ជាតិ
លោក កែវ អូម៉ាលីស្ស កាន់តំណែងជាប្រធានរដ្ឋបាលព្រៃឈើ លោក ងិន ឆាយ ឡើងជាអគ្គនាយកកសិកម្ម លោកកែវ អូម៉ាលីស្ស និងលោក ងិន ឆាយ ទទួលលិខិតតែងតាំងពីរដ្ឋមន្ត្រី
× ភ្នំពេញ៖ លោកកែវ អូម៉ាលីស្ស ឡើងកាន់តំណែងជាប្រធានរដ្ឋបាលព្រៃឈើ រីឯលោក ងិន ឆាយ កាន់តំណែងជាអគ្គនាយកកសិកម្ម ក្នុងពិធីផ្លូវការមួយដែលរៀបចំនៅក្រសួងកសិកម្មរុក្ខា ប្រមាញ់ និងនេសាទ ក្រោមវត្តមានលោករដ្ឋមន្ត្រី វេង សាខុន នាព្រឹកថ្ងៃទី២០ ខែកញ្ញា។
លោក កែវ អូម៉ាលីស្ស ត្រូវបានតែងតាំងជាប្រតិភូរដ្ឋាភិបាល ទទួលបន្ទុកជាប្រធានរដ្ឋបាលព្រៃឈើ មានឋានៈស្មើ អនុរដ្ឋលេខាធិការ ជំនួសលោក អ៊ុង សំអាត ដែលបានទទួលភារកិច្ចថ្មី។ នេះបើតាមព្រះរាជក្រឹត្យចុះនៅថ្ងៃទី១៨ ខែកញ្ញា ឆ្នាំ២០១៨ ។
ជាមួយគ្នានេះ សម្តេច សាយ ឈុំ ប្រមុខរដ្ឋស្តីទី ក៏បានតែងតាំង លោក ងិន ឆាយ ជាប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយក នៃអគ្គនាយកដ្ឋានកសិកម្ម មានឋានៈស្មើ អនុរដ្ឋលេខាធិការ ជំនួសលោក ហ៊ាន វណ្ណហន ដែលបានទទួលភារកិច្ចថ្មី៕
Tag:
ងិន ឆាយ
កែវ អូម៉ាលីស្ស
កសិកម្ម
រដ្ឋបាលព្រៃឈើ
© រក្សាសិទ្ធិដោយ thmeythmey.com