អត្ថបទពាណិជ្ជកម្ម
រីករាយជាមួយឱកាសទីផ្សារការងារ ក្នុងកម្មវិធីសិក្សាអន្តរជាតិ ACCA
× ស្ថាបនិកទាំងអស់ តែងតែព្យាយាមរិះរកនូវយុទ្ធសាស្ត្រគ្រប់បែបយ៉ាង ដើម្បីបង្កើតលុយ រក្សាលុយ ក៏ដូចជាប្រើប្រាស់លុយរបស់ពួកគេឲ្យអស់លទ្ធភាព និងមានប្រសិទ្ធភាពបំផុត។ សូម្បីតែអង្គការក្រៅរដ្ឋាភិបាល ឬអង្គភាពមិនស្វែងរកប្រាក់ចំណេញ ក៏ពួកគេតែងតែរកវិធីសាស្ត្រប្រើប្រាស់លុយជំនួយ ដែលទទួលបានប្រកបដោយភាពត្រឹមត្រូវដែរ។
បើសិនជាពួកគេធ្វេសប្រហែស នឹងធ្វើឲ្យគេខាតបង់យ៉ាងធ្ងន់ធ្ងរ ទោះបីជាចំណូលក្នុងក្រុមហ៊ុនយ៉ាងច្រើនផងដែរ។ នេះជាហេតុធ្វើឲ្យស្ថាប័នទាំងអស់ ព្យាយាមស្វែងរកគណនេយ្យករដែលមានជំនាញច្បាស់លាស់ ក្នុងការកត់ត្រា និងរៀបចំបញ្ជីចំណូលចំណាយរបស់ពួកគេ ឲ្យមានភាពត្រឹមត្រូវ ហើយមានប្រសិទ្ធភាពខ្ពស់ស្របទៅតាមស្តង់ដារអន្តរជាតិ មកបម្រើការងារក្នុងក្រុមហ៊ុន។
គួរបញ្ជាក់ផងដែរ ACCA គឺជាកម្មវិធីគណនេយ្យ និងហិរញ្ញវត្ថុអន្តរជាតិមួយ ដែលត្រូវបានបង្កើតឡើងដោយសមាគមគណនេយ្យករជំនាញអន្តរជាតិ ហៅកាត់ថា ACCA (Association of Chartered Certified Accountants) ដែលមានទីតាំងនៅចក្រភពអង់គ្លេស។ កម្មវិធីនេះ ក៏ត្រូវបានទទួលស្គាល់ដោយប្រទេសចំនួន ១៨៣ លើពិភពលោកផងដែរ។
ACCA បានបណ្តុះបណ្តាលសិស្ស-និស្សិត ឲ្យមានភាពច្បាស់លាស់ក្នុងការកត់ត្រាបញ្ជីគណនេយ្យ (IASs) រៀបចំរបាយការណ៍ហិរញ្ញវត្ថុ ដែលមានភាពត្រឹមត្រូវស្របតាមស្តង់ដារ (IFRSs) និងតម្រង់ទិសពួកគេ ឲ្យក្លាយទៅជាបុគ្គលិកដែលមានវិជ្ជាជីវៈ ក៏ដូចជាសហគ្រិនដ៏វ័យឆ្លាតម្នាក់។ មិនត្រឹមតែប៉ុណ្ណោះ បុគ្គលដែលបញ្ចប់ការសិក្សាកម្មវិធី ACCA នឹងទទួលបានឱកាសការងារ ដ៏ច្រើនសម្បូរបែប ទាំងក្នុងតំបន់ និងលើឆាកអន្តរជាតិ។
សព្វថ្ងៃនេះ ACCA មានទីស្នាក់ការ និងដៃគូសហការជាមួយបណ្តាប្រទេសជាច្រើននៅទូទាំងពិភពលោក។ ដោយឡែកនៅប្រទេសកម្ពុជា CamEd Business School គឺជាដៃគូរបណ្តុះបណ្តាលកម្មវិធី ACCA តែមួយគត់នៅក្នុងប្រទេសនេះ ដែលទទួលបានកម្រិតគុណភាពថ្នាក់ Platinum ពីសមាគមគណនេយ្យករជំនាញអន្តរជាតិ ACCA។
CamEd Business School បានតាំងចិត្តក្នុងការផ្តល់ជូននូវសេវាអប់រំមួយ ដែលមានភាពល្អឥតខ្ចោះ តាមរយៈការជ្រើសរើសសាស្ត្រាចារ្យជនជាតិដើម ដែលមានគុណវុឌ្ឍន៍លំដាប់អន្តរជាតិ។ កម្មវិធីសិក្សាស្តង់ដារអន្តរជាតិ មានការសម្របសម្រួលពីសំណាក់បុគ្គលិករដ្ឋបាល ជាពិសេសការរៀបចំនូវបន្ទប់សិក្សា និងសម្ភារបរិក្ខារទំនើបៗជាច្រើន ដើម្បីជាជំនួយដល់ការសិក្សារបស់សិស្សនិស្សិត។
ជាលទ្ធផល គ្រប់សិស្សដែលបញ្ចប់ការសិក្សានៅវិទ្យាស្ថាន CamEd Business School សុទ្ធសឹងតែទទួលបានការអភិវឌ្ឍន៍ការងារជាវិជ្ជមាន ទទួលស្គាល់គុណភាពចំណេះដឹង ពីសំណាក់ស្ថាបន័ជាតិ និងអន្តរជាតិ ហើយជាពិសេសនោះគឺឱកាសការងារដ៏ច្រើនសម្បូរបែប។
ការវិនិយោគលើការសិក្សា គឺដើម្បីអភិវឌ្ឍន៍ខ្លួន ឲ្យក្លាយទៅជាធនធានដ៏មានតម្លៃបំផុតសម្រាប់បំពេញតម្រូវការក្រុមហ៊ុន និងសង្គម។ តែផ្ទុយទៅវិញ គឺជាការបង្កើននូវសក្តានុពលដ៏ខ្លាំងក្លាសម្រាប់ខ្លួនឯង ដើម្បីប្រកួតប្រជែងក្នុងទីផ្សារការងារអន្តរជាតិ។ ដូច្នេះហើយ សូមចាប់ផ្តើមបង្កើនសមត្ថភាពវិជ្ជាជីវៈរបស់អ្នកនៅថ្ងៃនេះ ជាមួយវិទ្យាស្ថាន CamEd Business School ។
សម្រាប់ព័ត៌មានបន្ថែមសូមចូលទៅកាន់គេហទំព័រ : www.cam-ed.com ឬ ទំនាក់ទំនង : ០២៣ ៩៨៦ ៥២២/៥២៣/៩៦០/៩៦១ ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com