ជាតិ
សង្គមជាតិ
×![]()
ក្នុងពិធីជួបសំណេះសំណលជាមួយកម្មករ-កម្មការិនី នៅខេត្តកណ្តាលនាថ្ងៃទី២៣ ខែសីហា សម្តេច ហ៊ុន សែន បានប្រកាសថា នឹងផ្តល់រង្វាន់ជាច្រើនដល់សិស្ស ដែលប្រឡងជាប់និទ្ទេស A សម្រាប់សម័យប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំ២០១៨នេះ។
ប្រមុខរដ្ឋាភិបាល បានមានប្រសាសន៍ថា៖«ឆ្នាំនេះ ដូចនឹងឆ្នាំកន្លងៗទៅដែរ ខ្ញុំនឹងបន្តជួបសិស្សនិទ្ទេស A ទៀត នៅវិមានសន្តិភាព ព្រមទាំងផ្តល់ជារង្វាន់លើកទឹកចិត្តបន្ថែមទៀតផងដែរ ដើម្បីតបស្នងនឹងការខិតខំរៀនសូត្ររបស់ពូកគេ»។
សម្តេច ហ៊ុន សែន អបអរសាទរទុកជាមុន សម្រាប់សិស្សដែលប្រឡងជាប់។ ទន្ទឹមនឹងនេះ នាយករដ្ឋមន្ត្រីកម្ពុជា ក៏លើកទឹកចិត្តដល់សិស្សដែលប្រឡងមិនជាប់ ឲ្យតស៊ូប្រឹងប្រែងរៀនសូត្របន្ថែមទៀត ហើយសូមកុំអស់សង្ឃឹម។ «ក្មួយៗនឹងមានសង្ឃឹមរៀនថា្នក់បរិញ្ញាបត្ររង ដើម្បីបន្តស្វែករកជំនាញដែលខ្លួនចង់ធ្វើ។ នេះជាការលើកឡើងរបស់មេដឹកនាំកម្ពុជា នៅចំពោះមុខកម្មករ-កម្មការិនីរាប់ពាន់នាក់ នៅស្រុកកៀន ខេត្តកណ្តាល។
កាលពីឆ្នាំ២០១៧ សម្តេច ហ៊ុន សែន បានផ្តល់រង្វាន់ លើកទឹកចិត្តសិស្សដែលប្រឡងជាប់និទ្ទេស A ដោយម្នាក់ៗ ទទួលបាន ថវិកា២លានរៀល និង iPad មួយគ្រឿង ព្រមទាំងប្រាក់កក់ស្លឹករឹតខ្មែរមួយផងដែរ។ ចំពោះលោកគ្រូ-អ្នកគ្រូ ជានាយកសាលា ១៥៨ នាក់ ដែលមានសិស្សរបស់ពួកគេ បានប្រឡងជាប់និទន្ទេស A ទូទាំងរាជធានី-ខេត្ត ទទួលបានថវិកា ៣លានរៀល ក្នុងសាលានីមួយៗ។
ការប្រកាសលទ្ធផលប្រឡងបាក់ឌុបឆ្នាំនេះ នឹងធ្វើឡើង នៅថ្ងៃទី១១ ខែកញ្ញា ឆ្នាំ២០១៨ សម្រាប់មណ្ឌលប្រឡងនៅរាជធានីភ្នំពេញ និងខេត្តកណ្តាល។ ចំណែកនៅថ្ងៃទី១២ ខែកញ្ញា សម្រាប់មណ្ឌលប្រឡងតាមបណ្តាខេត្ត។
សូមបញ្ជាក់ថា ការប្រឡងជាប់បាក់ឌុប កាលពីឆ្នាំ២០១៧ មានចំនួន ៦៣ ៦៦៨នាក់ ស្មើនឹង ៦៣,៨៤ភាគរយ ក្នុងចំណោមបេក្ខជនវត្តមានក្នុងការប្រឡងចំនួន ៩៩ ៧២៨នាក់ ដោយមានសិស្សជាប់និទ្ទេស A ចំនួន ៤២៤នាក់។ កាលពីឆ្នាំ២០១៦ មានបេក្ខជនប្រឡងជាប់ ចំនួន ៥៥ ៧៥៣នាក់ ស្មើនឹង ៦២,១៨% នៃបេក្ខជនវត្តមានចំនួន ៨៩ ៦៦១នាក់ ដោយក្នុងនោះសិស្សប្រឡងជាប់និទ្ទេសA មានចំនួន៤០៥នាក់។
រីឯលទ្ធផលបាក់ឌុបឆ្នាំ ២០១៥ មានបេក្ខជនប្រឡងជាប់ ចំនួន ៤៦ ៥៦០នាក់ ស្មើនឹង ៥៥,៨៨ ភាគរយ ក្នុងចំណោមបេក្ខជនមានវត្តមានក្នុងការប្រឡងសរុប ៨៣ ៣២៥ នាក់ ដោយក្នុងនោះ បេក្ខជនជាប់និទ្ទេស A មាន ១០៨ នាក់ ។ ចំណែកឆ្នាំ២០១៤ បេក្ខជនជាប់បាក់ឌុបទូទាំងប្រទេស មានចំនួនជាង ៣ម៉ឺននាក់ ក្នុងចំណោមបេក្ខជនប្រឡងសរុបជាង ៧ម៉ឺននាក់ ដោយក្នុងនោះ បេក្ខជនជាប់និទ្ទេសមាន A ចំនួន ១១ នាក់ប៉ុណ្ណោះ៕
