មហាធៀ ព្យាករថា លុយយ៉ន់ចិន នឹងផ្ដួលលុយដុល្លារអាមេរិកក្លាយជារូបិយវត្ថុសកល

សេដ្ឋកិច្ចអន្តរជាតិ

អន្តរជាតិ

មហាធៀ ព្យាករថា លុយយ៉ន់ចិន នឹងផ្ដួលលុយដុល្លារអាមេរិកក្លាយជារូបិយវត្ថុសកល

06, Sep 2018 , 8:39 am

រូបភាព

ដោយ:

លោកនាយករដ្ឋមន្ត្រីម៉ាឡេស៊ី មហាធៀ មហាម៉ាត់ បាននិយាយនៅថ្ងៃទី០៣ កញ្ញាថា លោកនឹងមិនភ្ញាក់ផ្អើលនោះទេ ប្រសិនបើលុយយ៉ន់ចិន ផ្ដួលលុយដុល្លារអាមេរិក ក្លាយជារូបិយវត្ថុសម្រាប់ធ្វើពាណិជ្ជកម្មសកលនោះ។

ថ្លែងនៅឯសកលវិទ្យាល័យព្រុយណេ លោកនាយករដ្ឋមន្ត្រីវ័យ៩៣ឆ្នាំរូបនេះ បានលើកឡើងថា ប្រជាជនចិនប្រមាណ ១,៤ពាន់លាននាក់ ដែលធ្វើការសកម្ម រហ័សរហួន និងមានទ្រព្យច្រើន ទំនងជាសម្រេចថា អ្នកចង់ធ្វើពាណិជ្ជកម្មជាមួយពួកគេ ត្រូវតែប្រើប្រាស់រូបិយវត្ថុចិនមិនមែនរូបិយវត្ថុអាមេរិក។ នេះបើតាមការចុះផ្សាយរបស់កាសែត Malay Mail។

លោក មហាធៀ ថ្លែងបែបនេះ៖ «ស្រមៃថា ប្រជាជនចិនប្រមាណជាង ១,៤ពាន់លាននាក់ ដែលធ្វើការយ៉ាងសកម្ម ហើយក្លាយជាអ្នកមានទ្រព្យច្រើន... ហេតុអ្វីពួកគេត្រូវប្រើប្រាស់លុយដុល្លារអាមេរិក? ដូច្នេះហើយនៅថ្ងៃណាមួយ ពួកគេប្រហែលជានឹងសម្រេចថា ប្រសិនបើអ្នកចង់ទិញ [របស់របបចិន] អ្នកត្រូវប្រើប្រាស់លុយយ៉ន់របស់ចិនដែរ។ ខ្ញុំមិនច្បាស់ថា យើងអាចប្រកែកដល់ពេលណាឡើយ ប៉ុន្តែពេលវេលានោះនឹងមកដល់នៅថ្ងៃណាមួយមិនខាន»។

យ៉ាងណាមិញ នាយករដ្ឋមន្ត្រីដែលមានវ័យចំណាស់ជាងគេរូបនេះ ក៏បានបញ្ជាក់ទៀតថា បើលុយដុល្លារអាមេរិក លែងត្រូវបានគេប្រើប្រាស់ជារូបិយវត្ថុសម្រាប់ធ្វើពាណិជ្ជកម្មសកលទៀតនោះ សេដ្ឋកិច្ចអាមេរិក នឹងត្រូវធ្លាក់ចុះភ្លាមៗ។ នេះគឺដោយសារតែ អាមេរិកមានលុយប្រមាណ ១៤ ទ្រីលានដុល្លារ ដែលពួកគេមិនអាចប្រើប្រាស់បាន៕