មន្ត្រីសង្ឃភ្នំពេញ ស្នើឲ្យបរិស័ទ កុំបរិច្ចាគបច្ច័យ ដល់ព្រះសង្ឃ ដែលនិមន្តរៃអង្គាស តាមផ្សារ

ជាតិ

មន្ត្រីសង្ឃភ្នំពេញ ស្នើឲ្យបរិស័ទ កុំបរិច្ចាគបច្ច័យ ដល់ព្រះសង្ឃ ដែលនិមន្តរៃអង្គាស តាមផ្សារ

22, Jul 2018 , 7:59 pm

រូបភាព

រូបពីហ្វេសបុករបស់សាលាគណរាជធានីភ្នំពេញ

ដោយ: ប៉ូ សាគុន

សាលាគណរាជធានីភ្នំពេញ ស្នើដល់ពុទ្ធបរិស័ទ នៅតាមទីផ្សារ ជាពិសេសអាជ្ញាធរពាក់ព័ន្ធទាំងអស់ កុំឲ្យបរិច្ចាគបច្ច័យ ដល់ជនស្លៀកពាក់ ស្បង់ ចីវរ ដែលចូលរៃអង្គាសក្នុងផ្សារ។ តាមរយៈសារដែលបង្ហោះលើទំព័រហ្វេសប៊ុក សាលាគណរាជធានីភ្នំពេញ ចាត់ទុកការនិមន្តរៃអង្គាសបច្ច័យនៅតាមទីផ្សារ ថាខុសធម៌វិន័យ និងច្បាប់។

លើសពីនេះ សាលាគណរាជធានីភ្នំពេញ បានអំពាវនាវឲ្យពុទ្ធបរិស័ទនៅតាមទីផ្សារ ផ្តល់ដំណឹងទៅកាន់មន្ត្រីសង្ឃនៃសាលាគណរាជធានីភ្នំពេញ តាមទូរស័ព្ទលេខ 0១២ ៥២ ៥៤ ៣៤, 0១២ ៥៤ ៤៤ ៨៨, 0១២ ៧១៤៤ ២៣ និង 0៧៦ ៦៦ ៦៦ 0៧៦ ក្នុងករណីបានឃើញជន ដែលស្លៀកពាក់ ស្បង់ ចីវរ ចូលរៃអង្គាសប្រាក់ នៅតាមទីផ្សារ ដោយមានស្រោមសំបុត្រផងនោះ៕