ជាតិ
សេដ្ឋកិច្ច
ប្រាក់ខែគោលកម្មករឆ្នាំ២០១៩៖ ភាគីនិយោជិតបានទម្លាក់ការស្នើរបស់ខ្លួនពី ២១១ដុល្លារ មក ១៩២ដុល្លារ
×![]()
ភ្នំពេញ៖ ប្រាក់ឈ្នួលគោលកម្មករក្នុងវិស័យកាត់ដេរសម្រាប់ឆ្នាំ២០១៩ កំពុងស្ថិតក្នុងដំណាក់កាលចរចាររបស់ក្រុមការងារបច្ចេកទេសត្រីភាគី។ ក្នុងកិច្ចប្រជុំលើកទី២នាថ្ងៃទី១៤ខែកញ្ញា ភាគីនិយោជិត ដែលធ្លាប់ស្នើចំនួន ២១១ដុល្លារនោះ បានទម្លាក់មកត្រឹម ១៩២ដុល្លារវិញ។ នេះបើតាមលោក ហេង សួរ អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ។
រីឯភាគីតំណាងនិយោជកវិញបានដាក់ស្នើតួលេខ ១៧៥ដុល្លារ ពោលគឺកើនឡើង៥ដុល្លារធៀបនឹងប្រាក់ឈ្នួលគោលឆ្នាំ២០១៨ ខណៈភាគីរដ្ឋាភិបាលនៅតែរក្សាតួលេខដែលខ្លួនបានដាក់ក្នុងកិច្ចប្រជុំលើកទី១កន្លងមក គឺ ១៧៧ដុល្លារ។ លោក ហេង សួរ បានថ្លែងប្រាប់អ្នកកាសែតនៅក្រោយកិច្ចប្រជុំខាងលើនេះយ៉ាងដូចនេះ។
លោក ហេង សួរ មានប្រសាសន៍ដូច្នេះថា«លទ្ធផលនៃកិច្ចប្រជុំលើកទី២នេះ ភាគីនិយោជក និងនិយោជិត បានប្រើប្រាស់រូបមន្តដូចគ្នា ហើយមានតួរលេខឯកភាពគ្នាមួយ គឺចំនួន៣.១១ភាគរយទៅលើស្ថានភាពអត្រាអតិផរណា។ ដោយឡែកពាក់ព័ន្ធទៅនឹងភាពប្រកួតប្រជែង អត្រាចំណេញនៃវិស័យនេះ ភាគីទាំងពីរ នៅមានប្រភពតួរលេខខុសគ្នានៅឡើយ ដោយរងចាំការចរចាគ្នានៅសប្តាហ៍ក្រោយ»។
ប្រាក់ឈ្នួលអប្បបរមារបស់កម្មករ ក្នុងវិស័យវាយនភណ្ឌ កាត់ដេរសម្លៀកបំពាក់ និងផលិតស្បែកជើងនៅកម្ពុជា ត្រូវបានដំឡើងជារៀងរាល់ឆ្នាំ។ សម្រាប់ឆ្នាំ២០១៨ ប្រាក់ឈ្នួលអប្បបរមារបស់កម្មករក្នុងវិស័យនេះ មានចំនួន ១៧០ដុល្លារ៕
Tag:
ប្រាក់ឈ្នូល
កម្មករ
© រក្សាសិទ្ធិដោយ thmeythmey.com
