ជាតិ
នយោបាយជាតិ
សម្តេច ហ៊ុន សែន ដឹកនាំកិច្ចប្រជុំគណៈរដ្ឋមន្រ្តី នាពេលកន្លងមក។ រូបភាពពីទំព័រហ្វេសប៊ុកសម្តេច ហ៊ុន សែន
×![]()
ដោយ: ម៉ៅ សុផា
ដោយគិតត្រឹមតែនាយករដ្ឋមន្ត្រី និងរដ្ឋមន្ត្រី សមាជិករដ្ឋាភិបាលកម្ពុជាក្នុងអាណត្តិទី៦នេះ នៅសល់ប្រមាណតែ៣០នាក់ប៉ុណ្ណោះ។ នាយករដ្ឋមន្ត្រី បានជ្រើសរើសរួចអស់ហើយថា អ្នកណាខ្លះ នឹងត្រូវធ្វើជារដ្ឋមន្ត្រីសម្រាប់អាណត្តិថ្មីនេះ។
សមាជិករដ្ឋាភិបាលកម្ពុជា ដែលធ្លាប់មានដល់ទៅរាប់រយនាក់ក្នុងអាណត្តិមុនៗ នឹងត្រូវកាត់បន្ថយមកសល់ក្នុងរង្វង់តែ៣០នាក់ប៉ុណ្ណោះ។ អាចលើសពី៣០នាក់ បើរាប់បញ្ចូលទាំងឧបនាយករដ្ឋមន្ត្រី និងទេសរដ្ឋមន្ត្រី។
រដ្ឋមន្ត្រីណា ត្រូវកាន់កាប់ក្រសួងណា សម្រាប់អាណតិ្តទី៦ ត្រូវបានរៀបចំរួចរាល់អស់ហើយ។ នេះជាការបង្ហើបរបស់សម្តេចនាយករដ្ឋមន្ត្រី ហ៊ុន សែន ក្នុងពិធីជួបសំណេះសំណាលជាមួយកីឡាករ-កីឡាការិនី នៅថ្ងៃទី៦ ខែកក្កដា ឆ្នាំ២០១៨។
មេដឹកនាំកម្ពុជា ដែលទើបនឹងទទួលជ័យជម្នះសាជាថ្មីលើការបោះឆ្នោត បានថ្លែងយ៉ាងដូច្នេះថា៖« [សមាជិករដ្ឋាភិបាលអាណត្តិនេះ] មានចំនួនតិចទេ ដែលមិនសំពីងសំពោងដូចមុនឡើយ។ រដ្ឋាភិបាល ខ្ញុំបង្កើត និងមាននៅក្នុងបញ្ជីរួចហើយ មិនពិបាកទេ។ ហើយក្បាលម៉ាស៊ីនរដ្ឋសភា ក៏រៀបចំរួចហើយដែរ»។
យ៉ាងណាក៏ដោយ ប្រមុខរដ្ឋាភិបាល មិនបានបញ្ជាក់នោះទេថា រដ្ឋមន្ត្រីណាខ្លះ ដែលត្រូវកាន់កាប់ក្រសួងរបស់ខ្លួនដដែល ហើយរដ្ឋមន្ត្រីណាខ្លះ ដែលនឹងត្រូវផ្លាស់ប្តូរទៅក្រសួងផ្សេង។ ម្យ៉ាងទៀត ប្រមុខរដ្ឋាភិបាលរូបនេះ ក៏មិនបាននិយាយដែរថា នឹងមានការដករដ្ឋមន្ត្រី ឬក៏ដាក់រដ្ឋមន្ត្រីថ្មី។ លទ្ធផលទាំងនេះ នឹងត្រូវបង្ហាញ នៅពេលប្រកាសបង្កើតរដ្ឋាភិបាលថ្មី។
តាមការគ្រោងទុក ព្រះមហាក្សត្រ នឹងកោះប្រជុំរដ្ឋសភានីតិកាលទី៦ ជាលើកដំបូងនៅថ្ងៃទី១៩ ខែកញ្ញា ហើយរដ្ឋាភិបាលអាណត្តិទី៦ នឹងត្រូវបង្កើតឡើងនៅថ្ងៃទី២០ ខែកញ្ញា។ ប៉ុន្តែ សម្តេច ហ៊ុន សែន បានប្រកាសក្នុងពិធីជួបសំណេះសំណាលជាមួយកីឡាករ-កីឡាការិនីថា លោកនឹងព្យាយាមបង្កើតរដ្ឋាភិបាលថ្មីឲ្យបានមុនការកំណត់ បើអាចទៅរួច ដើម្បីមានពេលវេលាគ្រប់គ្រាន់ក្នុងការត្រៀមខ្លួន ទៅថ្លែងការណ៍ស្តីពីនយោបាយកម្ពុជា នៅអង្គការសហប្រជាជាតិ ដែលនឹងបើកកិច្ចប្រជុំនៅថ្ងៃទី២៥ ខែកញ្ញា ឆ្នាំ២០១៨។
