ពីនេះ ពីនោះ
×![]()
ដោយ: ថ្មីៗ
បើគេតាមដាន និងត្រួតពិនិត្យពាក្យនៅក្នុងវចនានុក្រមខ្មែរ គេប្រាកដជាមិនឃើញមានពាក្យមួយចំនួនដែល ស្ថិតនៅក្នុងនោះឡើយ។ ពោលពាក្យ «ខិត្តប័ណ្ណ» សម្តេចព្រះសង្ឃរាជ ជួន ណាត មិនបានបញ្ជាក់ថា គួរតែប្រើពាក្យណាផ្សេងទៀតដែរ។
ពាក្យដែលត្រឹមត្រូវពិតប្រាកដ នោះគឺ «ខិត្តប័ណ្ណ» មិនមែន «ខិតប័ណ្ណ» ឬ«លិខិប័ណ្ណ» ឡើយ។ នេះបើតាមការបកស្រាយពីក្រមប្រឹក្សាជាតិភាសាខ្មែរ ពាក្យ «ខិត្តប័ណ្ណ» មានន័យថា ប័ណ្ណប្រកាសបោះពុម្ពឡើង ដើម្បីផ្សព្វផ្សាយដំណឹងឲ្យប្រជាពលរដ្ឋ អនុវត្តតាម ឬឲ្យជ្រាបដឹងពីព័ត៌មានផ្សេងៗ។
មានពាក្យដទៃទៀត ដែលស្មេរមួយចំនួនលោកបានប្រើខុសពីការវចនានុក្រមខ្មែរ នោះរួមមានដូចជា កំលោះ, ម្សៅ, ពហុកីឡដ្ឋាន, គប់គិត, បារម្ភ, ជំរុញ, ជំងឺ, ប្រសិទ្ធភាព ពោលបែរសរសេរ ជា កំឡោះ ឬ កម្លាះ, ម្ស៉ៅ, ពហុកីឡាដ្ឋាន, ឃប់ឃិត, បារម្ម ឬបារម្មណ៍, ជម្រុញ, ជម្ងឺ,ប្រសិទ្ធិភាព ជាដើម។
ជាមួយគ្នាផងដែរ មានពាក្យដទៃទៀត សុទ្ធសឹងតែមានន័យថា ផ្សព្វផ្សាយ និងជូនដំណឹង។ ពាក្យទាំងនោះរួមមាន «សញ្ញាណប័ដ» ជានិមិត្តសញ្ញា, ប័ណ្ណប្រកាស ឬអក្សរចារឹក នៅតាមទីសាធារណៈ។ «ផ្លាកពាណិជ្ជកម្ម» ផ្លាកដែលគេផ្សព្វផ្សាយពាណិជ្ជកម្មនៅតាមទីសាធារណៈ ឬនៅតាមថ្នល់ដែលមានចរាចរណ៍ច្រើន។ ឧទាហរណ៍៖ ផ្លាកផ្សាយពាណិជ្ជកម្ម ស្រាបៀរ, ទឹកភេសជ្ជៈ ផ្តល់កម្លាំងថាមពលខ្លាំងខ្លា៕
Tag:
ពន្យល់ពាក្យ
© រក្សាសិទ្ធិដោយ thmeythmey.com
