អន្តរជាតិ
លោក ឌូទើតេ ចង់លាលែងពីតំណែង ដ្បិតមិនអាចកម្ចាត់អំពើពុករលួយនិងគ្រឿងញៀនបាន
ប្រធានាធិបតីហ្វីលីពីន រ៉ូឌ្រីហ្គោ ឌូទើតេ (រូបភាព Manila Bulletin)
×![]()
ដោយ: តន ចាន់រិទ្ធារ៉ា
ពាក្យ «លាលែងពីតំណែង ឬចុះចេញពីតំណែង» ត្រូវបានគេឮកាន់តែញឹកញាប់ចេញពីមាត់ប្រធានាធិបតីហ្វីលីពីន រ៉ូឌ្រីហ្គោ ឌូទើតេ ។ នៅថ្ងៃទី១៤ ខែសីហា លោក ឌូទើតេ បានប្រើប្រាស់ពាក្យនេះជាថ្មី ហើយមូលហេតុលើកនេះ បណ្ដាលមកពីការតូចចិត្ត ដ្បិតមិនអាចលុបបំបាត់អំពើពុករលួយ និងគ្រឿងញៀនបានតាមការសន្យា។ លោក ឌូទើតេ អះអាងថា បើមានអ្នកជំនួសរូបលោកបាន លោកនឹងចុះចេញពីតំណែងភ្លាម។
កម្ចាត់អំពើពុករលួយ និងបោសសម្អាតគ្រឿងឲ្យអស់ពីហ្វីលីពីន គឺជានយោបាយអាទិភាពរបស់ប្រធានាធិបតី រ៉ូឌ្រីហ្គោ ឌូទើតេ ។ ចាប់តាំងពីឡើងកាន់តំណែងមកនោះ លោក ឌូទើតេ ក៏បើកយុទ្ធនាការទ្រង់ទ្រាយធំជាបន្តបន្ទាប់។ ឧក្រិដ្ឋជនសង្ស័យរាប់ពាន់នាក់ ត្រូវបានសម្លាប់ក្នុងសង្គ្រាមបោសសម្អាតគ្រឿងញៀន ខណៈដែលមន្ត្រីរដ្ឋាភិបាលជាច្រើនបានអស់តំណែងដោយសារប្រព្រឹត្តអំពើពុករលួយនេះ។
យ៉ាងណាមិញ នៅថ្ងៃទី១៤ ខែសីហា លោក ឌូទើតេ បានសារភាពថា លោកនឿយហត់ខ្លាំងណាស់ និងចង់ចូលនិវត្តន៍ដើម្បីសម្រាក។ ថ្លែងក្នុងកម្មវិធីមួយនៅវិមាន Malacanang ប្រធានាធិបតីរូបនេះទទួលស្គាល់ថា ការដោះស្រាយបញ្ហាគ្រឿងញៀន នឹងមិនអាចបញ្ចប់នៅត្រឹមអាណត្តិរបស់លោក ដែលផុតនៅឆ្នាំ២០២២ ឡើយ ឯអំពើពុករលួយបានស៊ីរូងគ្រប់ស្ថាប័នរដ្ឋទៅហើយទៀត។ នេះបើតាមកាសែតហ្វីលីពីន Manila Bulletin ។
ទន្ទឹមគ្នានឹងចង់លាលែងពីតំណែង លោក ឌូទើតេ ក៏ប្រកាសថា លោកគ្មានមហិច្ឆតាក្រាញអំណាចអ្វីទេ ហើយត្រៀមផ្ទេរតំណែងទៅកាន់អ្នកផ្សេងដែលមានសមត្ថភាពជាងលោក។ នៅចំពោះមុខមន្ត្រីជាច្រើន មេដឹកនាំរហស្សនាមមាត់អត់គម្របរូបនេះក៏ប្រាប់ឲ្យរកឥស្សរសជន ឬក្រុមអ្នកមានចំណេះដើម្បីកាន់តំណែងជំនួសលោក សំដៅនាំហ្វីលីពីនទៅកាន់ភាពរុងរឿង ព្រោះលោកមិនអាចសម្រេចការងារនេះបានឡើយ។
សម្រាប់អ្នកស្នងតំណែងបន្តនេះ ក្នុងករណីយោធាចង់កាន់អំណាច ក៏អតីតចៅហ្វាយក្រុង Davao រូបនេះយល់ព្រមដែរ។ លោកបញ្ជាក់ដូច្នេះថា៖ «ខ្ញុំស្នើទៅយោធា បើចង់បានរបបសឹកដឹកនាំ តម្រង់ជួរទៅ ខ្ញុំនឹងឲ្យកាន់តំណែងសក្តិសម...»។ ក្រោយឲ្យយោធាក្ដាប់អំណាចហើយនោះ លោក ឌូទើតេ នឹងត្រឡប់ទៅកាន់ស្រុកកំណើតដោយរីករាយ។
