កីឡាជាតិ
ជាតិ
លោក ខាន់ ភីធ័រ ហួសពីសប្បាយចិត្តទៅទៀតដែលកូនស្រីខ្លួននាំកិត្តិយសជូនជាតិកម្ពុជា
ខាន់ ចេសា ពេលឈ្នះមេដាយមាស (ខាងឆ្វេង) និងពេលហ្វឹកហាត់ជាមួយលោក ខាន់ ភីធ័រ ដែលជាឪពុក
×![]()
កីឡាការិនី ខាន់ ចេសា (Khan Jessa) អាយុ១៦ឆ្នាំ បានសមិទ្ធផលដ៏ធំធេងសម្រាប់ប្រទេសកំណើតឪពុករបស់ខ្លួន តាមរយៈការឈ្នះមេដាយមាសពីព្រឹត្តិការណ៍កីឡាអាស៊ី (Asian Games) លើកទី១៨ ពីប្រភេទកីឡាជឺជិតស៊ូ (Jiu Jitsu ឬ Brazilain Jiu Jitsu/BJJ)។ លោក ខាន់ ភីធ័រ (Khan Peter) បានគូសបញ្ជាក់ថានេះជាកាដូដ៏មានន័យពីកូនស្រី និងគ្រួសាររបស់លោក ចំពោះមាតុភូមិកម្ពុជា។
«ខ្ញុំសប្បាយចិត្ត ដែលហួសពីសប្បាយចិត្តទៅទៀត។ រីករាយខ្លាំងណាស់ដែលកូនស្រីរបស់ខ្ញុំសាងប្រវត្តិសាស្ត្រសម្រាប់ពលរដ្ឋខ្មែរ និងប្រទេសជាតិទាំងមូល»។ នេះជាការលើកឡើងរបស់លោក ខាន់ ភីធ័រ ក្នុងបទសម្ភាសមួយជាមួយសារព័ត៌មាន ThmeyThmey។
ទាក់ទងនឹងវត្តមានរបស់ ចេសា ក្នុងក្រុមជម្រើសជាតិកម្ពុជា លោក ភីធ័រ អាយុ៤៥ឆ្នាំ ដែលបានទៅរស់នៅសហរដ្ឋអាមេរិកតាំងពីវ័យនៅតូច ពោលគឺតាំងពីឆ្នាំ១៩៧៥នោះ បានអះអាងថា៖ «ដំបូងពិតជាក្តីស្រមៃរបស់ខ្ញុំ ប៉ុន្តែ ចេសា ខ្លួនឯងផ្ទាល់ ជាមនុស្សចូលចិត្តការប្រឈម និងចូលចិត្តធ្វើដំណើរ។ គាត់ចង់ជួយ និងចង់ដឹងបន្ថែមពីទីកន្លែងដែលខ្ញុំបានកើត»។
លោក ភីធ័រ បានរៀបការជាមួយអ្នកស្រី April Khan ដែលមានសញ្ជាតិអាមេរិក-ម៉ិកស៊ិក កាលពីឆ្នាំ២០០៤ ដោយមានកូន៤នាក់ (ស្រី៣ ប្រុស១) ហើយ ចេសា ជាកូនច្បង។ បច្ចុប្បន្ន លោក និងក្រុមគ្រួសាររស់នៅក្រុង Newport-Beach រដ្ឋកាលីហ្វនីញ៉ា។
ជាអតីតនាយទាហានជើងទឹកសហរដ្ឋអាមេរិក លោក ភីធ័រ បានបញ្ជាក់ថា សមាជិកក្រុមគ្រួសារទាំងអស់របស់លោកសុទ្ធចេះកីឡាជឺជិតស៊ូ ហើយក៏លោកនឹងមិនបដិសេធនោះឡើយ ប្រសិនបើមានការស្នើសុំមតិយោបល់ និងការចូលរួមរបស់លោកលើការអភិវឌ្ឍន៍កីឡានេះនៅកម្ពុជា។
