ជាតិ
លោក ប្រាក់ សុខុន ទៅចូលរួមកិច្ចប្រជុំរដ្ឋមន្ត្រីការបរទេសអាស៊ាន និងកិច្ចប្រជុំពាក់ព័ន្ធ នៅសិង្ហបុរី
រូបភាពពីហ្វេសប៊ុកក្រសួងការបរទេស
×![]()
ភ្នំពេញ៖ រដ្ឋមន្ត្រីការបរទេសកម្ពុជា លោក ប្រាក់ សុខុន នឹងទៅចូលរួមក្នុងកិច្ចប្រជុំរដ្ឋមន្ត្រីការបរទេសអាស៊ានលើកទី៥១ និងកិច្ចប្រជុំពាក់ព័ន្ធ ដែលនឹងប្រព្រឹត្តទៅនៅប្រទេសសិង្ហបុរី ពីថ្ងៃទី៣០ ខែកក្កដា ដល់ថ្ងៃទី៤ ខែសីហានេះ។ នេះបើតាមសេចក្តីជូនដំណឹងនៃក្រសួងការបរទេសកម្ពុជា។
តាមសេចក្តីជូនដំណឹងដដែល លោក ប្រាក់ សុខុន រំពឹងថានឹងចូលរួមក្នុងកិច្ចប្រជុំមួយចំនួនដូចជា កិច្ចប្រជុំគណៈកម្មការតំបន់អាស៊ីអាគ្នេយ៍គ្មានអាវុធនុយក្លេអ៊ែរ កិច្ចប្រជុំរដ្ឋមន្ត្រីការបរទេសអាស៊ានលើកទី៥១ សន្និសីទក្រោយកិច្ចប្រជុំរដ្ឋមន្ត្រីការបរទេស,កិច្ចប្រជុំរដ្ឋមន្ត្រីការបរទេសអាស៊ានបូកបីលើកទី១៩,កិច្ចប្រជុំរដ្ឋមន្ត្រីការបរទេសនៃកិច្ចប្រជុំកំពូលអាស៊ី-បូព៌ាលើកទី៨ និងវេទិកាតំបន់អាស៊ានលើកទី២៥។
កិច្ចប្រជុំរដ្ឋមន្ត្រីការបរទេសអាស៊ានលើកទី៥១ និងកិច្ចប្រជុំពាក់ព័ន្ធ ដែលនឹងប្រព្រឹត្តទៅក្រោមមូលបទ «ភាពរឹងមាំ និងនវានុវត្តន៍របស់អាស៊ាន» ដែលនឹងឆ្លុះបញ្ចាំងអំពីការតាំងចិត្តដ៏មុះមុតរបស់អាស៊ាន ក្នុងការពន្លឿនដំណើរការកសាងសហគមន៍អាស៊ាន និងបន្តស្ថិតនៅជាអង្គការតំបន់ គួរឱ្យទុកចិត្តនៅក្នុងការថែរក្សា និងលើកស្ទួយសន្តិភាព ស្ថិរភាព និងវិបុលភាព។ នេះបើតាមការបន្ថែមនៃក្រសួងការបរទេសកម្ពុជា។
ក្នុងនាមជាប្រទេសសម្របសម្រួលសម្រាប់ទំនាក់ទំនងដៃគូសន្ទនាអាស៊ាន-សាធារណរដ្ឋកូរ៉េ លោក ប្រាក់ សុខុន នឹងធ្វើជាសហប្រធានកិច្ចប្រជុំ សន្និសីទក្រោយកិច្ចប្រជុំរដ្ឋមន្ត្រីការបរទេសបូកសាធារណរដ្ឋកូរ៉េ ជាមួយលោកស្រី កាង ឃ្យុងវ៉ា (Kang Kyung-wha) រដ្ឋមន្ត្រីការបរទេសកូរ៉េ។ នេះបើតាមការឱ្យដឹង ពីសេចក្ដីជូនដំណឹងខាងលើ។
ក្រសួងដដែលនេះបានបន្ថែមទៀតថា ក្រៅពីការចូលរួមកិច្ចប្រជុំរដ្ឋមន្ត្រីការបរទេសអាស៊ាន រដ្ឋមន្ត្រីជាន់ខ្ពស់កម្ពុជា នឹងចូលរួមកិច្ចប្រជុំដទៃទៀត ក្នុងនោះដូចជា៖ កិច្ចប្រជុំរដ្ឋមន្ត្រីការបរទេសមេគង្គ-ជប៉ុន, កិច្ចប្រជុំរដ្ឋមន្ត្រីការបរទេស នៃកិច្ចសហប្រតិបត្តិការមេគង្គ-គង្គា, កិច្ចប្រជុំរដ្ឋមន្ត្រីការបរទេសគំនិតផ្តួចផ្តើមមេគង្គក្រោម និងកិច្ចប្រជុំរដ្ឋមន្ត្រីការបរទេសមេគង្គ-សាធារណរដ្ឋកូរ៉េ។
