ជាតិ
សេដ្ឋកិច្ច
កម្ពុជា រៀបចំពិព័រណ៍ផលិតផលខ្មែរ និងផលិតផលនាំចេញ-នាំចូលលើកទី១៣ នៅដើមខែធ្នូខាងមុខ
×![]()
ភ្នំពេញ៖ ពិព័រណ៍ផលិតផលខ្មែរ និងផលិតផលនាំចេញ-នាំចូលកម្ពុជា លើកទី១៣ កម្រិតអន្តរជាតិ នឹងរៀបចំឡើងនៅថ្ងៃទី៨ ដល់ថ្ងៃទី១១ខែធ្នូឆ្នាំនេះ នៅមជ្ឈមណ្ឌលកោះពេជ្រ។ នេះបើតាមសេចក្ដីជូនដំណឹងរបស់ក្រសួងពាណិជ្ជកម្ម។
ពិព័រណ៍នេះ នឹងត្រូវបានរៀបចំឡើង ដោយអមដោយព្រឹត្តិការណ៍សំខាន់ៗ ដូចជា វេទិកាស្ដីពីវិនិយោគ និងធុរកិច្ច សិក្ខាសាលាស្ដីពីការជំរុញសកម្មភាពពាណិជ្ជកម្ម និងកម្មវិធីចុះហត្ថលេខាលើកិច្ចសន្យាពាណិជ្ជកម្ម និងវិនិយោគ ជាដើម។ លើសពីនេះទៀត ក្រសួងពាណិជ្ជកម្មនឹងដាក់តាំងបង្ហាញផលិតផលស្រូវអង្ករ និងរៀបចំកម្មវិធីជំនួបពាណិជ្ជកម្មសម្រាប់អ្នកនាំចេញអង្ករកម្ពុជាផងដែរ។
ការរៀបំព្រឹត្តិការណ៍ទាំងនេះ គឺក្នុងបំណងជំរុញសកម្មភាពពាណិជ្ជកម្ម និងវិនិយោគកម្ពុជា។ នេះបើតាមសេចក្ដីជូនដំណឹងខាងលើ មុននឹងបន្ថែមថា ព្រឹត្តការណ៍នេះ ក៏នឹងផ្ដល់ឱកាស ដើម្បីជំរុញបរិយាកាសពាណិជ្ជកម្មក្នុងស្រុកឲ្យមានសន្ទុះឡើង និងដើម្បីបង្កើតការតភ្ជាប់ពាណិជ្ជកម្មក្នុងស្រុករាជធានី ខេត្ត ទូទាំងប្រទេស និងរវាងកម្ពុជា និងពាណិជ្ជករបរទេស។
ពាណិជ្ជករ អាជីវករ ដែលមានបំណងចូលរួមក្នុងពិព័រណ៍នេះ ឬមានគម្រោងស្វែងរកដៃគូវិនិយោគ អាចមកបំពេញបែបបទ និងផ្ញើគម្រោងរបស់ខ្លួនមកអគ្គនាយកដ្ឋានជំរុញពាណិជ្ជកម្ម នៃក្រសួងពាណិជ្ជកម្ម ឲ្យបានមុនថ្ងៃទី៨ខែវិច្ឆិកា ជាកំហិត៕
Tag:
ផលិតផលខ្មែរ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
