កីឡាជាតិ
ជាតិ
Asian Games៖ អត្តពលិកសូហ្វតិន្នីសកម្ពុជា រងបរាជ័យទាំង៣រូប នាការប្រកួតបើកឆាក
×![]()
ក្រុមអត្តពលិកកីឡាសូហ្វតិន្នីសកម្ពុជាបានចាប់ផ្តើមប្រកួតស្វែងរកមេដាយពីព្រឹត្តិការណ៍ Asian Games នៅប្រទេសឥណ្ឌូណេស៊ី នៅព្រឹកថ្ងៃទី២៨ ខែសីហា ឆ្នាំ២០១៨នេះ។ ជាលទ្ធផលក្រុមកីឡាករកម្ពុជា ធ្វើមិនបានល្អនោះឡើយ សម្រាប់ការប្រកួតបើកឆាកក្នុងពូលលើវិញ្ញាសាវាយឯកត្តជន។
កីឡាករ កាន់ សោភ័ណ្ឌ, ឌឹម សំសុជាភារុណ និងកីឡាការិនី រិន សុធារី សុទ្ធតែរងបរាជ័យក្រោមថ្វីដៃគូប្រកួត សម្រាប់ការប្រកួតបើកឆាកក្នុងវគ្គជម្រុះតាមពូល ដែលរៀបចំនៅទីលានសូហ្វតិន្នីសក្នុងទីក្រុងប៉ាឡាំប៉ាងប្រទេសឥណ្ឌូណេស៊ី។ កីឡាករ កាន់ សោភ័ណ្ឌ ដែលស្ថិតនៅក្នុងពូល E បានប្រកួតចាញ់កីឡាករ Uayporn Sorrachet ក្នុងលទ្ធផល ៤-១។
ចំណែកកីឡាករ ឌឹម សំសុជាភារុណ ដែលឈរនៅក្នុងពូល G បានប្រកួតចាញ់កីឡាករឥណ្ឌូណេស៊ី Sie Alexander Elbert ក្នុងលទ្ធផល ៤-០ និងកីឡាការិនី រិន សុធារី ចាញ់កីឡាការិនីកូរ៉េខាងត្បូង Kim Jiyeon ក្នុងលទ្ធផល ៤-០ នាការប្រកួតពូល D។ ប៉ុន្តែកីឡាករកីឡាការិនីទាំង៣រូបនេះ នៅមានការប្រកួតជាបន្តបន្ទាប់ទៀតលើវិញ្ញាសាវាយឯកត្តជននេះ។
សម្រាប់ការប្រកួតវិញ្ញាសាវាយឯកត្តជននេះ ចែកចេញជា៨ពូលក្នុង១ពូលមានកីឡាករកីឡាការិនី៣ទៅ៤នាក់។ កីឡាករដែលមានពិន្ទុខ្ពស់ជាងគេ១រូបក្នុងពូលនីមួយៗ នឹងទទួលបានកៅអីឡើងទៅវគ្គ១/៤៕
Tag:
សូហ្វតិន្នីស
Asian Games
© រក្សាសិទ្ធិដោយ thmeythmey.com
