស្ថាបនិករូបនេះអះអាងថា នៅរដូវកាលក្រោយលោកនឹងរៀបចំឲ្យកាន់តែប្លែក និងអស្ចារ្យជាងនេះទៀត ពិសេសអាចមានការបន្ថែមប្រាក់រង្វាន់លើកទឹកចិត្តសម្រាប់ក្រុមម្ចាស់ជ័យលាភីទៀងផង។ តែយ៉ាងណា លោកមិនបានបញ្ជាក់លម្អិតទាក់ទងនឹងចំណុចអស្ចារ្យ ក៏ដូចជាការបន្ថែមប្រាក់រង្វាន់លើកទឹកចិត្តទាំងនោះឡើយ។
សម្រាប់ប្រាក់រង្វាន់លើកទឹកចិត្តក្រុមជើងឯកគ្រួសារប៊ីចេងទទួលបាន៤៨លានរៀល(១២,០០០ដុល្លារ), លេខ២ Down Town បាន២៤លានរៀល(៦ពាន់ដុល្លារ), លេខ៣អាណាចក្របៃតង បាន១២លានរៀល(៣ពាន់ដុល្លារ) និងក្រុមលេខ៤ពិស្ណុកា បាន៦លានរៀល(១,៥០០ដុល្លារ)។
ក្រៅពីនេះ ក្រុម Fair Play (Down Town Sport) បាន៧៥០ដុល្លារ, អាជ្ញាកណ្តាលល្អ, អ្នកចាំទីល្អ(អ៊ុក មិច) និងអ្នករកគ្រាប់បាល់បានច្រើនជាងគេ(ជា អូលី)បានម្នាក់៤០០ដុល្លារ។ បន្ថែមលើនេះ ក្រុមធ្លាក់នៅវគ្គ១/៨ ទទួលបាន៣០០ដុល្លារក្នុង១ក្រុម, ក្រុមធ្លាក់វគ្គ១/៤ បាន៧៥០ដុល្លារក្នុង១ក្រុម៕
Tag:
បាល់ទាត់
កាំង សេន
KMH Champions League
© រក្សាសិទ្ធិដោយ thmeythmey.com
