ពីនេះ ពីនោះ
គេនិយមហៅ«បន្លែគីមី, ចំណីអាហារគីមី» តែពាក្យនេះមិនគ្របដណ្ដប់ពេញលេញនោះទេ
×![]()
ពលរដ្ឋទូទៅច្រើនហៅគ្រឿងបរិភោគ ដែលប៉ះពាល់ដល់សុខភាពរបស់ខ្លួន ដោយប្រើពាក្យគីមីនៅខាងចុង ឧទាហរណ៍ចំណីរអាហារគីមី បន្លែគីមី របស់គីមី ជាដើម។ ពាក្យនេះខ្លី ងាយស្រួលហៅ។ ប៉ុន្តែពាក្យគីមីនេះ មិនគ្របដណ្ដប់រាល់អ្វីដែលប៉ះពាល់ដល់សុខភាពទាំងអស់នោះទេ។ ពពួកមេរោគ មិនមែនជាគីមីទេ តែក៏បង្កបញ្ហាដល់សុខភាពដែរ។ ហើយការប្រើគីមីខ្លះស្ថិតក្នុងកម្រិត ឬប្រភេទអាចទទួលយកបាន។
អត្ថបទទាក់ទង
គេអាចហៅថា ចំណីអាហារដែលមាន«សារធាតុបង្កគ្រោះថ្នាក់ដល់សុខភាព»។ ពាក្យនេះក្ដោបរួមទាំងគីមី ទាំងមេរោគ សត្វល្អិត។ នេះបើតាមការពន្យល់របស់លោក ហ៊ាន វណ្ណហន ។
សំឡេង៖
អ្នកបរិភោគ ប្រុងប្រយ័ត្ន និងខ្លាចរអាបន្លែធម្មតាដែលអាចមានការបាញ់ថ្នាំគីមីពុល។ ប៉ុន្តែគេក៏ត្រូវដឹងអំពីបន្លែសរីរាង្គផងដែរ។ បន្លែសរីរាង្គអត់គីមី តែអាចមានមេរោគ។ មេរោគត្រូវបានសម្លាប់ បើបន្លែនោះឆ្អិន តែបើបរិភោគឆៅនឹងមានបញ្ហាសុខភាព។ ខុសពីគីមី ដែលមិនអាចកម្ចាត់បាន ទោះជាបន្លែនោះឆ្អិនក្ដី។ នេះបើតាមលោក អ៊ុយ ដាវិន ដែលជាអ្នកផលិតទឹកលាងបន្លែ។
មិនមែនឲ្យតែពាក់ព័ន្ធនឹងគីមី ដឹងតែអាក្រក់នោះទេ ព្រោះសារធាតុគីមីជួយដល់ការលូតលាស់របស់ដំណាំ។ «គីមីមិនមែនអាក្រក់ទាំងអស់នោះទេ ឧទាហរណ៍ថាប្រើជីគីមីជួយឲ្យកោសិការបស់ដំណាំលូតលាស់លឿន»។ នេះបើតាមការបកស្រាយរបស់លោក សម វិទូ នាយកប្រតិបត្តិអង្គការសេដាក។ តែលោកវិទូ បញ្ជាក់ថា សម្រាប់រយៈពេលវែងជីគីមីនេះនឹងប៉ះពាល់ដល់សុខភាព ដែលធ្វើឲ្យទ្រុចទ្រោមរាងកាយ។
ប៉ុន្តែគីមី ដែលគួរឲ្យខ្លាចនោះ គឺមានដូចជា ថ្នៅកម្ចាត់ស្មៅ ថ្នាំសម្លាប់សត្វល្អិត បូរ៉ាក់ និងប្រភេទថ្នាំគីមីចាក់ឲ្យសត្វធំរហ័ស ជាដើម។ នេះបើតាមលោក សម វិទូ នាយកប្រតិបត្តិអង្គការសេដាក៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
