កីឡាអន្តរជាតិ
អន្តរជាតិ
Ronaldo រកបានគ្រាប់បាល់បញ្ចូលទីលើកដំបូងនៅ Serie A
× Cristiano Ronaldo ខ្សែប្រយុទ្ធ Juventus រកបានគ្រាប់បាល់បញ្ចូលទី២គ្រាប់នាជំនួបក្របខណ្ឌ Serie A ជាមួយ Sassuolo និងជាគ្រាប់បញ្ចូលទីលើកដំបូងផងដែរសម្រាប់កីឡាករអន្តរជាតិព័រទុយហ្គាល់រូបនេះ ក្នុងក្របខណ្ឌកំពូលអ៊ីតាលី។
Cristiano Ronaldo អាចរកគ្រាប់បាល់ដំបូងជាមួយនឹងការស៊ុតបាល់បញ្ចូលទី២គ្រាប់តែម្នាក់ឯងសម្រាប់ការបង្ហាញខ្លួនឲ្យ Juventus ៤ប្រកួតចុងក្រោយដោយយកឈ្នះក្រុម Sassuolo ២-១ ក្នុងជំនួបក្របខណ្ឌ Serie A នៅយប់ថ្ងៃទី១៦ ខែកញ្ញា។ នេះជាការចាប់ផ្តើមរដូវកាលដ៏ល្អឥតខ្ចោះរបស់ក្រុមម្ចាស់ជើងឯកលីគកំពូលអ៊ីតាលីដោយឈ្នះទាំង៤ប្រកួតជាប់គ្នា។
៣ប្រកួតដំបូងសម្រាប់ក្រុមរហស្សនាមសេះបង្កង់ ខ្សែប្រយុទ្ធ ព័រទុយហ្គាល់ វ័យ៣៣ឆ្នាំរូបនេះមិនអាចរកគ្រាប់បាល់ស៊ុតបញ្ចូលទីនោះទេ ពោលគឺតាំងពីចាកចេញពីក្លិបយក្សអេស្ប៉ាញ Real Madrid នៅរដូវកាលថ្មីនេះ។
ប៉ុន្តែការបង្ហាញខ្លួននៅប្រកួតទី៤ Ronaldo អាចរកបាន២គ្រាប់តែឯងដោយគ្រាប់ទី១ធ្វើបាននៅនាទី ៥០ និងនាទី៦៥ ជួយ Juventus ស្ថិតនៅកំពូលតារាងជាមួយនឹងរក្សាជ័យជម្នះ៤លើកជាប់គ្នាមាន១២ពិន្ទុតាមពីក្រោយដោយ Napoli មាន៩ពិន្ទុ៕
© រក្សាសិទ្ធិដោយ thmeythmey.com