ក្រុមកីឡាបាល់ទាត់ជម្រើសជាតិបារាំងផ្នែកបុរសបានឡើងទៅឈរកំពូលតារាងនៃចំណាត់ថ្នាក់ពិភពលោក FIFA/Coca-Cola World Ranking សម្រាប់ខែសីហា ឆ្នាំ២០១៨នេះ បន្ទាប់ពីអាចដណ្តើមពានរង្វាន់ FIFA World Cup ឆ្នាំ២០១៨ នៅរុស្ស៊ី។ នេះបើតាមកាចុះផ្សាយរបស់គេហទំព័រផ្លូវការរបស់សហព័ន្ធកីឡាបាល់ទាត់អន្តរជាតិ FIFA នៅថ្ងៃទី១៦ ខែសីហានេះ។
ការឡើងចំណាត់ថ្នាក់លេខ១របស់ក្រុមរហស្សនាមមាន់គកក្នុងចំណោម២០០ប្រទេស គឺយោងតាមការគណនាលើលទ្ធផលប្រកួតក្នុងយុទ្ធនាការកីឡាបាល់ទាត់ពិភពលោកនៅរុស្ស៊ីកន្លងមក។ បែលហ្ស៊ិកដែលបានចំណាត់ថ្នាក់លេខ៣នៅ World Cup ឡើងទៅឈរលេខ២ ក្រូអាស៊ីក្រុមរងជើងឯកនៅលេខ៤ អង់គ្លេសលេខ៦។ ចំណែកអាល្លឺម៉ង់ដែលមិនអាចឆ្លងផុតវគ្គចែកពូល បានធ្លាក់ទៅលេខរៀងទី១៥។
ដោយឡែក ចំណាត់ថ្នាក់ FIFA Ranking របស់កម្ពុជានៅបន្តឈរលេខរៀងទី១៦៦ ដដែលគឺមានន័យថានៅពីលើក្រុមសិង្ហបុរី និងម៉ាឡេស៊ី។