សម្ដេច ហ៊ុន សែន សរសើរលោក ខឹម វាសនា ថា ជេរពីរោះ

ជាតិ

នយោបាយជាតិ

សម្ដេច ហ៊ុន សែន សរសើរលោក ខឹម វាសនា ថា ជេរពីរោះ

15, Aug 2018 , 5:12 pm

រូបភាព

ដោយ: ថ្មីៗ

ភ្នំពេញ៖ ខណៈដែលមនុស្សទូទៅ មិនចូលចិត្តទស្សនលោក ខឹម វាសនា ដែលប្រើពាក្យសម្តីអសុរោះ ជេរអ្នកដទៃនោះ សម្ដេច ហ៊ុន សែន បែរជាសរសើរប្រមុខបក្សសម្ព័ន្ធដើម្បីប្រជាធិបតេយ្យថា «ជេរពីរោះ» ទៅវិញ។

ថ្លែងក្នុងពិធីជួបសំណេះសំណាលជាមួយកម្មកររោងចក្រ នៅសង្កាត់ឃ្មួញ ខណ្ឌសែនសុខ នៅថ្ងៃទី១៥ សីហា សម្ដេច ហ៊ុន សែន បាននិយាយដូច្នេះ៖«ដល់ពេលយើងថាមួយម៉ាត់ ត្រឹមពាក្យអាឡប់ គេថាយើងប្រើពាក្យអសុរោះ។ ដល់ពេល ខឹម វាសនា ដាក់ (ប្រើពាក្យអសុរោះ) ខ្ទេច អារន្ទៈបាញ់។ ឱ! ឯកឧត្តម ខឹម វាសនា អើយ ជេរពីរោះម្ល៉េះ។ គាត់ ជេរពីរោះរបស់គាត់មែន…»។

សូមស្តាប់សំឡេង៖

ប្រធានគណបក្សសម្ព័ន្ធដើម្បីប្រជាធិបតេយ្យលោក ខឹម វាសនា បាននិយាយការពារខ្លួនថា រាល់ពាក្យសម្តីអសុរោះ និងជេរអ្នកដទៃនេះ គឺសម្រាប់មនុស្សដែលខ្លួន គួរជេរប៉ុណ្ណោះ។ ប៉ុន្តែទស្សនជេរ និងប្រើប្រាស់ពាក្យអសុរោះបែបនេះ ត្រូវបានមនុស្សទូទៅ ជាពិសេសអ្នកវិភាគ ចាត់ទុកជាទស្សនមនោគមវិជ្ជាអាក្រក់ ដែលនាំឲ្យសង្គមធ្លាក់ចុះសីលធម៌ លែងចេះគោរពគ្នា និងអាចឈានទៅរកគ្រោះថ្នាក់ធ្ងន់ធ្ងរ នាពេលអនាគត៕