លោក ប្រាក់ សុខុន ទៅបំពេញទស្សនកិច្ចនៅជប៉ុន២ថ្ងៃ

ជាតិ

លោក ប្រាក់ សុខុន ទៅបំពេញទស្សនកិច្ចនៅជប៉ុន២ថ្ងៃ

18, Sep 2018 , 9:18 am

រូបភាព

ដោយ: ថ្មីៗ

ភ្នំពេញ៖ រដ្ឋមន្ត្រីក្រសួងការបរទេស និងសហប្រតិបត្តិការអន្តជាតិ លោក ប្រាក់ សុខុន ចេញទៅបំពេញទស្សនកិច្ចនៅជប៉ុន ចាប់ពីថ្ងៃទី១៨ដល់១៩ កញ្ញា ដើម្បីពិភាក្សារឿងមួយចំនួនរវាងភាគីទាំងពីរ។

ក្នុងដំណើទស្សនកិច្ចនេះ លោក ប្រាក់ សុខុន នឹងជួបជាមួយលោក តារ៉ូ កាណូ រដ្ឋមន្ត្រីការបរទេសជប៉ុន នឹងពិភាក្សាផ្ដល់ប្ដូរយោបល់គ្នាទៅវិញទៅមក ក្នុងទិសដៅពង្រឹងកិច្ចសហប្រតិបត្តិការរវាងប្រទេសទាំងពីរ។

ក្រៅពីជួបរដ្ឋមន្ត្រីការបរទេសជប៉ុន លោក ប្រាក់ សុខុន ក៏នឹងជួបពិភាក្សាជាមួយលោក ម៉ាសាហ៊ីរ៉ូ អ៊ីម៉ាមូរ៉ា ប្រធានសមាគមមិត្តភាពសភាកម្ពុជា-ជប៉ុន និងលោក ម៉ាសាហ៊ីកូ កូមូរ៉ា អនុប្រធានបក្សប្រជាធិបតេយ្យសេរីជាដើម។

ជប៉ុន គឺជាដៃគូអភិវឌ្ឍសំខាន់មួយ ក្នុងការស្ដារនិងអភិវឌ្ឍកម្ពុជាក្រោយឆ្នាំ១៩៩៣មក។ កម្ពុជា និងជប៉ុន បានបង្កើតភាពជាដៃគូយុទ្ធសាស្ត្រនៅឆ្នាំ២០១៣៕