ក្នុងចំណោមរដ្ឋមន្ត្រីជិត៣០រូប អ្នកខ្លះ មិនត្រឹមតែមានឋានៈជារដ្ឋមន្ត្រីទេ តែអាចជាទេសរដ្ឋមន្ត្រីផងដែរ ហើយអ្នកខ្លះទៀត មានឋានៈជារដ្ឋមន្ត្រីផង និងជាឧបនាយករដ្ឋមន្ត្រីផង។ ជាក់ស្តែង លោក ស៊ុន ចាន់ថុល បច្ចុប្បន្នជារដ្ឋមន្ត្រីក្រសួងសាធារណការ ហើយក៏មានឋានៈជាទេសរដ្ឋមន្ត្រីផងដែរ ហើយសម្តេច ស ខេង ជារដ្ឋមន្ត្រីក្រសួងមហាផ្ទៃ ហើយក៏មានឋានៈជាឧបនាយករដ្ឋមន្ត្រីថែមទៀត។
ឲ្យតែជារដ្ឋមន្ត្រី គឺសុទ្ធតែត្រូវកាន់កាប់ក្រសួងមួយ។ ប៉ុន្តែមិនមែនឲ្យតែមានឋានៈជាទេសរដ្ឋមន្ត្រី ឬឧបនាយករដ្ឋមន្ត្រី សុទ្ធតែកាន់កាប់ឬគ្រប់គ្រងក្រសួងនោះទេ។ ជាឧទាហរណ៍ លោក កុល ផេង មានឋានៈជាទេសរដ្ឋមន្ត្រី ហើយលោក ហោ ណាំហុង មានឋានៈជាឧបនាយករដ្ឋមន្ត្រី ប៉ុន្តែលោកទាំងពីរ មិនកាន់កាប់ក្រសួងឡើយ។ លោក កុល ផេង ធ្លាប់ជារដ្ឋមន្ត្រីក្រសួងអប់រំ ឯលោក ហោ ណាំហុង ធ្លាប់ជារដ្ឋមន្ត្រីក្រសួងការបរទេស។
ទោះជាទេសរដ្ឋមន្ត្រី និងឧបនាយករដ្ឋមន្ត្រី មិនមែនជាប្រធានស្ថាប័ន ហើយមិនកាន់កាប់ក្រសួងដូចរដ្ឋមន្ត្រីពិតមែន តែនៅតែរាប់បញ្ចូលជាសមាជិករដ្ឋាភិបាល។ ដូច្នេះ នៅអាណត្តិទី៦នេះ បើឧបនាយករដ្ឋមន្ត្រី និងទេសរដ្ឋមន្ត្រីទាំងនោះ នៅតែត្រូវបានរក្សាតំណែងឲ្យនៅដដែល សមាជិករដ្ឋាភិបាល នឹងមានចំនួនលើសពី៣០នាក់។
សមាជិករដ្ឋាភិបាលកម្ពុជា ដែលធ្លាប់មានដល់ទៅរាប់រយនាក់ ហើយធ្លាក់មកសល់តិចតួចក្នុងអាណត្តិទី៦នេះ គឺដោយសារតែរដ្ឋមន្ត្រីប្រតិភូអមនាយករដ្ឋមន្ត្រី និងរដ្ឋលេខាធិការដ៏ច្រើនសន្ធឹកសន្ធាប់ ត្រូវបានដកចេញពីសមាជិករដ្ឋាភិបាល។
មុនចប់នីតិកាលទី៥ រដ្ឋសភា បានកែរដ្ឋធម្មនុញ្ញ និងច្បាប់ស្តីពីការរៀបចំ និងការប្រព្រឹត្តទៅនៃទីស្តីការគណៈរដ្ឋមន្ត្រី ដើម្បីដករដ្ឋលេខាធិការ និង រដ្ឋមន្ត្រីប្រតិភូអមនាយករដ្ឋមន្ត្រី ចេញពីសមាជិករដ្ឋាភិបាល។