តាមរដ្ឋធម្មនុញ្ញហ្វីលីពីន បើលោក ដូទើតេ ចាកចេញពីតំណែង កៅអីប្រធានាធិបតីនឹងត្រូវផ្ទេរទៅឲ្យអនុប្រធានាធិបតីដែលសព្វថ្ងៃកាន់កាប់ដោយលោកស្រី Leni Robredo ។ យ៉ាងណាមិញ លោក ឌូទើតេ និងលោកស្រី Robredo មិនសូវស៊ីខ្សែគ្នាទេ ហើយលោក ឌូទើតេ ថែមទាំងអះអាងថា លោកស្រី គ្មានសមត្ថភាពដោះស្រាយបញ្ហាទាំងអម្បាលម៉ាននេះដែរ។ សម្រាប់យោធាវិញ លោក ឌូទើតេ ជឿថា ជាស្ថាប័នដែលអាចគ្រប់គ្រងស្ថានការណ៍បាន៕
កម្ចាត់អំពើពុករលួយ និងបោសសម្អាតគ្រឿងឲ្យអស់ពីហ្វីលីពីន គឺជានយោបាយអាទិភាពរបស់ប្រធានាធិបតី រ៉ូឌ្រីហ្គោ ឌូទើតេ ។ ចាប់តាំងពីឡើងកាន់តំណែងមកនោះ លោក ឌូទើតេ ក៏បើកយុទ្ធនាការទ្រង់ទ្រាយធំជាបន្តបន្ទាប់។ ឧក្រិដ្ឋជនសង្ស័យរាប់ពាន់នាក់ ត្រូវបានសម្លាប់ក្នុងសង្គ្រាមបោសសម្អាតគ្រឿងញៀន ខណៈដែលមន្ត្រីរដ្ឋាភិបាលជាច្រើនបានអស់តំណែងដោយសារប្រព្រឹត្តអំពើពុករលួយនេះ។
យ៉ាងណាមិញ នៅថ្ងៃទី១៤ ខែសីហា លោក ឌូទើតេ បានសារភាពថា លោកនឿយហត់ខ្លាំងណាស់ និងចង់ចូលនិវត្តន៍ដើម្បីសម្រាក។ ថ្លែងក្នុងកម្មវិធីមួយនៅវិមាន Malacanang ប្រធានាធិបតីរូបនេះទទួលស្គាល់ថា ការដោះស្រាយបញ្ហាគ្រឿងញៀន នឹងមិនអាចបញ្ចប់នៅត្រឹមអាណត្តិរបស់លោក ដែលផុតនៅឆ្នាំ២០២២ ឡើយ ឯអំពើពុករលួយបានស៊ីរូងគ្រប់ស្ថាប័នរដ្ឋទៅហើយទៀត។ នេះបើតាមកាសែតហ្វីលីពីន Manila Bulletin ។
ទន្ទឹមគ្នានឹងចង់លាលែងពីតំណែង លោក ឌូទើតេ ក៏ប្រកាសថា លោកគ្មានមហិច្ឆតាក្រាញអំណាចអ្វីទេ ហើយត្រៀមផ្ទេរតំណែងទៅកាន់អ្នកផ្សេងដែលមានសមត្ថភាពជាងលោក។ នៅចំពោះមុខមន្ត្រីជាច្រើន មេដឹកនាំរហស្សនាមមាត់អត់គម្របរូបនេះក៏ប្រាប់ឲ្យរកឥស្សរសជន ឬក្រុមអ្នកមានចំណេះដើម្បីកាន់តំណែងជំនួសលោក សំដៅនាំហ្វីលីពីនទៅកាន់ភាពរុងរឿង ព្រោះលោកមិនអាចសម្រេចការងារនេះបានឡើយ។
សម្រាប់អ្នកស្នងតំណែងបន្តនេះ ក្នុងករណីយោធាចង់កាន់អំណាច ក៏អតីតចៅហ្វាយក្រុង Davao រូបនេះយល់ព្រមដែរ។ លោកបញ្ជាក់ដូច្នេះថា៖ «ខ្ញុំស្នើទៅយោធា បើចង់បានរបបសឹកដឹកនាំ តម្រង់ជួរទៅ ខ្ញុំនឹងឲ្យកាន់តំណែងសក្តិសម...»។ ក្រោយឲ្យយោធាក្ដាប់អំណាចហើយនោះ លោក ឌូទើតេ នឹងត្រឡប់ទៅកាន់ស្រុកកំណើតដោយរីករាយ។
តាមរដ្ឋធម្មនុញ្ញហ្វីលីពីន បើលោក ដូទើតេ ចាកចេញពីតំណែង កៅអីប្រធានាធិបតីនឹងត្រូវផ្ទេរទៅឲ្យអនុប្រធានាធិបតីដែលសព្វថ្ងៃកាន់កាប់ដោយលោកស្រី Leni Robredo ។ យ៉ាងណាមិញ លោក ឌូទើតេ និងលោកស្រី Robredo មិនសូវស៊ីខ្សែគ្នាទេ ហើយលោក ឌូទើតេ ថែមទាំងអះអាងថា លោកស្រី គ្មានសមត្ថភាពដោះស្រាយបញ្ហាទាំងអម្បាលម៉ាននេះដែរ។ សម្រាប់យោធាវិញ លោក ឌូទើតេ ជឿថា ជាស្ថាប័នដែលអាចគ្រប់គ្រងស្ថានការណ៍បាន៕
Tag:
ហ្វីលីពីន
រ៉ូឌ្រីហ្គោ ឌូទើតេ
© រក្សាសិទ្ធិដោយ thmeythmey.com
