កាលពីថ្ងៃទី៤ ខែសីហា ឆ្នាំ២០១៨ កន្លងមកនេះ ធនាគារឯកទេស វីង និង ក្រុមហ៊ុនអាល់ មិនគ្រុបបានចាប់ដៃគូសហការក្នុងការផ្តល់បទពិសោធនៃការទូទាត់មិនប្រើសាច់ប្រាក់ ដើម្បីបង្កើនភាពងាយស្រួលជូនអតិថិជន។ ពិធីចុះហត្ថលេខានេះ ធ្វើឡើងក្នុងភោជនីយដ្ឋាន យ៉ី សាង ដែលជាហាងមួយរបស់ក្រុមហ៊ុនអាល់មិនគ្រុប។
ភាពជាដៃគូនេះនឹងនំមកនូវការដាក់ អោយប្រើប្រាស់នូវសេវាកម្មទូទាត់ប្រាក់តាមអនឡាញ និង ស្គេនកូដ QR ដែលហៅថា WingPay និងការទទួលទូទាត់តាមរយៈកម្មវិធីទូទាត់ប្រាក់តាមទូរស័ព្ទដៃធំៗ ចំនួនពីររបស់ប្រទេសចិន គឺ Ali Pay និង WeChat Pay ដែលផ្តល់ជូនដោយវីង នៅបណ្តាហាងរបស់ក្រុមហ៊ុនអាល់មិន គ្រុប ចំនួន១៧ កន្លែងនៅក្នុងប្រទេសកម្ពុជា។
លោក លូ ម៉េង អគ្គនាយក ក្រុមហ៊ុនអាល់មិនគ្រុប មានប្រសាសន៍ថា អតិថិជនតែងតែធ្វើការសួរ នាំទៅកាន់ក្រុមការងាររបស់លោក ដើម្បីដឹងថាពួកគាត់អាចធ្វើការទូទាត់ប្រាក់ដោយស្គេនកូដ QR កម្មវិធី Ali Pay ឬ WeChat Pay បានដែរឬទេ។
ដោយមើលឃើញមានសំណើជាច្រើនពី អតិថិជន ក្រុមហ៊ុនអាល់មិនគ្រុប ក៏សម្រេចចិត្ត ជ្រើសរើសយកវីង ជាដៃគូសហការដើម្បីផ្តល់ជូនសេវាកម្មនេះ ដោយហេតុថា ក្រុមហ៊ុនបានមើលឃើញនូវបទពិសោធន៍ជាច្រើនឆ្នាំរបស់ធនាគារមួយនេះក្នុងការផ្តល់សេវាទូទាត់ដោយមិនប្រើសាច់ប្រាក់នៅក្នុងប្រទេសកម្ពុជា។ លោកបានបន្ថែមទៀតថា៖ «វាគឺជាការតាំងចិត្តរបស់ក្រុមហ៊ុនអាល់មិនគ្រុប ក្នុងការផ្តល់ជូននូវសេវាកម្មដែលប្រកបដោយភាពច្នៃប្រឌិត ដោយរួមបញ្ចូលចាប់ពីសេវាកម្មម្ហូបអាហារ និងបដិសណ្ឋារកិច្ចរហូតដល់បទ ពិសោធន៍នៃការទូទាត់ប្រាក់ដែលរហ័សងាយស្រួល និងមានសុវត្ថិភាព។
បន្ទាប់ពីដាក់អោយប្រើប្រាស់នូវសេវាកម្មនេះ យើងសង្ឃឹមថានឹងទទួលបានលទ្ធផលជាវិជ្ជមានពីអតិថិជន ជាពិសេសភ្ញៀវទេសចរជនជាតិចិនរាប់ពាន់នាក់ដែលមកលេងព្រះរាជាណាចក្រកម្ពុជា។»