មាត្រា៥១នៃរដ្ឋធម្មនុញ្ញ ត្រូវបានកែប្រែមកថា សមាជិករដ្ឋាភិបាល រួមមាន នាយករដ្ឋមន្ត្រី ឧបនាយករដ្ឋមន្ត្រី ទេសរដ្ឋមន្ត្រី និងរដ្ឋមន្ត្រី។ មាត្រា៥១នេះ លែងកំណត់យករដ្ឋលេខាធិការ ជាសមាជិករដ្ឋាភិបាល ដូចមុនទៀតហើយ។ ឯមាត្រា៥៣នៃច្បាប់ថ្មីស្តីពីការរៀបចំ និងការប្រព្រឹត្តទៅនៃទីស្តីការគណៈរដ្ឋមន្ត្រី ចែងថា រដ្ឋមន្ត្រីប្រតិភូអមនាយករដ្ឋមន្ត្រី រដ្ឋលេខាធិការ និងអនុរដ្ឋលេខាធិការ មិនមែនជាសមាជិករដ្ឋាភិបាលទេ ហើយក៏មិនមែនជាភ្នាក់ងាររដ្ឋាភិបាលអចិន្ត្រៃយ៍ដែរ។
សមាជិករដ្ឋាភិបាលនាអាណត្តិទី៥ ដែលកើតឡើងក្រោយការបោះឆ្នោតឆ្នាំ២០១៣ រួមមាន នាយករដ្ឋមន្ត្រី (សម្តេច ហ៊ុន សែន) ឧបនាយករដ្ឋមន្ត្រី៩នាក់ ទេសរដ្ឋមន្ត្រី១៥នាក់ រដ្ឋមន្ត្រី២៧ (ដឹកនាំក្រសួងទាំង២៧) រដ្ឋមន្ត្រីអមប្រតិភូនាយករដ្ឋមន្ត្រី១៣នាក់ រួមទាំងរដ្ឋលេខាធិការជិត២០០នាក់ នៅតាមបណ្តាក្រសួងទាំង២៧។ គណៈរដ្ឋមន្ត្រី ក្នុងអាណត្តិទី៥ ធ្លាប់ត្រូវបានរុះរើ ដោយបានផ្លាស់ប្តូររដ្ឋមន្ត្រីមួយចំនួន ហើយរដ្ឋលេខាធិការមួយចំនួនទៀត ត្រូវបានតែងតាំងបន្ថែមដែរ៕
សមាជិករដ្ឋាភិបាលកម្ពុជា ដែលធ្លាប់មានដល់ទៅរាប់រយនាក់ក្នុងអាណត្តិមុនៗ នឹងត្រូវកាត់បន្ថយមកសល់ក្នុងរង្វង់តែ៣០នាក់ប៉ុណ្ណោះ។ អាចលើសពី៣០នាក់ បើរាប់បញ្ចូលទាំងឧបនាយករដ្ឋមន្ត្រី និងទេសរដ្ឋមន្ត្រី។
រដ្ឋមន្ត្រីណា ត្រូវកាន់កាប់ក្រសួងណា សម្រាប់អាណតិ្តទី៦ ត្រូវបានរៀបចំរួចរាល់អស់ហើយ។ នេះជាការបង្ហើបរបស់សម្តេចនាយករដ្ឋមន្ត្រី ហ៊ុន សែន ក្នុងពិធីជួបសំណេះសំណាលជាមួយកីឡាករ-កីឡាការិនី នៅថ្ងៃទី៦ ខែកក្កដា ឆ្នាំ២០១៨។
មេដឹកនាំកម្ពុជា ដែលទើបនឹងទទួលជ័យជម្នះសាជាថ្មីលើការបោះឆ្នោត បានថ្លែងយ៉ាងដូច្នេះថា៖« [សមាជិករដ្ឋាភិបាលអាណត្តិនេះ] មានចំនួនតិចទេ ដែលមិនសំពីងសំពោងដូចមុនឡើយ។ រដ្ឋាភិបាល ខ្ញុំបង្កើត និងមាននៅក្នុងបញ្ជីរួចហើយ មិនពិបាកទេ។ ហើយក្បាលម៉ាស៊ីនរដ្ឋសភា ក៏រៀបចំរួចហើយដែរ»។
