អន្តរជាតិ
យន្តហោះចម្បាំងណាតូ ច្រឡំបាញ់មីស៊ីលពិតពេលហ្វឹកហាត់ក្បែរព្រំដែនរុស្ស៊ី
យន្តហោះចម្បាំងអេស្ប៉ាញ Eurofighter Typhoon EF2000 (រូបភាព Reuters)
×![]()
ដោយ: តន ចាន់រិទ្ធារ៉ា
នៅថ្ងៃទី៧ ខែសីហា យន្តហោះចម្បាំងអេស្ប៉ាញដែលចូលរួមក្នុងការហ្វឹកហាត់របស់សម្ព័ន្ធយោធាណាតូ បានបាញ់មីស៊ីលពិតមួយគ្រាប់អំឡុងពេលហោះហើរក្បែរព្រំដែនរុស្ស៊ីក្នុងទឹកដីអេស្តូនី។ ក្រសួងការពារជាតិអេស្ប៉ាញក៏បានបើកការស៊ើបអង្កេតភ្លាមៗ ហើយអ្នកបើកបរយន្តហោះ ត្រូវបានផ្អាកតួនាទីបណ្ដោះអាសន្ន ទម្រាំការស៊ើបអង្កេតបញ្ចប់។ ចំណែកអេស្តូនីបានសម្រេចចិត្តផ្អាកការហោះហើររបស់យន្តហោះចម្បាំងអេស្ប៉ាញសិនដែរ។
យន្តហោះចម្បាំងរបស់សម្ព័ន្ធយោធាណាតូមួយក្រុម ដោយពីរគ្រឿងធុន Eurofighter Typhoon 2000 របស់អេស្ប៉ញនិងពីរគ្រឿងទៀតធុន Mirage 2000 ជាយន្តហោះបារាំង បានហោះហើរក្នុងបេសកម្មល្បាតនៅភាគនិរតីអេស្តូនីនៅថ្ងៃទី៧ ខែសីហា។ អំឡុងពេលហ្វឹកហាត់ យន្តហោះចម្បាំងមួយគ្រឿងរបស់អេស្ប៉ាញក៏ស្រាបតែបាញ់មីស៊ីលពិតប្រភេទបាញ់លើអាកាសទៅគោលដៅអាកាស (air-to-air missile) តែម្ដង។
យោងតាមសារព័ត៌មាន RT ក្រសួងការពារជាតិអេស្ប៉ាញអះអាងថា មីស៊ីលនេះមិនបានវាយប្រហារចំគោលដៅណាមួយឡើយ ឯយន្តហោះទាំងអស់ក៏បានហោះទៅកាន់មូលដ្ឋានអាកាស Saiuliai ដែលស្ថិតនៅក្នុងទឹកដីលីទុយអានីដោយសុវត្ថិភាព។ ក្រសួងការពារជាតិអេស្ប៉ាញ ក៏ចាប់ផ្ដើមការស៊ើបអង្កេតរកមូលហេតុនៃហេតុការណ៍នេះ ដ្បិតកើតឡើងនៅក្បែរព្រំដែនរបស់រុស្ស៊ី។
ជាមួយគ្នា ក្រសួងការពារជាតិអេស្តូនីក៏សម្រេចចិត្តហាមយន្តហោះចម្បាំងអេស្ប៉ាញទាំងអស់ចូលរួមបេសកកម្មហោះហើររបស់ណាតូលើទឹកដីខ្លួនទៀតដែរ។ បើតាមសារព័ត៌មានក្នុងស្រុក រដ្ឋមន្ត្រីការពារជាតិអេស្តូនី Juri Luik និយាយថា ការផ្អាកនឹងធ្វើឡើងរហូតដល់បញ្ហាត្រូវដោះស្រាយរួចរាល់ ហើយលំហាត់នឹងនៅតែបន្តដដែល។ សារព័ត៌មានក្នុងស្រុក ERR ផ្សាយថា កម្លាំងទ័ពអាកាសព័រទុយហ្គាល់នឹងចូលបំពេញកន្លែងរបស់យោធាអេស្ប៉ាញ។
មីស៊ីលដែលពីឡុតអេស្ប៉ាញបាញ់ចេញនោះ ជាមីស៊ីលបាញ់ពីអាកាសទៅគោលដៅលើអាកាសធុន AMRAAM ដែលអាចរត់បានចម្ងាយ១០០គីឡូម៉ែត្រ និងមានបំពាក់ក្បាលគ្រាប់ដែលមានទម្ងន់រំសេវដល់ទី១០គីឡូក្រាម។ មីស៊ីលនេះត្រូវបានកំណត់ទីតាំងចុងក្រោយនៅតំបន់មួយចម្ងាយប្រមាណ៤០គីឡូម៉ែត្រនៃទីក្រុង Tartu ភាគខាងជើងអេស្តូនី។
