ជាតិ
សិល្បះ
ក្រសួងវប្បធម៌ ទុកឱកាសឲ្យតារាស៊ិចស៊ី ស្រីម៉ុច កែទង្វើខ្លួន ដើម្បីកុំឲ្យប៉ះពាល់ដល់កិត្តិយសជាតិ
លោក ថៃ នរៈសត្យា អ្នកនាំពាក្យក្រសួងវប្បធម៌
×![]()
ដោយ: ប៉ូ សាគុន
ភ្នំពេញ៖ ក្រសួងវប្បធម៌ និងវិចិត្រសិល្បៈ ទុកឱកាសឲ្យអតីតតារាសម្ដែងបែបស៊ិចស៊ី អ្នកនាង សុខ ស្រីម៉ុច កែទង្វើខ្លួនសិន មុននឹងប្រើវិធានការតាមផ្លូវច្បាប់ ។ ការលើកឡើងរបស់ក្រសួងវប្បធម៌នេះ ធ្វើឡើងបន្ទាប់ពីអ្នកនាង ស្រីម៉ុច ដែលគេនិយមស្គាល់ក្នុងបទចម្រៀងជីដូនកាកីរូបនេះ បានស្លៀកពាក់ស៊ិចស៊ីជ្រុល (ឈុតប៊ីគីនី) ក្នុងកម្មវិធីរបស់មជ្ឈមណ្ឌលកែសម្ភស្សមួយ កាលពីថ្ងៃទី២៤ កក្កដា ហើយត្រូវបានសាធារណជនរិះគន់យ៉ាងខ្លាំងថា ធ្វើឲ្យប៉ះពាល់ដល់សង្គមជាតិ។ 
អ្នកនាំពាក្យក្រសួងវប្បធម៌និងវិចិត្រសិល្បៈ លោក ថៃ នរៈសត្យា ដែលទទួលបានព័ត៌មាននេះ បាននិយាយថា បុគ្គលសាធារណៈ ជាមនុស្សដែលតំណាងឲ្យសង្គមមួយ ដូច្នេះអ្វីដែលពួកគេធ្វើនឹងជះឥទ្ធិពលខ្លាំងដល់សង្គម។ ត្រង់ចំណុចនេះ លោក ថៃ នរៈសត្យា ចង់សំដៅទៅលើការស្លៀកពាក់បែបស៊ិចស៊ីរបស់អ្នកនាង ស្រី ម៉ុច ដែលកំពុងធ្វើឲ្យប៉ះពាល់សង្គម ។
ថ្លែងប្រាប់សារព័ត៌មានថ្មីៗ អ្នកនាំពាក្យរូបនេះ បានបញ្ជាក់ថា៖ «មនុស្សមិនអាចផ្គាប់ចិត្តនរណាម្នាក់បានឡើយ តែគួរគិតថាអ្វីដែលខ្លួនធ្វើសមរម្យឬទេ។ ខ្ញុំឧទាហរណ៍ ប្រទេសមួយគេមិនអាចស្គាល់ប្រជាជនក្នុងប្រទេសមួយផ្សេងទៀតបានអស់ឡើយ តែគេស្គាល់នាយករដ្ឋមន្ត្រី ឬ ប្រធានាធិបតីនៅប្រទេសនោះ ចំណែកអ្នកសិល្បៈគេស្គាល់លឿនជាងនេះទៅទៀត។ ចុះបើប្រទេសគេឃើញអ្វីដែលមិនល្អ តើគេនឹងវាយតម្លៃយ៉ាងណា»។
នៅពេលសួថា តើក្រសួងអាចនឹងចាត់វិធានការ ឬហៅអតីតតារាសម្ដែង ស្រីម៉ុច ទៅណែនាំឬទេ? ជាការឆ្លើយតប លោក ថៃ នរៈសត្យា បាននិយាយថា ក្រសួងមិនមានបំណងដាក់គំនាបទៅបុគ្គលណាឡើយ ប្រសិនបើបុគ្គលនោះ ប្ដូរឥរិយាបថស្លៀកពាក់ ក្រោយពីមានការរិះគន់នេះ។ ផ្ទុយទៅវិញ បើអ្នកនាង ស្រីម៉ុច នៅតែធ្វើទង្វើដដែល ឬជ្រុលជាងនេះទៀតនៅថ្ងៃមុខនោះ ក្រសួងនឹងពិចារណាលើករណីរបស់នាង។
ការស្លៀកពាក់ដែលហួសហេតុពេក វានឹងធ្វើឲ្យបុគ្គលខ្លួនឯងប៉ះពាល់តម្លៃមុនគេ ។ ដូច្នេះក្នុងនាមអ្នកសិល្បៈដែលជាបុគ្គលសាធារណៈ ហើយស្លៀកស៊ិចស៊ីជ្រុលនោះ វានឹងផ្ដល់ផលប៉ះពាល់ដល់វប្បធម៌ និងប្រពៃណីខ្មែរ។ នេះជាការបន្ថែមរបស់លោក ថៃ នរៈសត្យា។