ប្រមុខរដ្ឋាភិបាល បានមានប្រសាសន៍ថា៖«ឆ្នាំនេះ ដូចនឹងឆ្នាំកន្លងៗទៅដែរ ខ្ញុំនឹងបន្តជួបសិស្សនិទ្ទេស A ទៀត នៅវិមានសន្តិភាព ព្រមទាំងផ្តល់ជារង្វាន់លើកទឹកចិត្តបន្ថែមទៀតផងដែរ ដើម្បីតបស្នងនឹងការខិតខំរៀនសូត្ររបស់ពូកគេ»។
សម្តេច ហ៊ុន សែន អបអរសាទរទុកជាមុន សម្រាប់សិស្សដែលប្រឡងជាប់។ ទន្ទឹមនឹងនេះ នាយករដ្ឋមន្ត្រីកម្ពុជា ក៏លើកទឹកចិត្តដល់សិស្សដែលប្រឡងមិនជាប់ ឲ្យតស៊ូប្រឹងប្រែងរៀនសូត្របន្ថែមទៀត ហើយសូមកុំអស់សង្ឃឹម។ «ក្មួយៗនឹងមានសង្ឃឹមរៀនថា្នក់បរិញ្ញាបត្ររង ដើម្បីបន្តស្វែករកជំនាញដែលខ្លួនចង់ធ្វើ។ នេះជាការលើកឡើងរបស់មេដឹកនាំកម្ពុជា នៅចំពោះមុខកម្មករ-កម្មការិនីរាប់ពាន់នាក់ នៅស្រុកកៀន ខេត្តកណ្តាល។
កាលពីឆ្នាំ២០១៧ សម្តេច ហ៊ុន សែន បានផ្តល់រង្វាន់ លើកទឹកចិត្តសិស្សដែលប្រឡងជាប់និទ្ទេស A ដោយម្នាក់ៗ ទទួលបាន ថវិកា២លានរៀល និង iPad មួយគ្រឿង ព្រមទាំងប្រាក់កក់ស្លឹករឹតខ្មែរមួយផងដែរ។ ចំពោះលោកគ្រូ-អ្នកគ្រូ ជានាយកសាលា ១៥៨ នាក់ ដែលមានសិស្សរបស់ពួកគេ បានប្រឡងជាប់និទន្ទេស A ទូទាំងរាជធានី-ខេត្ត ទទួលបានថវិកា ៣លានរៀល ក្នុងសាលានីមួយៗ។
ការប្រកាសលទ្ធផលប្រឡងបាក់ឌុបឆ្នាំនេះ នឹងធ្វើឡើង នៅថ្ងៃទី១១ ខែកញ្ញា ឆ្នាំ២០១៨ សម្រាប់មណ្ឌលប្រឡងនៅរាជធានីភ្នំពេញ និងខេត្តកណ្តាល។ ចំណែកនៅថ្ងៃទី១២ ខែកញ្ញា សម្រាប់មណ្ឌលប្រឡងតាមបណ្តាខេត្ត។
សូមបញ្ជាក់ថា ការប្រឡងជាប់បាក់ឌុប កាលពីឆ្នាំ២០១៧ មានចំនួន ៦៣ ៦៦៨នាក់ ស្មើនឹង ៦៣,៨៤ភាគរយ ក្នុងចំណោមបេក្ខជនវត្តមានក្នុងការប្រឡងចំនួន ៩៩ ៧២៨នាក់ ដោយមានសិស្សជាប់និទ្ទេស A ចំនួន ៤២៤នាក់។ កាលពីឆ្នាំ២០១៦ មានបេក្ខជនប្រឡងជាប់ ចំនួន ៥៥ ៧៥៣នាក់ ស្មើនឹង ៦២,១៨% នៃបេក្ខជនវត្តមានចំនួន ៨៩ ៦៦១នាក់ ដោយក្នុងនោះសិស្សប្រឡងជាប់និទ្ទេសA មានចំនួន៤០៥នាក់។
រីឯលទ្ធផលបាក់ឌុបឆ្នាំ ២០១៥ មានបេក្ខជនប្រឡងជាប់ ចំនួន ៤៦ ៥៦០នាក់ ស្មើនឹង ៥៥,៨៨ ភាគរយ ក្នុងចំណោមបេក្ខជនមានវត្តមានក្នុងការប្រឡងសរុប ៨៣ ៣២៥ នាក់ ដោយក្នុងនោះ បេក្ខជនជាប់និទ្ទេស A មាន ១០៨ នាក់ ។ ចំណែកឆ្នាំ២០១៤ បេក្ខជនជាប់បាក់ឌុបទូទាំងប្រទេស មានចំនួនជាង ៣ម៉ឺននាក់ ក្នុងចំណោមបេក្ខជនប្រឡងសរុបជាង ៧ម៉ឺននាក់ ដោយក្នុងនោះ បេក្ខជនជាប់និទ្ទេសមាន A ចំនួន ១១ នាក់ប៉ុណ្ណោះ៕
Tag:
ហ៊ុន សែន
បាក់ឌុប
© រក្សាសិទ្ធិដោយ thmeythmey.com