ភ្លាមៗក្រោយកើតហេតុ កម្លាំងអាកាសអេស្តូនីក៏បានបើកប្រតិបត្តិការស្វែងរកមីស៊ីលនេះ។ អាជ្ញាធរអេស្តូនីបានស្នើឲ្យប្រជាជនមានការប្រុងប្រយ័ត្ន និងជូនដំណឹងឲ្យអាជ្ញាធរ ឬភ្នាក់សង្គ្រោះបន្ទាន់ ក្នុងករណីប្រទះឃើញមីស៊ីល។ ដោយឡែក នាយករដ្ឋមន្ត្រីអេស្តូនី Juri Ratas ចាត់ទុកហេតុការណ៍នេះជារឿងដ៏អាក្រក់ និងគួរឲ្យសោកស្ដាយបំផុត។ ប៉ុន្តែលោកក៏ឆ្លៀតសរសើរកម្លាំងយោធាណាតូដែលបានជួយការពារសន្តិសុខអេស្តូនី៕
យន្តហោះចម្បាំងរបស់សម្ព័ន្ធយោធាណាតូមួយក្រុម ដោយពីរគ្រឿងធុន Eurofighter Typhoon 2000 របស់អេស្ប៉ញនិងពីរគ្រឿងទៀតធុន Mirage 2000 ជាយន្តហោះបារាំង បានហោះហើរក្នុងបេសកម្មល្បាតនៅភាគនិរតីអេស្តូនីនៅថ្ងៃទី៧ ខែសីហា។ អំឡុងពេលហ្វឹកហាត់ យន្តហោះចម្បាំងមួយគ្រឿងរបស់អេស្ប៉ាញក៏ស្រាបតែបាញ់មីស៊ីលពិតប្រភេទបាញ់លើអាកាសទៅគោលដៅអាកាស (air-to-air missile) តែម្ដង។
យោងតាមសារព័ត៌មាន RT ក្រសួងការពារជាតិអេស្ប៉ាញអះអាងថា មីស៊ីលនេះមិនបានវាយប្រហារចំគោលដៅណាមួយឡើយ ឯយន្តហោះទាំងអស់ក៏បានហោះទៅកាន់មូលដ្ឋានអាកាស Saiuliai ដែលស្ថិតនៅក្នុងទឹកដីលីទុយអានីដោយសុវត្ថិភាព។ ក្រសួងការពារជាតិអេស្ប៉ាញ ក៏ចាប់ផ្ដើមការស៊ើបអង្កេតរកមូលហេតុនៃហេតុការណ៍នេះ ដ្បិតកើតឡើងនៅក្បែរព្រំដែនរបស់រុស្ស៊ី។
ជាមួយគ្នា ក្រសួងការពារជាតិអេស្តូនីក៏សម្រេចចិត្តហាមយន្តហោះចម្បាំងអេស្ប៉ាញទាំងអស់ចូលរួមបេសកកម្មហោះហើររបស់ណាតូលើទឹកដីខ្លួនទៀតដែរ។ បើតាមសារព័ត៌មានក្នុងស្រុក រដ្ឋមន្ត្រីការពារជាតិអេស្តូនី Juri Luik និយាយថា ការផ្អាកនឹងធ្វើឡើងរហូតដល់បញ្ហាត្រូវដោះស្រាយរួចរាល់ ហើយលំហាត់នឹងនៅតែបន្តដដែល។ សារព័ត៌មានក្នុងស្រុក ERR ផ្សាយថា កម្លាំងទ័ពអាកាសព័រទុយហ្គាល់នឹងចូលបំពេញកន្លែងរបស់យោធាអេស្ប៉ាញ។
មីស៊ីលដែលពីឡុតអេស្ប៉ាញបាញ់ចេញនោះ ជាមីស៊ីលបាញ់ពីអាកាសទៅគោលដៅលើអាកាសធុន AMRAAM ដែលអាចរត់បានចម្ងាយ១០០គីឡូម៉ែត្រ និងមានបំពាក់ក្បាលគ្រាប់ដែលមានទម្ងន់រំសេវដល់ទី១០គីឡូក្រាម។ មីស៊ីលនេះត្រូវបានកំណត់ទីតាំងចុងក្រោយនៅតំបន់មួយចម្ងាយប្រមាណ៤០គីឡូម៉ែត្រនៃទីក្រុង Tartu ភាគខាងជើងអេស្តូនី។
ភ្លាមៗក្រោយកើតហេតុ កម្លាំងអាកាសអេស្តូនីក៏បានបើកប្រតិបត្តិការស្វែងរកមីស៊ីលនេះ។ អាជ្ញាធរអេស្តូនីបានស្នើឲ្យប្រជាជនមានការប្រុងប្រយ័ត្ន និងជូនដំណឹងឲ្យអាជ្ញាធរ ឬភ្នាក់សង្គ្រោះបន្ទាន់ ក្នុងករណីប្រទះឃើញមីស៊ីល។ ដោយឡែក នាយករដ្ឋមន្ត្រីអេស្តូនី Juri Ratas ចាត់ទុកហេតុការណ៍នេះជារឿងដ៏អាក្រក់ និងគួរឲ្យសោកស្ដាយបំផុត។ ប៉ុន្តែលោកក៏ឆ្លៀតសរសើរកម្លាំងយោធាណាតូដែលបានជួយការពារសន្តិសុខអេស្តូនី៕
Tag:
ណាតូ
រុស្ស៊ី
អេស្តូនី
© រក្សាសិទ្ធិដោយ thmeythmey.com