យ៉ាងណាក៏ដោយ ប្រមុខរដ្ឋាភិបាល មិនបានបញ្ជាក់នោះទេថា រដ្ឋមន្ត្រីណាខ្លះ ដែលត្រូវកាន់កាប់ក្រសួងរបស់ខ្លួនដដែល ហើយរដ្ឋមន្ត្រីណាខ្លះ ដែលនឹងត្រូវផ្លាស់ប្តូរទៅក្រសួងផ្សេង។ ម្យ៉ាងទៀត ប្រមុខរដ្ឋាភិបាលរូបនេះ ក៏មិនបាននិយាយដែរថា នឹងមានការដករដ្ឋមន្ត្រី ឬក៏ដាក់រដ្ឋមន្ត្រីថ្មី។ លទ្ធផលទាំងនេះ នឹងត្រូវបង្ហាញ នៅពេលប្រកាសបង្កើតរដ្ឋាភិបាលថ្មី។
តាមការគ្រោងទុក ព្រះមហាក្សត្រ នឹងកោះប្រជុំរដ្ឋសភានីតិកាលទី៦ ជាលើកដំបូងនៅថ្ងៃទី១៩ ខែកញ្ញា ហើយរដ្ឋាភិបាលអាណត្តិទី៦ នឹងត្រូវបង្កើតឡើងនៅថ្ងៃទី២០ ខែកញ្ញា។ ប៉ុន្តែ សម្តេច ហ៊ុន សែន បានប្រកាសក្នុងពិធីជួបសំណេះសំណាលជាមួយកីឡាករ-កីឡាការិនីថា លោកនឹងព្យាយាមបង្កើតរដ្ឋាភិបាលថ្មីឲ្យបានមុនការកំណត់ បើអាចទៅរួច ដើម្បីមានពេលវេលាគ្រប់គ្រាន់ក្នុងការត្រៀមខ្លួន ទៅថ្លែងការណ៍ស្តីពីនយោបាយកម្ពុជា នៅអង្គការសហប្រជាជាតិ ដែលនឹងបើកកិច្ចប្រជុំនៅថ្ងៃទី២៥ ខែកញ្ញា ឆ្នាំ២០១៨។
ក្នុងចំណោមរដ្ឋមន្ត្រីជិត៣០រូប អ្នកខ្លះ មិនត្រឹមតែមានឋានៈជារដ្ឋមន្ត្រីទេ តែអាចជាទេសរដ្ឋមន្ត្រីផងដែរ ហើយអ្នកខ្លះទៀត មានឋានៈជារដ្ឋមន្ត្រីផង និងជាឧបនាយករដ្ឋមន្ត្រីផង។ ជាក់ស្តែង លោក ស៊ុន ចាន់ថុល បច្ចុប្បន្នជារដ្ឋមន្ត្រីក្រសួងសាធារណការ ហើយក៏មានឋានៈជាទេសរដ្ឋមន្ត្រីផងដែរ ហើយសម្តេច ស ខេង ជារដ្ឋមន្ត្រីក្រសួងមហាផ្ទៃ ហើយក៏មានឋានៈជាឧបនាយករដ្ឋមន្ត្រីថែមទៀត។
ឲ្យតែជារដ្ឋមន្ត្រី គឺសុទ្ធតែត្រូវកាន់កាប់ក្រសួងមួយ។ ប៉ុន្តែមិនមែនឲ្យតែមានឋានៈជាទេសរដ្ឋមន្ត្រី ឬឧបនាយករដ្ឋមន្ត្រី សុទ្ធតែកាន់កាប់ឬគ្រប់គ្រងក្រសួងនោះទេ។ ជាឧទាហរណ៍ លោក កុល ផេង មានឋានៈជាទេសរដ្ឋមន្ត្រី ហើយលោក ហោ ណាំហុង មានឋានៈជាឧបនាយករដ្ឋមន្ត្រី ប៉ុន្តែលោកទាំងពីរ មិនកាន់កាប់ក្រសួងឡើយ។ លោក កុល ផេង ធ្លាប់ជារដ្ឋមន្ត្រីក្រសួងអប់រំ ឯលោក ហោ ណាំហុង ធ្លាប់ជារដ្ឋមន្ត្រីក្រសួងការបរទេស។
