ជាតិ
សង្គមជាតិ
ម្ចាស់សហគ្រាស និងជនបរទេស ដែលមិនអនុវត្តតាមច្បាប់ការងារកម្ពុជា នឹងត្រូវរងការពិន័យ រូបភាពពីហ្វេសប៊ុក លោក អ៊ិត សំហេង
× ភ្នំពេញ៖ ក្រសួងការងារ និងបណ្ដុះបណ្ដាលវិជ្ជាជីវៈ នឹងពិន័យទៅតាមច្បាប់ស្ដីពីការងារ ទៅលើម្ចាស់ ឬនាយកសហគ្រាស គ្រឹះស្ថាន និងជនបរទេសដែលប្រកបមុខរបរនៅកកម្ពុជា ដែលមិនបំពេញបែបបទសម្រាប់ជនបរទេស។ នេះបើតាមសេចក្ដីជូនដំណឹងរបស់ក្រសួងការងារចុះថ្ងៃទី២០ ខែសីហា។
តាមសេចក្ដីជូនដំណឹងដដែល គ្រប់គ្រឹះស្ថានទាំងអស់ ដែលត្រូវប្រើប្រាស់ហត្ថពលកម្មបរទេសសម្រាប់ឆ្នាំ២០១៩ ត្រូវដាក់សំណើសុំការអនុញ្ញាត ចាប់ពីថ្ងៃទី១ ខែកញ្ញា ដល់ថ្ងៃទី៣០ ខែវិច្ឆិកា ឆ្នាំ២០១៨។ ជាមួយគ្នានោះ ម្ចាស់ ឬនាយកសហគ្រាស គ្រឹះស្ថានទាំងអស់ ដែលបានប្រើប្រាស់ហត្ថពលកម្មបរទេស(កូតា) និងជនបរទេសប្រកបមុខរបរណាមួយនៅកម្ពុជា ត្រូវបំពេញបែបបទពន្យារសុពលភាពបណ្ណ/សៀវភៅការងារជនបរទេស សម្រាប់ឆ្នាំ២០១៩ ចាប់ពីថ្ងៃទី១ ខែមករា ដល់ថ្ងៃទី៣១ ខែមីនា ឆ្នាំ២០១៩។
ការស្នើសុំការអនុញ្ញាតប្រើប្រាស់ហត្ថពលកម្មបរទេស និងការបំពេញបែបបទស្នើសុំធ្វើ និងពន្យារសុពលភាពបណ្ណ/សៀវភៅការងារជនបរទេស ត្រូវធ្វើតាមរយៈគេហទំព័រ www.fwcms.mlvt.gov.kh ហើយតម្លៃឯកតានៃសេវា(ប្រាក់រៀល) និងរយៈពេលអតិបរមាសម្រាប់ការផ្ដល់សេវា(ថ្ងៃធ្វើការ) ក៏មាននៅក្នុងគេហទំព័រខាងលើដែរ។ នេះបើតាមសេចក្តីជូនដំណឹងរបស់ក្រសួងការងារដដែល៕
Tag:
ពលករបរទេស
សហគ្រាស
អ៊ិត សំហេង
© រក្សាសិទ្ធិដោយ thmeythmey.com