ក្នុងពិធីចុះហត្ថលេខានេះផងដែរ លោកចូចូ ម៉ាឡូឡូស អគ្គនាយកធនគារឯកទេសវីងបានប្រាប់អោយដឹងថា វីងយល់ច្បាស់ពីតម្រូវការរបស់ដៃគូអាជីវកម្មរបស់ខ្លួន ក្នុងការផ្តល់ជូនអតិថិជននូវបទពិសោធន៍ទូទាត់ដោយមិនប្រើសាច់ប្រាក់នៅកម្ពុជា។ ការដាក់អោយប្រើប្រាស់នូវសេវាកម្ម WingPay Ali Pay និងWechat Pay នឹងឆ្លើយតបតម្រូវការនេះ និងបង្ហាញប្រាប់ពិភពលោកអោយបានដឹងថា ប្រទេសកម្ពុជាកំពុងខិតកាន់តែជិត និងក្លាយជាសង្គមមួយដែលមានប្រព័ន្ធអេកូនៃការទូទាត់ដោយមិនប្រើសាច់ប្រាស់។ លោកបានបន្តផងដែរ៖ ផ្នែកមួយនៃប្រព័ន្ធប្រមូលសាច់ប្រាក់ប្រកបដោយភាពច្នៃប្រឌិតអតិថិជនដែលមានកម្មវិធីស្មាតហ្វូនវីងកម្មវិធី Ali Pay ឬកម្មវិធី WeChat អាចប្រើទូរស័ព្ទរបស់ពួកគាត់ដើម្បីស្គេនកូដ QR នៅបណ្តាហាងរបស់ក្រុមហ៊ុនអាល់មិនគ្រុប ដើម្បីធ្វើការទូទាត់ប្រាក់ដោយចំណាយពេលត្រឹមតែប៉ុន្នានវិនាទីប៉ុណ្ណោះ។
គួរបញ្ជាក់ផងដែរ WingPay ជាទូទាត់ដោយមិនប្រើសាច់ប្រាក់របស់វីង ដែលធ្វើឡើងដោយស្គេនកូដ QR។ WingPayជាមុខងារមួយក្នុងចំណោមមុខងារដែលមានអត្ថប្រយោជន៍ជាច្រើននៅលើកម្មវិធីស្មាតហ្វូនវីង ដែលអនុញ្ញាតអោយអតិថិជនអាចធ្វើប្រតិបត្តិការទូទាត់ប្រាក់ជាច្រើនដោយគ្រាន់តែចុចលើទូរស័ព្ទរបស់ពួកគាត់។ លើសពីនេះទៀត កម្មវិធីស្មាតហ្វូនវីង អនុញ្ញាតអោយអតិថិជនធ្វើប្រតិបត្តិការដូចជាបង់វិក្កយបត្រ បញ្ចូលទឹកប្រាប់ទូរស័ព្ទ ផ្ទេរប្រាក់ទិញទំនិញតាមអនឡាញ។ល។
ការទូទាត់តាមទូរស័ព្ទចល័តកំពុងក្លាយជាការពេញនិយមយ៉ាងខ្លាំងក្នុងចំណោមភ្ញៀវទេសចរចិន។ ជាង៩០%នៃភ្ញៀវទេសចរចិន និងជ្រើសយកលារទូទាត់ប្រាក់តាមទូរស័ព្ទចល័តប្រសិនបើបណ្តាលហាងនៅក្រៅប្រទេសកម្ពុជា មីយ៉ាន់ម៉ា ឡាវ និង ហ្វីលីពីន ដែលមានអ្នកប្រើប្រាស់សញ្ជាតិចិន ប្រមាណ៥២០លាននាក់។ ទន្ទឹមនឹងនេះដែររបាយការណ៍ថ្មីមួយរបស់ស្ថានីយទូរទស្សន៍ CNBC បានបង្ហាញថា ប្រជាជនប្រមាណ៨០០លាននាក់បានប្រើប្រាស់សេវា WeChat ដើម្បីទូទាត់ប្រាក់។
(អត្ថបទពាណិជ្ជកម្ម)