មេអង្គការរដ្ឋអាមេរិកថា ការប្រើកម្លាំងទ័ពទម្លាក់មេដឹកនាំវេណេស៊ុយអេឡាគួរតែស្ថិតក្នុងជម្រើស

អន្តរជាតិ

មេអង្គការរដ្ឋអាមេរិកថា ការប្រើកម្លាំងទ័ពទម្លាក់មេដឹកនាំវេណេស៊ុយអេឡាគួរតែស្ថិតក្នុងជម្រើស

15, Sep 2018 , 3:05 pm

រូបភាព

ដោយ: សារព័ត៌មានថ្មីៗ

វិបត្តិវេណេស៊ុយអេឡានៅតែជារឿងចម្រូងចម្រាស និងជាប្រធានបទក្តៅសម្រាប់បណ្តារដ្ឋស្ថិតនៅទ្វីបអាមេរិក។ សប្តាហ៍នេះប្រមុខអង្គការរដ្ឋអាមេរិក (OAS) បានបញ្ជាក់ជាថ្មីថា ការប្រើប្រាស់កម្លាំងទ័ពអន្តរាគមន៍ទម្លាក់មេដឹកនាំផ្តាច់ការវេណេស៊ុយអេឡាគួរតែស្ថិតក្នុងចំណោមវិធានការចាំបាច់របស់អង្គការតំបន់នេះ។

អគ្គលេខាធិការអង្គការរដ្ឋអាមេរិកលោក Luis Almagro បានប្រាប់អ្នកសារព័ត៌មាននាប្រទេសកូឡុំប៊ីនៅថ្ងៃសុក្រទី ១៤ ខែកញ្ញាថា ការអន្តរាគមន៍យោធាទម្លាក់រដ្ឋាភិបាលលោក នីកូឡា ម៉ាឌុយរ៉ូ មិនត្រូវទាត់ចោលឡើយ ស្របពេលដែលប្រជាជនប្រទេសនេះបន្តរងទុក្ខវេទនាឥតល្ហែរដោយសារវិបត្តិសេដ្ឋកិច្ចនិងសង្គម។

អត្ថបទទាក់ទង

ប្រធានាធិបតីវ៉េណេស៊ុយអេឡា ទៅចិនរកជំនួយដើម្បីស្រោចស្រង់សេដ្ឋកិច្ចដែលដុនដាប

បើតាមការចុះផ្សាយរបស់ទីភ្នាក់ងារព័ត៌មាន AFP ប្រមុខអង្គការខាងលើបាននិយាយដូច្នេះថា៖« ពាក់ព័ន្ធនឹងការអន្តរាគមន៍យោធាដែលមានគោលដៅទម្លាក់របបដឹកនាំលោក ម៉ាឌុយរ៉ូ ខ្ញុំគិតថា យើងមិនគួរទាត់វាចោលពីវិធានការចាំបាច់ដើម្បីដោះស្រាយបញ្ហាឡើយ»។

លោក Almagro បានពន្យល់បន្ថែមថា ស្ថានការណ៍ដែលកើតឡើងនៅវេណេស៊ុយអេឡាជារឿងពិបាកទទួលយក ហើយលោកចោទប្រកាន់ថា របបដឹកនាំក្រុងការ៉ាកាសកំពុងប្រព្រឹត្តបទឧក្រិដ្ឋប្រឆាំងមនុស្សជាតិផង។

«ការរងទុក្ខវេទនារបស់ប្រជាជនវេណេស៊ុយអេឡារួមទាំងការភៀសខ្លួនរបស់ប្រជាជនទៅបរទេសជំរុញឲ្យមានការប្រើប្រាស់វិធានការការទូតជាចម្បង ប៉ុន្តែយើងមិនគួរណាបដិសេធចោទការប្រើប្រាស់យន្តការនៃការប្រើប្រាស់កម្លាំងទ័ពឡើយ»។ នេះជាការបញ្ជាក់បន្ថែមរបស់លោក Almagro។

សូមបញ្ជាក់ថា វ៉េណេស៊ុយអេឡា ដែលជាធ្លាប់មានបានដោយសារធនធានប្រេង បានផុងខ្លួនក្នុងវិបត្តិយ៉ាងជ្រៅក្រោមការដឹកនាំរបស់លោក ម៉ាឌុយរ៉ូ ។ ជម្លោះផ្នែកនយោបាយ និងសេដ្ឋកិច្ច បានបង្ខំឲ្យប្រជាជនមិនតិចជាង ២,៣លាននាក់ទេភៀសខ្លួនទៅកាន់ប្រទេសជិតខាង។ កូឡុំប៊ីទទួលជនភៀសខ្លួនច្រើនជាងមួយលាននាក់ឯណោះ។

ក្នុងការដោះស្រាយបញ្ហា រដ្ឋាភិបាលក្រុងការ៉ាកាស់ បានសម្រេចទម្លាក់តម្លៃរូបិយវត្ថុក្នុងស្រុកដើម្បីទប់ស្កាត់កំណើនអតិផរណា។ ប៉ុន្តែមូលនិធិរូបិយវត្ថុអន្តរជាតិ IMF ព្យាករថា អតិផរណានៅវ៉េណេស៊ុយអេឡានឹងកើនដល់១លានភាគរយនៅចុងឆ្នាំនេះ៕