ជាតិ
នយោបាយជាតិ
សម្តេច ហ៊ុន សែន ដំឡើងឧត្តមសេនីយ៍បីរូប ទៅជាអគ្គស្នងការរងនគរបាលជាតិ
× សម្តេច ហ៊ុន សែន ប្រមុខរដ្ឋាភិបាលកម្ពុជា បានចេញអនុក្រឹត្យផ្ទេរតំណែងឧត្តមសេនីយ៍បីរូប ពីថ្នាក់ប្រធាននាយកដ្ឋាន និងពីថ្នាក់ប្រធានសេនាធិការ ឲ្យទៅជាអគ្គស្នងការរងនគរបាលជាតិ។
បើតាមអនុក្រឹត្យ ដែលចុះនៅថ្ងៃទី១៧ ខែកញ្ញា ឆ្នាំ២០១៨ ឧត្តមសេនីយ៍ទាំងបីរូប ដែលត្រូវបានផ្ទេរតំណែងនិងដំឡើងទៅជាអគ្គស្នងការរងនគរបាលជាតិ គឺឧត្តមសេនីយ៍ឯក អ៊ិន បូរ៉ា ប្រធាននាយកដ្ឋានកណ្ដាលនគរបាលយុត្តិធម៌ ឧត្តមសេនីយ៍ឯក ឆាយ គឹមខឿន ប្រធានសេនាធិការ និង ឧត្តមសេនីយ៍ឯក តេន សួន ប្រធាននាយកដ្ឋាននគរបាលការពារព្រំដែនទឹក។
បន្ថែមអគ្គស្នងការរងបីរូបនេះទៀត អគ្គស្នងការនគរបាលជាតិ មានអគ្គស្នងការរងដល់ទៅ២០រូបហើយ។ បច្ចុប្បន្ន លោក នេត សាវឿន ជាអគ្គស្នងការនគរបាលជាតិ៕
Tag:
ហ៊ុន សែន
នគរបាលជាតិ
© រក្សាសិទ្ធិដោយ thmeythmey.com