ជាតិ
នយោបាយជាតិ
ព្រះករុណា៖ «ប្រជាជាតិកម្ពុជាត្រូវមានឯកភាព និងសាមគ្គីជាតិខ្ពស់» ព្រះករុណាព្រះទានការថតរូបអនុស្សាវរីយ៍ បន្ទាប់ពីសេចក្តីថ្លែងព្រះរាជសុន្ទរកថាបើកសម័យប្រជុំដំបូងនៃរដ្ឋសភានីតិកាលទី៦នាព្រឹកថ្ងៃទី៥ខែកញ្ញា២០១៨
× កិច្ចប្រជុំរដ្ឋសភាដំបូងនៃនីតិកាលទី៦បានប្រព្រឹត្តទៅតាមការគ្រោងទុកនាព្រឹកថ្ងៃទី៥ខែកញ្ញានេះ ក្រោមព្រះរាជអធិបតីនៃព្រះករុណា ព្រះបាទ ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា។
ព្រះមហាក្សត្រនៃព្រះរាជាណាចក្រកម្ពុជាបានផ្តើមថ្លែងព្រះរាជសុន្ទរកថាដោយអបអរសាទរសមាជិក សមាជិការនៃរដ្ឋសភានីតិកាលថ្មីដែលទទួលបានការទុកចិត្តពីប្រជាពលរដ្ឋអ្នកបោះឆ្នោត។ នៅចំពោះមុខសមាជិករដ្ឋសភាជាប់ឆ្នោតទាំង១២៥រូប និងអ្នកសង្កេតការណ៍អន្តរជាតិ អង្គព្រះមហាក្សត្របានមានព្រះរាជបន្ទូលផ្តល់ដំបូន្មានច្រើនឲ្យអ្នកតំណាងរាស្ត្របម្រើប្រជាជន និងប្រទេសជាតិកម្ពុជាទាំងមូល និងធ្វើយ៉ាងណាឲ្យប្រជាពលរដ្ឋបានរស់នៅស្មើភាពគ្នា។
ព្រះអង្គបានមានព្រះរាជបន្ទូលយ៉ាងដូច្នេះថា៖«ដើម្បីសម្រេចភារកិច្ចដ៏ឧត្តុង្គឧត្តមនេះ ប្រជាជាតិកម្ពុជាត្រូវមានឯកភាព សាមគ្គីភាពជាតិខ្ពស់ និងមានស្មារតីបង្រួបបង្រួមជាតិ និងប្រកាន់ខ្ជាប់នូវព្រហ្មវិហារធម៌ មេត្តា មុទិតា ឧបេក្ខា និងករុណា»។
ព្រះមហាក្សត្រ ព្រះអង្គក៏បានមានព្រះរាជបន្ទូលដល់រដ្ឋាភិបាលអាណត្តិទី៦នេះដែរ ដោយសង្ឃឹមថា រដ្ឋាភិបាលនឹងបំពេញភារកិច្ចតាមគោលនយោបាយ ពង្រឹងសេដ្ឋកិច្ច លើកស្ទួយកម្រិតជីវភាពប្រជាពលរដ្ឋ ព្រមទាំងប្រព័ន្ធការពារសង្គមផង៕
© រក្សាសិទ្ធិដោយ thmeythmey.com