ជាតិ
កុងស៊ុលចិនប្រចាំខេត្តសៀមរាបស្នើកុំលក់ទំនិញក្លែងក្លាយឲ្យភ្ញៀវទេសចរចិន
លោក ម៉ូ យ៉ុន យ៉ុន អគ្គកុងស៊ុលចិនប្រចាំខេត្តសៀមរាប
×![]()
សៀមរាប៖ អគ្គកុងស៊ុលនៃស្ថានទូតសាធារណរដ្ឋប្រជាមានិតចិន តំណាងការិយាល័យប្រចាំខេត្តសៀមរាប បានសម្ដែងការបារម្ភចំពោះហាងមួយចំនួនក្នុងខេត្តសៀមរាប ដែលកំពុងចរាចរណ៍លក់វត្ថុសម្ភារក្លែងក្លាយដល់ភ្ញៀវទេសចរជនជាតិចិន។ ជាមួយនឹងបញ្ហានេះ លោកកុងស៊ុលបារម្ភថា នឹងអាចប៉ះពាល់ដល់សតិអារម្មណ៍ភ្ញៀវទេសចរនាពេលខាងមុខ។
លោក ម៉ូ យ៉ុន យ៉ុន (Mo Yuan Yuan) អគ្គកុងស៊ុលនៃស្ថានទូតសាធារណរដ្ឋប្រជាមានិតចិន តំណាងការិយាល័យប្រចាំខេត្តសៀមរាប បានបង្ហាញក្ដីបារម្ភពីផលប៉ះពាល់ចំនួនទេសចរចិន ខណៈដែលហាងលក់សម្ភារមួយចំនួន បាននិងកំពុងលក់របស់មិនពិត គ្មានគុណភាព និងមានតម្លៃខ្ពស់ដល់ទេសចរចិន។ លោកសុំឱ្យម្ចាស់ហាងទាំងនោះបញ្ឈប់សកម្មភាពទាំងនោះ ព្រោះអាចប៉ះពាល់ដល់ការធ្វើដំណើររបស់ទេសចរចិនមកកាន់កម្ពុជាទៅថ្ងៃខាងមុខ។
«យើងដឹងហើយថា ទេសចរចិនភាគច្រើនគាត់មកលេងតែម្ដងទេ។ ចុះពេលគាត់មក ហើយទិញប៉ះចំរបស់មិនពិត ក្លែងក្លាយ តើគាត់នឹងនិយាយអ្វីខ្លះពីស្រុកខ្មែរ? »។ នេះជាការពន្យល់របស់លោក ម៉ូ យ៉ុន យ៉ុន ក្នុងពិធីជួបជុំប្រតិបត្តិករទេសចរណ៍ខេត្តសៀមរាបលើកទី៣០ ដែលធ្វើឡើងនៅល្ងាចថ្ងៃទី២៤ កក្កដា នៅភោជនីយដ្ឋាន ផាឡេត អង្គរ។ លោកបន្ថែមថា កន្លងមក ខាងអគ្គកុងស៊ុល ធ្លាប់បានដោះស្រាយនៅទីតាំងមួយចំនួន ដែលលក់សម្ភារ និងទំនិញក្លែងក្លាយនេះ ហើយក៏បានព្រមានដល់ម្ចាស់អាជីវកម្មទាំងនោះដែរ។
ជាមួយនឹងការបារម្ភនេះ លោកអគ្គកុងស៊ុល ក៏បានបង្ហាញអារម្មណ៍រីករាយជាមួយនឹងកំណើនទេសចរចិនមកកាន់កម្ពុជា ពិសេសខេត្តសៀមរាប ក្នុងរយៈពេលប៉ុន្មានឆ្នាំចុងក្រោយនេះ។ លោកថានេះជាកិច្ចសហប្រតិបត្តិការដ៏ល្អរវាងរដ្ឋាភិបាលកម្ពុជា និងចិន ហើយតាមគម្រោង កម្ពុជានឹងទទួលទេសចរចិនចំនួន ២លាននាក់ ត្រឹមឆ្នាំ២០២០។
តាមការបញ្ជាក់របស់លោកអគ្គកុងស៊ុលដដែល ត្រឹមឆមាសទី១ ឆ្នាំ២០១៨នេះ ទេសចរចិនបានធ្វើដំណើរមកកម្សាន្តនៅខេត្តសៀមរាប មានប្រមាណជាង ៦០ម៉ឺននាក់ ហើយតាមការរំពឹងទុកឆ្នាំនេះកម្ពុជានឹងទទួលបានទេសចរចិនជាង មួយលាននាក់។
ជាមួយនឹងកំណើនទេសចរ ជនជាតិចិនក៏មានការវិនិយោគច្រើនដែរនៅខេត្ដសៀមរាប ទាក់ទងនឹងវិស័យទេសចរណ៍ ដូចជារោងមហោស្រព (សាលមហោស្រពស្នាមញញឹមអង្គរ និងអាណាចក្រអង្គរ) និងក្រុមហ៊ុនទេសចរណ៍ជាដើម។