ទោះជាទេសរដ្ឋមន្ត្រី និងឧបនាយករដ្ឋមន្ត្រី មិនមែនជាប្រធានស្ថាប័ន ហើយមិនកាន់កាប់ក្រសួងដូចរដ្ឋមន្ត្រីពិតមែន តែនៅតែរាប់បញ្ចូលជាសមាជិករដ្ឋាភិបាល។ ដូច្នេះ នៅអាណត្តិទី៦នេះ បើឧបនាយករដ្ឋមន្ត្រី និងទេសរដ្ឋមន្ត្រីទាំងនោះ នៅតែត្រូវបានរក្សាតំណែងឲ្យនៅដដែល សមាជិករដ្ឋាភិបាល នឹងមានចំនួនលើសពី៣០នាក់។
សមាជិករដ្ឋាភិបាលកម្ពុជា ដែលធ្លាប់មានដល់ទៅរាប់រយនាក់ ហើយធ្លាក់មកសល់តិចតួចក្នុងអាណត្តិទី៦នេះ គឺដោយសារតែរដ្ឋមន្ត្រីប្រតិភូអមនាយករដ្ឋមន្ត្រី និងរដ្ឋលេខាធិការដ៏ច្រើនសន្ធឹកសន្ធាប់ ត្រូវបានដកចេញពីសមាជិករដ្ឋាភិបាល។
មុនចប់នីតិកាលទី៥ រដ្ឋសភា បានកែរដ្ឋធម្មនុញ្ញ និងច្បាប់ស្តីពីការរៀបចំ និងការប្រព្រឹត្តទៅនៃទីស្តីការគណៈរដ្ឋមន្ត្រី ដើម្បីដករដ្ឋលេខាធិការ និង រដ្ឋមន្ត្រីប្រតិភូអមនាយករដ្ឋមន្ត្រី ចេញពីសមាជិករដ្ឋាភិបាល។
មាត្រា៥១នៃរដ្ឋធម្មនុញ្ញ ត្រូវបានកែប្រែមកថា សមាជិករដ្ឋាភិបាល រួមមាន នាយករដ្ឋមន្ត្រី ឧបនាយករដ្ឋមន្ត្រី ទេសរដ្ឋមន្ត្រី និងរដ្ឋមន្ត្រី។ មាត្រា៥១នេះ លែងកំណត់យករដ្ឋលេខាធិការ ជាសមាជិករដ្ឋាភិបាល ដូចមុនទៀតហើយ។ ឯមាត្រា៥៣នៃច្បាប់ថ្មីស្តីពីការរៀបចំ និងការប្រព្រឹត្តទៅនៃទីស្តីការគណៈរដ្ឋមន្ត្រី ចែងថា រដ្ឋមន្ត្រីប្រតិភូអមនាយករដ្ឋមន្ត្រី រដ្ឋលេខាធិការ និងអនុរដ្ឋលេខាធិការ មិនមែនជាសមាជិករដ្ឋាភិបាលទេ ហើយក៏មិនមែនជាភ្នាក់ងាររដ្ឋាភិបាលអចិន្ត្រៃយ៍ដែរ។
សមាជិករដ្ឋាភិបាលនាអាណត្តិទី៥ ដែលកើតឡើងក្រោយការបោះឆ្នោតឆ្នាំ២០១៣ រួមមាន នាយករដ្ឋមន្ត្រី (សម្តេច ហ៊ុន សែន) ឧបនាយករដ្ឋមន្ត្រី៩នាក់ ទេសរដ្ឋមន្ត្រី១៥នាក់ រដ្ឋមន្ត្រី២៧ (ដឹកនាំក្រសួងទាំង២៧) រដ្ឋមន្ត្រីអមប្រតិភូនាយករដ្ឋមន្ត្រី១៣នាក់ រួមទាំងរដ្ឋលេខាធិការជិត២០០នាក់ នៅតាមបណ្តាក្រសួងទាំង២៧។ គណៈរដ្ឋមន្ត្រី ក្នុងអាណត្តិទី៥ ធ្លាប់ត្រូវបានរុះរើ ដោយបានផ្លាស់ប្តូររដ្ឋមន្ត្រីមួយចំនួន ហើយរដ្ឋលេខាធិការមួយចំនួនទៀត ត្រូវបានតែងតាំងបន្ថែមដែរ៕
Tag:
រដ្ឋាភិបាល
អាណត្តិទី៦
ហ៊ុន សែន
© រក្សាសិទ្ធិដោយ thmeythmey.com
