យុវសិស្សកម្ពុជា៤រូប ឈ្នះបានមេដាយ៩ ពីការប្រកួតអ្នកវិទ្យាសាស្ត្រវ័យក្មេងអាស៊ានបូកបី នៅប្រទេសម៉ាឡេស៊ី

ជាតិ

សង្គមជាតិ

យុវសិស្សកម្ពុជា៤រូប ឈ្នះបានមេដាយ៩ ពីការប្រកួតអ្នកវិទ្យាសាស្ត្រវ័យក្មេងអាស៊ានបូកបី នៅប្រទេសម៉ាឡេស៊ី

04, Aug 2018 , 10:42 am

រូបភាព

រូបភាពពីក្រសួងអប់រំ យុវជន និងកីឡា

ដោយ: ថ្មីៗ

ភ្នំពេញ៖ យុវសិស្សកម្ពុជា៤រូប ឈ្នះបានមេដាយ៩គ្រឿង ពីការប្រកួតប្រជែងអ្នកវិទ្យាសាស្ត្រវ័យក្មេង អាស៊ានបូកបី លើកទី៧ នៅប្រទេសម៉ាឡេស៊ី។ «វិទ្យាសាស្ត្រ និងការបង្កើតថ្មីដើម្បីសុខភាព និងសុខុមាលភាពសង្គម» ជាប្រធានបទដែលសិស្សកម្ពុជាប្រកួតប្រជែងក្នុងចំណោមបេក្ខជនជាច្រើន មកពីបណ្តាប្រទេសអាស៊ាន។

ក្រសួងអប់រំ យុវជន និងកីឡា បានឲ្យដឹងថា សិស្សកម្ពុជា៤រូប ដែលទទួលបានមេដាយ នោះរួមមាន យុវសិស្ស អៀង ហ៊ុយឃាង ខេត្តបាត់ដំបង ទទួលបានមេដាយមាស១គ្រឿង។ យុវសិស្ស ឡី ឡាយអាន ខេត្តបាត់ដំបង បានមេដាយប្រាក់១គ្រឿង និងមេដាយសំរិទ្ធ២ គ្រឿង។ យុវសិស្ស ស្រ៊ុន រដ្ឋា ខេត្តតាកែវ បានមេដាយសំរិទ្ធ ៣គ្រឿង និង ពេជ្ច ពុធស្រីនាថ ខេត្តកំពង់ឆ្នាំង បានមេដាយសំរិទ្ធ២គ្រឿង។

សិស្សកម្ពុជា ៤រូប ដែលត្រូវបានក្រសួងអប់រំ យុវជន និងកីឡា ជ្រើសរើសទៅចូលរួមប្រកួតប្រជែងប្រកួត អ្នកវិទ្យាសាស្ត្រវ័យក្មេង មានអាយុចាប់ពី១៣ឆ្នាំ ដល់១៥ឆ្នាំ តែប៉ុណ្ណោះ។ ការប្រកួតប្រជែងអ្នកវិទ្យាសាស្ត្រវ័យក្មេងនេះ មានការចូលរួម៥៧ រូប មកពីបណ្តាប្រទេសអាស៊ាន ដែលប្រព្រឹត្តទៅចាប់ពីថ្ងៃទី២៩ ខែកក្កដា ដល់ថ្ងៃទី៤ ខែសីហា។ នេះបើតាមសេចក្តីជូនដំណឹងរបស់ក្រសួងអប់រំ យុវជន និងកីឡា៕