រថភ្លើងចំណាស់ជិត១០០ឆ្នាំ នៅតែត្រូវបានប្រើប្រាស់ នៅរដ្ឋធានីលីសបោន នៃប្រទេសព័រទុយហ្គាល់

ជាតិ

បទសម្ភាសន៍

វីដេអូ

រថភ្លើងចំណាស់ជិត១០០ឆ្នាំ នៅតែត្រូវបានប្រើប្រាស់ នៅរដ្ឋធានីលីសបោន នៃប្រទេសព័រទុយហ្គាល់

06, Aug 2018 , 7:19 pm

រូបភាព

ដោយ: នាយយ៉ាន

ព័រទុយហ្គាល់៖ ទូទាំងទ្វីបអឺរ៉ុប រដ្ឋធានីលីសបោន នៃប្រទេសព័រទុយហ្គាល់ ត្រូវគេល្បីថា នៅតែប្រើរថភ្លើងដែលបុរាណ ក្នុងទីក្រុង រហូតមកដល់បច្ចុប្បន្ន ឧទាហរណ៍ដូចប្រភេទ អេឡេទ្រីកូ ៥០៨ ដែលគេជិះតាំងពីឆ្នាំ ១៩២៤។ នាយ យ៉ាន បានទស្សនាសារមន្ទីរនៃក្រុមហ៊ុន Carris ដែលគ្រប់គ្រងវិស័យដឹកជញ្ជូនសាធារណៈនៅរដ្ឋធានីលីសបោន តាំងពីឆ្នាំ១៨៧២។

ក្រុមហ៊ុននេះ ផ្ដល់សេវាដឹកជញ្ជូនដោយប្រើរថយន្ដក្រុង រថភ្លើងឡើងភ្នំ រថភ្លើងក្រោមដី ជណ្ដើរយន្ត និងកប៉ាល់ទឹក ប៉ុន្តែសារមន្ទីរឲ្យតម្លៃទៅលើរថភ្លើងក្នុងទីក្រុងដែលជាមោទកភាពរបស់អ្នករស់នៅលីសបោន។ បច្ចុប្បន្ន អ្នកដំណើរក៏ប្រើរថភ្លើងទំនើបដែរ ប៉ុន្តែដើម្បីធ្វើឲ្យទីក្រុងស្អាត និងទាក់ទាញភ្ញៀវទេសចរ ក្រុមហ៊ុន Carris បានសម្រេចបន្តប្រើរថភ្លើងបុរាណតាំងពីយូរណាស់ហើយ។ សូមបញ្ជាក់ថារហូតដល់ឆ្នាំ១៩០១ អ្នកដំណើរប្រើរទេះសេះ ជិះផ្លូវដែក។ រថភ្លើងក្នុងទីក្រុង ប្រើថាមពលអគ្គិសនី តាមខ្សែកាបព្យួរពីលើ៕

សូមទស្សនាវីដេអូរបស់នាយយ៉ាន ពីរដ្ឋធានីលីលបោន ខាងក្រោមនេះ៖