ជាតិ
សេដ្ឋកិច្ច
រូបពីហ្វេសប៊ុក
×![]()
ភ្នំពេញ៖ កម្ពុជា និងចិន បានចុះហត្ថលេខាលើពិធីសារស្ដីពីលក្ខខណ្ឌតម្រូវភូតគាមអនាម័យសម្រាប់នាំចេញផ្លែចេក ដែលជាការបើកផ្លូវឲ្យកម្ពុជានាំចេញចេកទៅទីផ្សារប្រទេសមួយនេះ។ ពិធីសារនេះត្រូវបានចុះហត្ថលេខាដោយលោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងអគ្គរដ្ឋទូតចិនប្រចាំកម្ពុជា នៅថ្ងៃទី២ខែសីហា។
ក្នុងពិធីសារនេះមិនបានកំណត់ប្រភេទផ្លែចេកនោះទេ ពោលគឺផ្លែចេកទូទៅ។ ប៉ុន្តែលោក ហ៊ាន វណ្ណហន អគ្គនាយកនៃអគ្គនាយកដ្ឋានកសិកម្មនៃក្រសួងកសិកម្ម បានអះអាងថា មានតែចេកអំបូងលឿងទេជាជម្រើសល្អបំផុត ដែលមានលក្ខណៈគ្រប់គ្រាន់អាចនាំចេញបាន។ លោកថ្លែងដូច្នេះថា៖«ជាទូទៅចេកក្នុងស្រុក មិនអាចទុកបានយូរហួសពី៣ថ្ងៃ ដូចនេះយើងត្រូវដាំពូជថ្មី ចេកអំបូងលឿងនេះ»។
សព្វថ្ងៃចេកអំបូងលឿង មានដាំនៅខេត្តរតនគិរី ក្រចេះ និងខេត្តកំពត ប្រមាណ ៥ពាន់ហិកតា ដែលឲ្យផលប្រហែល ៣០ម៉ឺនតោនក្នុងមួយឆ្នាំ។ ប្រភេទផ្លែចេកទាំងនេះ ត្រូវបាននាំចេញទៅប្រទេសវៀតណាមស្ទើតែរៀងរាល់ថ្ងៃ ហើយវៀតណាមធ្វើការនាំចេញបន្ត។ នេះបើតាមលោក ហ៊ាន វណ្ណហន ។ លោកបន្ថែមថា នៅពេលនេះ កម្ពុជាមានច្រកទីផ្សារថ្មីមួយទៀត គឺប្រទេសចិន ដែលនឹងបានតម្លៃខ្ពស់ជាងលក់ឲ្យវៀតណាម។
«អាចថាបង្វែរទីផ្សារក៏ថាបាន តែយ៉ាងណាយើងមានទីផ្សារថ្មីមួយទៀត ដែលអាចលក់បានតម្លៃប្រសើរជាង ហើយយើងមិនបាច់ចំណុះក្រោមទីផ្សារតែមួយ»។ នេះជាការគូសបញ្ជាក់របស់លោក ហ៊ាន វណ្ណហន ។
បន្ទាប់ពីមានពិធីសារនេះ ចេករបស់កម្ពុជាត្រូវបានរំពឹងថានឹងចូលទឹកដីចិនដោយផ្ទាល់លើកដំបូងនៅចុងឆ្នាំនេះ។ នេះបើតាមការបញ្ជាក់របស់លោក ហ៊ាន វណ្ណហន ដោយលោកថានឹងខំប្រឹងជំរុញកិច្ចការបច្ចេកទេសផ្សេងៗឲ្យបានរួចរាល់នៅចុងឆ្នាំនេះ។
លោកបានពន្យល់ដូច្នេះថា៖«មានការងារមួយចំនួន ត្រូវចាត់ចែងជាបន្ទាន់ដើម្បីនាំចេញទៅចិនលើកដំបូង។ ហើយត្រូវការចូលរួមចាំបាច់ពីម្ចាស់កសិដ្ឋាន។ ព្រោះថា ក្នុងពិធីសារនេះមានគោលបំណងគ្រប់គ្រង់ហានិភ័យនៃការឆ្លងរាលដាលសមាសភាពចង្រៃ (ផ្នែកភូតគាមអនាម័យ) ដែលចិនហាមឃាត់ ដូចនេះទាមទារឲ្យកសិដ្ឋាន ចុះបញ្ជី និងគោរពតាមនីតិវិធី គោលការណែនាំផ្សេងៗរបស់អគ្គនាយកដ្ឋានកសិកម្ម។ ហើយយើងត្រូវត្រួតពិនិត្យ តាមដាន ចាប់តាំងពីការដាំដុះ ប្រមូលផល វេចខ្ចប់ រហូតដល់ការដឹកជញ្ជូន ដើម្បីអញ្ជើញភាគីចិនមកត្រួតពិនិត្យលើកដំបូង នៅចុងឆ្នាំ មុននឹងនាំចេញ»។