«ពិតណាស់ ជឺជិតស៊ូ គឺជាការពង្រឹងភាពរឹងមាំ និងការពង្រីកចំណេះដឹងដ៏ទូលំទូលាយ។ ខ្ញុំអាចនិយាយបានថា គ្រប់គ្នាគួរតែហាត់ជឺជិតស៊ូ»។ នេះជាការអះអាងរបស់លោក ភីធ័រ ហើយលោកក៏បានយល់ស្របផងដែរចំពោះគំនិតនៃការដាក់បញ្ចូលកីឡាក្បាច់គុនមួយនេះក្នុងព្រឹត្តិការណ៍កីឡាស៊ីហ្គេមនាឆ្នាំ២០២៣ ដែលកម្ពុជាត្រូវធ្វើជាម្ចាស់ផ្ទះលើកដំបូង។
យោងតាមហ្វេសប៊ុកផ្លូវការ Jessa Khan Athlete លោក ខាន់ ភីធ័រ និងអ្នកស្រី April Khan បានបញ្ជូន ចេសា ឲ្យទៅហ្វឹកហាត់កីឡាជឺជិតស៊ូ តាំងពីអាយុ៤ឆ្នាំ មកម្ល៉េះ នៅក្រុង Honolulu រដ្ឋហាវ៉ៃ ហើយបន្តនៅរដ្ឋ New Hampshire និងបច្ចុប្បន្នជាសិស្សនៅ Art Of Jiu Jitsu Mendes Bros ក្រុង Costa Mesa រដ្ឋកាលីហ្វនីញ៉ា។
ចាប់តាំងពីឆ្នាំ២០១១មក ចេសា តែងតែទទួលចំណាត់ថ្នាក់ល្អ ជាពិសេសលេខ១ក្នុងការប្រកួតក្របខណ្ឌផ្សេងៗសម្រាប់កម្រិតអាយុរបស់នាង។ ជោគជ័យធំៗដែលគួរឲ្យកត់សម្គាល់ក្នុងអាជីពរបស់កីឡាការិនីវ័យ១៦ឆ្នាំរូបនេះ រួមមានដូចជាជើងឯក និងជាម្ចាស់មេដាយមាស World Champion ៣លើក Pan American Champion ៣លើក Nogi World Champion ២លើក European Champions ១លើក Abu Dhabi Grandslam La Champion ១លើក និងមេដាយមាសពី Asian Games ជូនកម្ពុជា ១លើក៕
«ខ្ញុំសប្បាយចិត្ត ដែលហួសពីសប្បាយចិត្តទៅទៀត។ រីករាយខ្លាំងណាស់ដែលកូនស្រីរបស់ខ្ញុំសាងប្រវត្តិសាស្ត្រសម្រាប់ពលរដ្ឋខ្មែរ និងប្រទេសជាតិទាំងមូល»។ នេះជាការលើកឡើងរបស់លោក ខាន់ ភីធ័រ ក្នុងបទសម្ភាសមួយជាមួយសារព័ត៌មាន ThmeyThmey។
ទាក់ទងនឹងវត្តមានរបស់ ចេសា ក្នុងក្រុមជម្រើសជាតិកម្ពុជា លោក ភីធ័រ អាយុ៤៥ឆ្នាំ ដែលបានទៅរស់នៅសហរដ្ឋអាមេរិកតាំងពីវ័យនៅតូច ពោលគឺតាំងពីឆ្នាំ១៩៧៥នោះ បានអះអាងថា៖ «ដំបូងពិតជាក្តីស្រមៃរបស់ខ្ញុំ ប៉ុន្តែ ចេសា ខ្លួនឯងផ្ទាល់ ជាមនុស្សចូលចិត្តការប្រឈម និងចូលចិត្តធ្វើដំណើរ។ គាត់ចង់ជួយ និងចង់ដឹងបន្ថែមពីទីកន្លែងដែលខ្ញុំបានកើត»។
