ខេត្តចំនួន៨ អាចមានភ្លៀងធ្លាក់ខ្លាំង និងជំនន់ទឹកភ្លៀង ពីថ្ងៃទី១១-១៥ កញ្ញា

ជាតិ

ខេត្តចំនួន៨ អាចមានភ្លៀងធ្លាក់ខ្លាំង និងជំនន់ទឹកភ្លៀង ពីថ្ងៃទី១១-១៥ កញ្ញា

09, Sep 2018 , 9:44 am

រូបភាព

រូបភាពពីក្រសួងធនធានទឹក និងឧតុនិយម

ដោយ: ញឹក ស្រីល័ក្ខ (Nhek Sreyleak)

ភ្នំពេញ៖ ចាប់ពីថ្ងៃទី ១១-១៥ ខែកញ្ញា នៅតាមបណ្ដាខេត្តមួយចំនួនរួមមាន ខេត្តឧត្តរមានជ័យ ព្រះវិហារ កំពង់ធំ សៀមរាប បន្ទាយមានជ័យ បាត់ដំបង ពោធិ៍សាត់ និងខេត្តកំពង់ឆ្នាំង អាចនឹងមានភ្លៀងធ្លាក់ខ្លាំងជាប់ៗគ្នា និងអាចបង្កជាជំនន់ទឹកភ្លៀង។ នេះបើតាមសេចក្ដីជូនដំណឹងរបស់ក្រសួងធនធានទឹក និងឧតុនិយម។

យោងតាមការព្យាករអាកាសធាតុនៅថ្ងៃទី ៨ ខែកញ្ញានេះ កម្ពុជា កំពុងទទួលរងឥទ្ធិពលពីប្រព័ន្ធសម្ពាធទាបដែលបានកើតឡើងនៅលើអាងទន្លេមេគង្គ។ លក្ខណៈបែបនេះ នឹងធ្វើឲ្យកម្ពុជាមានភ្លៀងបន្តធ្លាក់រាយប៉ាយពីមធ្យមទៅច្រើន ក្នុងក្របខ័ណ្ឌទូទាំងប្រទេស៕