មន្ត្រីជាន់ខ្ពស់ក្រសួងកសិកម្មរូបនេះ ទទូចឲ្យវិស័យឯកជនព្យាយាមចាប់យកឱកាសពីទីផ្សារអន្តរជាតិ ខណៈរដ្ឋាភិបាលជួយបើកច្រកទីផ្សារកាន់តែទូលាយ។ លោក ហ៊ាន វណ្ណហន មានប្រសាសន៍ដូចនេះថា៖«រដ្ឋាភិបាលបានត្រឹមជួយសម្របសម្រួល តែវិស័យឯកជនខ្លួនឯងត្រូវចេះចាប់យកឱកាសនេះ តាមរយៈការត្រៀមខ្លួន និងបំពេញលក្ខខណ្ឌបានល្អក្នុងការនាំចេញ។ លទ្ធភាពនាំចេញរបស់កម្ពុជាបានដល់ទំហំប៉ុនណា គឺអាស្រ័យផ្នែកឯកជននេះហើយ»។
គួរបញ្ជាក់ ពិធីសារនេះមិនបានកំណត់កូតានាំចេញចេករបស់កម្ពុជាទៅចិននោះឡើយ ពោលគឺដូចគ្នានឹងផលិតផលកសិកម្មផ្សេងទៀតមួយចំនួនដែរ លើកលែងតែអង្ករដែលកំណត់កូតា។
ក្នុងពិធីចុះហត្ថលេខាលើពិធីសារនេះផងដែរ ភាគីកម្ពុជាបានស្នើឲ្យភាគីចិន ពន្លឿនការងារក្នុងការអនុញ្ញាតឲ្យកម្ពុជានាំចេញ ផ្លែស្វាយ តាង៉ែន ស្រកានាគ ម្រេច និងសំបុកត្រចៀកកាំ ទៅទីផ្សារចិន។
ក្នុងឆ្នាំ២០១៧ កន្លងទៅ កម្ពុជាបាននាំចេញអង្ករជិត ២០ម៉ឺនតោន ដំឡូងមីក្រៀម និងម្សៅ ៥៨ពាន់តោន កៅស៊ូជាង ៣ពាន់តោន ទៅទីផ្សារចិន៕
ក្នុងពិធីសារនេះមិនបានកំណត់ប្រភេទផ្លែចេកនោះទេ ពោលគឺផ្លែចេកទូទៅ។ ប៉ុន្តែលោក ហ៊ាន វណ្ណហន អគ្គនាយកនៃអគ្គនាយកដ្ឋានកសិកម្មនៃក្រសួងកសិកម្ម បានអះអាងថា មានតែចេកអំបូងលឿងទេជាជម្រើសល្អបំផុត ដែលមានលក្ខណៈគ្រប់គ្រាន់អាចនាំចេញបាន។ លោកថ្លែងដូច្នេះថា៖«ជាទូទៅចេកក្នុងស្រុក មិនអាចទុកបានយូរហួសពី៣ថ្ងៃ ដូចនេះយើងត្រូវដាំពូជថ្មី ចេកអំបូងលឿងនេះ»។
សព្វថ្ងៃចេកអំបូងលឿង មានដាំនៅខេត្តរតនគិរី ក្រចេះ និងខេត្តកំពត ប្រមាណ ៥ពាន់ហិកតា ដែលឲ្យផលប្រហែល ៣០ម៉ឺនតោនក្នុងមួយឆ្នាំ។ ប្រភេទផ្លែចេកទាំងនេះ ត្រូវបាននាំចេញទៅប្រទេសវៀតណាមស្ទើតែរៀងរាល់ថ្ងៃ ហើយវៀតណាមធ្វើការនាំចេញបន្ត។ នេះបើតាមលោក ហ៊ាន វណ្ណហន ។ លោកបន្ថែមថា នៅពេលនេះ កម្ពុជាមានច្រកទីផ្សារថ្មីមួយទៀត គឺប្រទេសចិន ដែលនឹងបានតម្លៃខ្ពស់ជាងលក់ឲ្យវៀតណាម។