គួរបញ្ជាក់ថា កម្មវិធីជួបជុំប្រតិបត្តិករទេសចរណ៍ខេត្តសៀមរាប (STC) លើកទី៣០ ធ្វើឡើងដោយមានអ្នកចូលរួមប្រមាណជិត១០០នាក់។ ពិធីនេះធ្វើឡើងដើម្បីផ្លាស់ប្តូរបទពិសោធ និងចែករំលែកព័ត៌មានទេសចរណ៍ពីគ្នាទៅវិញទៅមក។ កម្មវិធី ដែលធ្វើទៀងទាត់រៀងរាល់ខែនេះ ក៏បានអញ្ជើញវាគ្មិននៅតាមវិស័យនានាទាក់ទងនឹងទេសចរណ៍ មកធ្វើបទបង្ហាញ និងចែករំលែកដល់ប្រតិបត្តិការទេសចរណ៍ផងដែរ៕
លោក ម៉ូ យ៉ុន យ៉ុន (Mo Yuan Yuan) អគ្គកុងស៊ុលនៃស្ថានទូតសាធារណរដ្ឋប្រជាមានិតចិន តំណាងការិយាល័យប្រចាំខេត្តសៀមរាប បានបង្ហាញក្ដីបារម្ភពីផលប៉ះពាល់ចំនួនទេសចរចិន ខណៈដែលហាងលក់សម្ភារមួយចំនួន បាននិងកំពុងលក់របស់មិនពិត គ្មានគុណភាព និងមានតម្លៃខ្ពស់ដល់ទេសចរចិន។ លោកសុំឱ្យម្ចាស់ហាងទាំងនោះបញ្ឈប់សកម្មភាពទាំងនោះ ព្រោះអាចប៉ះពាល់ដល់ការធ្វើដំណើររបស់ទេសចរចិនមកកាន់កម្ពុជាទៅថ្ងៃខាងមុខ។
«យើងដឹងហើយថា ទេសចរចិនភាគច្រើនគាត់មកលេងតែម្ដងទេ។ ចុះពេលគាត់មក ហើយទិញប៉ះចំរបស់មិនពិត ក្លែងក្លាយ តើគាត់នឹងនិយាយអ្វីខ្លះពីស្រុកខ្មែរ? »។ នេះជាការពន្យល់របស់លោក ម៉ូ យ៉ុន យ៉ុន ក្នុងពិធីជួបជុំប្រតិបត្តិករទេសចរណ៍ខេត្តសៀមរាបលើកទី៣០ ដែលធ្វើឡើងនៅល្ងាចថ្ងៃទី២៤ កក្កដា នៅភោជនីយដ្ឋាន ផាឡេត អង្គរ។ លោកបន្ថែមថា កន្លងមក ខាងអគ្គកុងស៊ុល ធ្លាប់បានដោះស្រាយនៅទីតាំងមួយចំនួន ដែលលក់សម្ភារ និងទំនិញក្លែងក្លាយនេះ ហើយក៏បានព្រមានដល់ម្ចាស់អាជីវកម្មទាំងនោះដែរ។
ជាមួយនឹងការបារម្ភនេះ លោកអគ្គកុងស៊ុល ក៏បានបង្ហាញអារម្មណ៍រីករាយជាមួយនឹងកំណើនទេសចរចិនមកកាន់កម្ពុជា ពិសេសខេត្តសៀមរាប ក្នុងរយៈពេលប៉ុន្មានឆ្នាំចុងក្រោយនេះ។ លោកថានេះជាកិច្ចសហប្រតិបត្តិការដ៏ល្អរវាងរដ្ឋាភិបាលកម្ពុជា និងចិន ហើយតាមគម្រោង កម្ពុជានឹងទទួលទេសចរចិនចំនួន ២លាននាក់ ត្រឹមឆ្នាំ២០២០។
តាមការបញ្ជាក់របស់លោកអគ្គកុងស៊ុលដដែល ត្រឹមឆមាសទី១ ឆ្នាំ២០១៨នេះ ទេសចរចិនបានធ្វើដំណើរមកកម្សាន្តនៅខេត្តសៀមរាប មានប្រមាណជាង ៦០ម៉ឺននាក់ ហើយតាមការរំពឹងទុកឆ្នាំនេះកម្ពុជានឹងទទួលបានទេសចរចិនជាង មួយលាននាក់។
ជាមួយនឹងកំណើនទេសចរ ជនជាតិចិនក៏មានការវិនិយោគច្រើនដែរនៅខេត្ដសៀមរាប ទាក់ទងនឹងវិស័យទេសចរណ៍ ដូចជារោងមហោស្រព (សាលមហោស្រពស្នាមញញឹមអង្គរ និងអាណាចក្រអង្គរ) និងក្រុមហ៊ុនទេសចរណ៍ជាដើម។
គួរបញ្ជាក់ថា កម្មវិធីជួបជុំប្រតិបត្តិករទេសចរណ៍ខេត្តសៀមរាប (STC) លើកទី៣០ ធ្វើឡើងដោយមានអ្នកចូលរួមប្រមាណជិត១០០នាក់។ ពិធីនេះធ្វើឡើងដើម្បីផ្លាស់ប្តូរបទពិសោធ និងចែករំលែកព័ត៌មានទេសចរណ៍ពីគ្នាទៅវិញទៅមក។ កម្មវិធី ដែលធ្វើទៀងទាត់រៀងរាល់ខែនេះ ក៏បានអញ្ជើញវាគ្មិននៅតាមវិស័យនានាទាក់ទងនឹងទេសចរណ៍ មកធ្វើបទបង្ហាញ និងចែករំលែកដល់ប្រតិបត្តិការទេសចរណ៍ផងដែរ៕
Tag:
កុងស៊ុលចិន
© រក្សាសិទ្ធិដោយ thmeythmey.com