លោក ប្រាក់ សុខុន និងរដ្ឋមន្ត្រីការបរទេសអាស៊ានដទៃទៀត នឹងចូលជួបសម្ដែងការគួរសមជាមួយ លោក លី សៀនឡុង (Lee Hsien Loong) នាយករដ្ឋមន្ត្រីសឹង្ហបុរី។ នេះបើតាមការបញ្ជាក់នៃសេចក្ដីជូនដំណឹងដដែល៕
តាមសេចក្តីជូនដំណឹងដដែល លោក ប្រាក់ សុខុន រំពឹងថានឹងចូលរួមក្នុងកិច្ចប្រជុំមួយចំនួនដូចជា កិច្ចប្រជុំគណៈកម្មការតំបន់អាស៊ីអាគ្នេយ៍គ្មានអាវុធនុយក្លេអ៊ែរ កិច្ចប្រជុំរដ្ឋមន្ត្រីការបរទេសអាស៊ានលើកទី៥១ សន្និសីទក្រោយកិច្ចប្រជុំរដ្ឋមន្ត្រីការបរទេស,កិច្ចប្រជុំរដ្ឋមន្ត្រីការបរទេសអាស៊ានបូកបីលើកទី១៩,កិច្ចប្រជុំរដ្ឋមន្ត្រីការបរទេសនៃកិច្ចប្រជុំកំពូលអាស៊ី-បូព៌ាលើកទី៨ និងវេទិកាតំបន់អាស៊ានលើកទី២៥។
កិច្ចប្រជុំរដ្ឋមន្ត្រីការបរទេសអាស៊ានលើកទី៥១ និងកិច្ចប្រជុំពាក់ព័ន្ធ ដែលនឹងប្រព្រឹត្តទៅក្រោមមូលបទ «ភាពរឹងមាំ និងនវានុវត្តន៍របស់អាស៊ាន» ដែលនឹងឆ្លុះបញ្ចាំងអំពីការតាំងចិត្តដ៏មុះមុតរបស់អាស៊ាន ក្នុងការពន្លឿនដំណើរការកសាងសហគមន៍អាស៊ាន និងបន្តស្ថិតនៅជាអង្គការតំបន់ គួរឱ្យទុកចិត្តនៅក្នុងការថែរក្សា និងលើកស្ទួយសន្តិភាព ស្ថិរភាព និងវិបុលភាព។ នេះបើតាមការបន្ថែមនៃក្រសួងការបរទេសកម្ពុជា។
ក្នុងនាមជាប្រទេសសម្របសម្រួលសម្រាប់ទំនាក់ទំនងដៃគូសន្ទនាអាស៊ាន-សាធារណរដ្ឋកូរ៉េ លោក ប្រាក់ សុខុន នឹងធ្វើជាសហប្រធានកិច្ចប្រជុំ សន្និសីទក្រោយកិច្ចប្រជុំរដ្ឋមន្ត្រីការបរទេសបូកសាធារណរដ្ឋកូរ៉េ ជាមួយលោកស្រី កាង ឃ្យុងវ៉ា (Kang Kyung-wha) រដ្ឋមន្ត្រីការបរទេសកូរ៉េ។ នេះបើតាមការឱ្យដឹង ពីសេចក្ដីជូនដំណឹងខាងលើ។
ក្រសួងដដែលនេះបានបន្ថែមទៀតថា ក្រៅពីការចូលរួមកិច្ចប្រជុំរដ្ឋមន្ត្រីការបរទេសអាស៊ាន រដ្ឋមន្ត្រីជាន់ខ្ពស់កម្ពុជា នឹងចូលរួមកិច្ចប្រជុំដទៃទៀត ក្នុងនោះដូចជា៖ កិច្ចប្រជុំរដ្ឋមន្ត្រីការបរទេសមេគង្គ-ជប៉ុន, កិច្ចប្រជុំរដ្ឋមន្ត្រីការបរទេស នៃកិច្ចសហប្រតិបត្តិការមេគង្គ-គង្គា, កិច្ចប្រជុំរដ្ឋមន្ត្រីការបរទេសគំនិតផ្តួចផ្តើមមេគង្គក្រោម និងកិច្ចប្រជុំរដ្ឋមន្ត្រីការបរទេសមេគង្គ-សាធារណរដ្ឋកូរ៉េ។
លោក ប្រាក់ សុខុន និងរដ្ឋមន្ត្រីការបរទេសអាស៊ានដទៃទៀត នឹងចូលជួបសម្ដែងការគួរសមជាមួយ លោក លី សៀនឡុង (Lee Hsien Loong) នាយករដ្ឋមន្ត្រីសឹង្ហបុរី។ នេះបើតាមការបញ្ជាក់នៃសេចក្ដីជូនដំណឹងដដែល៕
Tag:
អាស៊ាន
សិទ្ធិមនុស្ស
© រក្សាសិទ្ធិដោយ thmeythmey.com