«អាចថាបង្វែរទីផ្សារក៏ថាបាន តែយ៉ាងណាយើងមានទីផ្សារថ្មីមួយទៀត ដែលអាចលក់បានតម្លៃប្រសើរជាង ហើយយើងមិនបាច់ចំណុះក្រោមទីផ្សារតែមួយ»។ នេះជាការគូសបញ្ជាក់របស់លោក ហ៊ាន វណ្ណហន ។
បន្ទាប់ពីមានពិធីសារនេះ ចេករបស់កម្ពុជាត្រូវបានរំពឹងថានឹងចូលទឹកដីចិនដោយផ្ទាល់លើកដំបូងនៅចុងឆ្នាំនេះ។ នេះបើតាមការបញ្ជាក់របស់លោក ហ៊ាន វណ្ណហន ដោយលោកថានឹងខំប្រឹងជំរុញកិច្ចការបច្ចេកទេសផ្សេងៗឲ្យបានរួចរាល់នៅចុងឆ្នាំនេះ។
លោកបានពន្យល់ដូច្នេះថា៖«មានការងារមួយចំនួន ត្រូវចាត់ចែងជាបន្ទាន់ដើម្បីនាំចេញទៅចិនលើកដំបូង។ ហើយត្រូវការចូលរួមចាំបាច់ពីម្ចាស់កសិដ្ឋាន។ ព្រោះថា ក្នុងពិធីសារនេះមានគោលបំណងគ្រប់គ្រង់ហានិភ័យនៃការឆ្លងរាលដាលសមាសភាពចង្រៃ (ផ្នែកភូតគាមអនាម័យ) ដែលចិនហាមឃាត់ ដូចនេះទាមទារឲ្យកសិដ្ឋាន ចុះបញ្ជី និងគោរពតាមនីតិវិធី គោលការណែនាំផ្សេងៗរបស់អគ្គនាយកដ្ឋានកសិកម្ម។ ហើយយើងត្រូវត្រួតពិនិត្យ តាមដាន ចាប់តាំងពីការដាំដុះ ប្រមូលផល វេចខ្ចប់ រហូតដល់ការដឹកជញ្ជូន ដើម្បីអញ្ជើញភាគីចិនមកត្រួតពិនិត្យលើកដំបូង នៅចុងឆ្នាំ មុននឹងនាំចេញ»។
មន្ត្រីជាន់ខ្ពស់ក្រសួងកសិកម្មរូបនេះ ទទូចឲ្យវិស័យឯកជនព្យាយាមចាប់យកឱកាសពីទីផ្សារអន្តរជាតិ ខណៈរដ្ឋាភិបាលជួយបើកច្រកទីផ្សារកាន់តែទូលាយ។ លោក ហ៊ាន វណ្ណហន មានប្រសាសន៍ដូចនេះថា៖«រដ្ឋាភិបាលបានត្រឹមជួយសម្របសម្រួល តែវិស័យឯកជនខ្លួនឯងត្រូវចេះចាប់យកឱកាសនេះ តាមរយៈការត្រៀមខ្លួន និងបំពេញលក្ខខណ្ឌបានល្អក្នុងការនាំចេញ។ លទ្ធភាពនាំចេញរបស់កម្ពុជាបានដល់ទំហំប៉ុនណា គឺអាស្រ័យផ្នែកឯកជននេះហើយ»។
គួរបញ្ជាក់ ពិធីសារនេះមិនបានកំណត់កូតានាំចេញចេករបស់កម្ពុជាទៅចិននោះឡើយ ពោលគឺដូចគ្នានឹងផលិតផលកសិកម្មផ្សេងទៀតមួយចំនួនដែរ លើកលែងតែអង្ករដែលកំណត់កូតា។
ក្នុងពិធីចុះហត្ថលេខាលើពិធីសារនេះផងដែរ ភាគីកម្ពុជាបានស្នើឲ្យភាគីចិន ពន្លឿនការងារក្នុងការអនុញ្ញាតឲ្យកម្ពុជានាំចេញ ផ្លែស្វាយ តាង៉ែន ស្រកានាគ ម្រេច និងសំបុកត្រចៀកកាំ ទៅទីផ្សារចិន។
ក្នុងឆ្នាំ២០១៧ កន្លងទៅ កម្ពុជាបាននាំចេញអង្ករជិត ២០ម៉ឺនតោន ដំឡូងមីក្រៀម និងម្សៅ ៥៨ពាន់តោន កៅស៊ូជាង ៣ពាន់តោន ទៅទីផ្សារចិន៕
Tag:
កសិកម្ម
ចេក
© រក្សាសិទ្ធិដោយ thmeythmey.com
