រថយន្ត
អន្តរជាតិ
បុរសម្នាក់ច្នៃរថយន្តដែលអាចបើកបានពីលើដំបូល
× កាលពីអំឡុងទសវត្សរ៍ទី១៧ និងទី១៨ មនុស្សលោកប្រឹងប្រែងច្នៃប្រឌិតនូវអ្វីដែលប្លែកៗ និងទំនើបៗ ដើម្បីភាពងាយស្រួលក្នុងជីវិត។ ផ្ទុយទៅវិញ មនុស្សមួយចំនួននាពេលបច្ចុប្បន្ន ខិតខំស្រាវជ្រាវ និងច្នៃប្រឌិតនូវអ្វីដែលវិលត្រឡប់ទៅរកគំនិតបុរាណវិញ។
តារា Youtube ម្នាក់ដែលដាក់ឈ្មោះខ្លួនឯងថា Master Milo បង្កើតគំនិតដ៏ប្លែកមួយ តាមរយៈការច្នៃប្រឌិតរថយន្តដែលអាចឲ្យអ្នកបើកបរបញ្ជារថយន្តពីផ្នែកខាងក្រៅ។
តាមរយៈឃ្លីបវីដេអូ លោក Milo បានច្នៃដែកលៀនចេញពីលើក្បាលរថយន្ត និងដាក់កៅអីចំនួន៣ ដោយអ្នកកាន់ចង្កូតស្ថិតនៅកៅអីកណ្តាល។ នៅពេលចាប់ហ្វ្រាំងម្តងៗ រថយន្តបានហើបគូទឡើងលើ។
ទោះបីវាជាគំនិតដែលប្លែកក៏ដោយ ប៉ុន្តែលោក Milo រកមិនទាន់ឃើញដៃគូសម្រាប់ការផលិតរថយន្ត Wipkar 2.0 របស់ខ្លួននោះឡើយ។ អ្នកចូលរួមមតិជាច្រើន បានចាត់ទុកថា វាជាគំនិតដ៏ឆ្កួតលីលា និងគ្រោះថ្នាក់បផុត។
បើតាមការបង្ហោះនៅលើបណ្តាញសង្គម Twitter គំនិតនេះ ក៏មិនមែនថ្មីនោះដែរ ព្រោះកន្លងមក គេធ្វើឃើញឃ្លីបវីដេអូរបស់តារាកំប្លែង Mr.Bean ដែលបញ្ជារថយន្តពីលើដំបូលរួចទៅហើយ៕
© រក្សាសិទ្ធិដោយ thmeythmey.com