លោក ភីធ័រ បានរៀបការជាមួយអ្នកស្រី April Khan ដែលមានសញ្ជាតិអាមេរិក-ម៉ិកស៊ិក កាលពីឆ្នាំ២០០៤ ដោយមានកូន៤នាក់ (ស្រី៣ ប្រុស១) ហើយ ចេសា ជាកូនច្បង។ បច្ចុប្បន្ន លោក និងក្រុមគ្រួសាររស់នៅក្រុង Newport-Beach រដ្ឋកាលីហ្វនីញ៉ា។
ជាអតីតនាយទាហានជើងទឹកសហរដ្ឋអាមេរិក លោក ភីធ័រ បានបញ្ជាក់ថា សមាជិកក្រុមគ្រួសារទាំងអស់របស់លោកសុទ្ធចេះកីឡាជឺជិតស៊ូ ហើយក៏លោកនឹងមិនបដិសេធនោះឡើយ ប្រសិនបើមានការស្នើសុំមតិយោបល់ និងការចូលរួមរបស់លោកលើការអភិវឌ្ឍន៍កីឡានេះនៅកម្ពុជា។
«ពិតណាស់ ជឺជិតស៊ូ គឺជាការពង្រឹងភាពរឹងមាំ និងការពង្រីកចំណេះដឹងដ៏ទូលំទូលាយ។ ខ្ញុំអាចនិយាយបានថា គ្រប់គ្នាគួរតែហាត់ជឺជិតស៊ូ»។ នេះជាការអះអាងរបស់លោក ភីធ័រ ហើយលោកក៏បានយល់ស្របផងដែរចំពោះគំនិតនៃការដាក់បញ្ចូលកីឡាក្បាច់គុនមួយនេះក្នុងព្រឹត្តិការណ៍កីឡាស៊ីហ្គេមនាឆ្នាំ២០២៣ ដែលកម្ពុជាត្រូវធ្វើជាម្ចាស់ផ្ទះលើកដំបូង។
យោងតាមហ្វេសប៊ុកផ្លូវការ Jessa Khan Athlete លោក ខាន់ ភីធ័រ និងអ្នកស្រី April Khan បានបញ្ជូន ចេសា ឲ្យទៅហ្វឹកហាត់កីឡាជឺជិតស៊ូ តាំងពីអាយុ៤ឆ្នាំ មកម្ល៉េះ នៅក្រុង Honolulu រដ្ឋហាវ៉ៃ ហើយបន្តនៅរដ្ឋ New Hampshire និងបច្ចុប្បន្នជាសិស្សនៅ Art Of Jiu Jitsu Mendes Bros ក្រុង Costa Mesa រដ្ឋកាលីហ្វនីញ៉ា។
ចាប់តាំងពីឆ្នាំ២០១១មក ចេសា តែងតែទទួលចំណាត់ថ្នាក់ល្អ ជាពិសេសលេខ១ក្នុងការប្រកួតក្របខណ្ឌផ្សេងៗសម្រាប់កម្រិតអាយុរបស់នាង។ ជោគជ័យធំៗដែលគួរឲ្យកត់សម្គាល់ក្នុងអាជីពរបស់កីឡាការិនីវ័យ១៦ឆ្នាំរូបនេះ រួមមានដូចជាជើងឯក និងជាម្ចាស់មេដាយមាស World Champion ៣លើក Pan American Champion ៣លើក Nogi World Champion ២លើក European Champions ១លើក Abu Dhabi Grandslam La Champion ១លើក និងមេដាយមាសពី Asian Games ជូនកម្ពុជា ១លើក៕
Tag:
Asian Games
ខាន់ ចេសា
ជឺជិតស៊ូ
© រក្សាសិទ្ធិដោយ thmeythmey.com