ទោះបីជាយ៉ាងណាក៏ដោយ ក៏តារាសម្តែងស្រីម៉ុច មិនបានបង្ហាញប្រតិកម្មអវិជ្ជមានតបតវិញឡើយ ដោយភាគច្រើន តារាជើងចាស់រូបនេះ គ្រាន់តែសរសេរពាក្យអរគុណប៉ុណ្ណោះនៅហ្វេសប៊ុករបស់ខ្លួន៕
អ្នកនាំពាក្យក្រសួងវប្បធម៌និងវិចិត្រសិល្បៈ លោក ថៃ នរៈសត្យា ដែលទទួលបានព័ត៌មាននេះ បាននិយាយថា បុគ្គលសាធារណៈ ជាមនុស្សដែលតំណាងឲ្យសង្គមមួយ ដូច្នេះអ្វីដែលពួកគេធ្វើនឹងជះឥទ្ធិពលខ្លាំងដល់សង្គម។ ត្រង់ចំណុចនេះ លោក ថៃ នរៈសត្យា ចង់សំដៅទៅលើការស្លៀកពាក់បែបស៊ិចស៊ីរបស់អ្នកនាង ស្រី ម៉ុច ដែលកំពុងធ្វើឲ្យប៉ះពាល់សង្គម ។
ថ្លែងប្រាប់សារព័ត៌មានថ្មីៗ អ្នកនាំពាក្យរូបនេះ បានបញ្ជាក់ថា៖ «មនុស្សមិនអាចផ្គាប់ចិត្តនរណាម្នាក់បានឡើយ តែគួរគិតថាអ្វីដែលខ្លួនធ្វើសមរម្យឬទេ។ ខ្ញុំឧទាហរណ៍ ប្រទេសមួយគេមិនអាចស្គាល់ប្រជាជនក្នុងប្រទេសមួយផ្សេងទៀតបានអស់ឡើយ តែគេស្គាល់នាយករដ្ឋមន្ត្រី ឬ ប្រធានាធិបតីនៅប្រទេសនោះ ចំណែកអ្នកសិល្បៈគេស្គាល់លឿនជាងនេះទៅទៀត។ ចុះបើប្រទេសគេឃើញអ្វីដែលមិនល្អ តើគេនឹងវាយតម្លៃយ៉ាងណា»។
នៅពេលសួថា តើក្រសួងអាចនឹងចាត់វិធានការ ឬហៅអតីតតារាសម្ដែង ស្រីម៉ុច ទៅណែនាំឬទេ? ជាការឆ្លើយតប លោក ថៃ នរៈសត្យា បាននិយាយថា ក្រសួងមិនមានបំណងដាក់គំនាបទៅបុគ្គលណាឡើយ ប្រសិនបើបុគ្គលនោះ ប្ដូរឥរិយាបថស្លៀកពាក់ ក្រោយពីមានការរិះគន់នេះ។ ផ្ទុយទៅវិញ បើអ្នកនាង ស្រីម៉ុច នៅតែធ្វើទង្វើដដែល ឬជ្រុលជាងនេះទៀតនៅថ្ងៃមុខនោះ ក្រសួងនឹងពិចារណាលើករណីរបស់នាង។
ការស្លៀកពាក់ដែលហួសហេតុពេក វានឹងធ្វើឲ្យបុគ្គលខ្លួនឯងប៉ះពាល់តម្លៃមុនគេ ។ ដូច្នេះក្នុងនាមអ្នកសិល្បៈដែលជាបុគ្គលសាធារណៈ ហើយស្លៀកស៊ិចស៊ីជ្រុលនោះ វានឹងផ្ដល់ផលប៉ះពាល់ដល់វប្បធម៌ និងប្រពៃណីខ្មែរ។ នេះជាការបន្ថែមរបស់លោក ថៃ នរៈសត្យា។
ទោះបីជាយ៉ាងណាក៏ដោយ ក៏តារាសម្តែងស្រីម៉ុច មិនបានបង្ហាញប្រតិកម្មអវិជ្ជមានតបតវិញឡើយ ដោយភាគច្រើន តារាជើងចាស់រូបនេះ គ្រាន់តែសរសេរពាក្យអរគុណប៉ុណ្ណោះនៅហ្វេសប៊ុករបស់ខ្លួន៕
Tag:
ថៃ នរៈសត្យា
ក្រសួងវប្បធម៌
សិល្បៈ
© រក្សាសិទ្ធិដោយ thmeythmey.com
