ពីនេះ ពីនោះ
អណ្តើកដែលអ្នកនេសាទដាក់លក់នៅលើផ្លូវក្បែរផ្សារស្ទឹងត្រែង។ រូបភាព៖ ឈុត ឈាណា
×![]()
ដាក់លក់លើកម្រាលបាវប្លាស្ទិកផ្ទាល់នឹងដី នៅលើផ្លូវក្បែរផ្សារស្ទឹងត្រែង យើងឃើញមានអណ្តើកមួយក្បាល បានកំពុងព្យាយាមវារចុះវារឡើង ហាក់ចង់គេចចេញពីកម្រាល ដែលអ្នកនេសាទកំពុងដាក់លក់លាយឡំជាមួយនឹងត្រីរ៉ស់។ បើតាមការឲ្យដឹងពីអ្នកលក់ គាត់បានប្រាប់ថា អណ្តើតនេះ ជាអណ្តើតឈ្មោលមួយក្បាល ក្នុងចំណោមអណ្តើក ១០ក្បាលដែលចូលលបរបស់គាត់។ «អណ្តើកនេះ ចូលលបរបស់ខ្ញុំ។ សរុបទាំងអស់១០ក្បាល។ និយាយឲ្យស្រួលស្តាប់ គឺមួយគ្រួសារអណ្តើកតែម្តង មានកូនតូចៗ ៨ក្បាល ម៉ែមួយ ឪមួយ»។ 
គម្រោងអច្ឆរិយភាពនៃទន្លេមេគង្គ បានចចារសុំទិញពីអ្នកលក់ទាំងអស់ ពោលគឺមួយគ្រួសារអណ្តើកនេះតែម្តង ដើម្បីយកទៅលែងក្នុងធម្មជាតិដើម្បីឲ្យគ្រួសារអណ្តើកមួយនេះ បានជួបជុំគ្នាវិញ តែត្រូវទទួលបានចម្លើយបដិសេធពីអ្នកលក់។ អ្នកលក់និយាយថា៖ «ខ្ញុំយកអាឈ្មោលមកលក់យកលុយមុន ព្រោះវាធំជាងគេ។ ឯអណ្តើកញី ខ្ញុំនឹងលក់វានៅពេលក្រោយ។ ចំណែកឯកូនតូចៗ របស់វាទាំងប្រាបីក្បាល ខ្ញុំបានសន្យាជាមួយម្តាយខ្ញុំថា ជួនគាត់សម្រាប់យកទៅលែងនៅវត្ត ខ្ញុំមិនលក់ទេ»។
គម្រោងអច្ឆរិយភាពនៃទន្លេមេគង្គ បានចចារសុំទិញពីអ្នកលក់ទាំងអស់ ពោលគឺមួយគ្រួសារអណ្តើកនេះតែម្តង ដើម្បីយកទៅលែងក្នុងធម្មជាតិដើម្បីឲ្យគ្រួសារអណ្តើកមួយនេះ បានជួបជុំគ្នាវិញ តែត្រូវទទួលបានចម្លើយបដិសេធពីអ្នកលក់។ អ្នកលក់និយាយថា៖ «ខ្ញុំយកអាឈ្មោលមកលក់យកលុយមុន ព្រោះវាធំជាងគេ។ ឯអណ្តើកញី ខ្ញុំនឹងលក់វានៅពេលក្រោយ។ ចំណែកឯកូនតូចៗ របស់វាទាំងប្រាបីក្បាល ខ្ញុំបានសន្យាជាមួយម្តាយខ្ញុំថា ជួនគាត់សម្រាប់យកទៅលែងនៅវត្ត ខ្ញុំមិនលក់ទេ»។
តើជាការត្រឹមត្រូវទេ ដែលអ្នកនេសាទចាប់ទាំងមេទាំងកូនអ៊ីចឹង? តើនឹងមានអ្វីកើតឡើងចំពោះកូនអណ្តើកតូចៗទាំងប្រាំបី បន្ទាប់ពីបែកបាក់ពីមេបាររបស់វាទៅ? តើវាសនាកូនអណ្តើកទាំងប្រាំបីក្បាល នឹងទៅជាយ៉ាងណា? តើវាអាចរស់នៅដោយខ្លួនឯងបានដែរឬទេ ខណៈដែលពួកវានៅត្រូវការថែរក្សា ការពារពីមេរបស់វានៅឡើយ?
© រក្សាសិទ្ធិដោយ thmeythmey.com
