ជាតិ
បទយកការណ៍ / បទសម្ភាសន៍
បុណ្យភ្ជុំបិណ្ឌ
លោក សុធន ៖ ទោះមិនបានទៅស្រុកកំណើត ប៉ុន្តែសប្បាយចិត្តនឹងដឹកជញ្ជូនពលរដ្ឋឥតគិតថ្លៃ
× បន្ទាយមានជ័យ៖ លោក ប្រាក់ សុធន ជាតៃកុងឡានក្រុងសាធារណៈម្នាក់ ក្នុងចំណោមតៃកុងឡានផ្សេងទៀត ដែលដឹកអ្នកដំណើរពីភ្នំពេញទៅបន្ទាយមានជ័យ។ ក្នុងពិធីបុណ្យភ្ជុំបិណ្ឌឆ្នាំនេះ លោក សុធន មិនបានធ្វើដំណើរទៅស្រុកកំណើតនោះទេ ព្រោះលោកជាប់ភារកិច្ចត្រូវដឹកជញ្ជូនប្រជាពលរដ្ឋទៅស្រុកកំណើត។ តៃកុងឡានវ័យ ៥១ឆ្នាំរូបនេះ និយាយថា៖ ទោះបីមិនបានទៅស្រុកកំណើត ប៉ុន្តែខ្ញុំពេញចិត្តនឹងដឹកប្រជាពលរដ្ឋដោយស្មោះអស់ពីចិត្ត។
តៃកុងឡានក្រុងសាធារណៈ លោក ប្រាក់ សុធន មានស្រុកកំណើតនៅខេត្តតាកែវ។ ក្នុងអំឡុងថ្ងៃភ្ជុំបិណ្ឌនេះ លោក សុធន បានចំណាយពេលវេលាដោយមិនទៅស្រុកជុំគ្រួសារ ដើម្បីមកដឹកជញ្ជូនប្រជាពលរដ្ឋពីភ្នំពេញ ទៅបន្ទាយមានជ័យ និងពីបន្ទាយមានជ័យ មកភ្នំពេញវិញ។
សូមអញ្ជើញស្ដាប់កិច្ចសម្ភាសន៍រវាងកញ្ញា ញឹក ស្រីល័ក្ខ អ្នកសារព័ត៌មានថ្មីៗ ជាមួយលោក ប្រាក់ សុធន តៃកុងឡានក្រុងសាធារណៈដូចតទៅ៖
សូមបញ្ជាក់ថា ចាប់ពី ថ្ងៃទី ៦ ដល់ ថ្ងៃទី ១១ តុលា សាលារាជធានីភ្នំពេញ បានត្រៀមរថយន្តក្រុងចំនួន ២១៥ គ្រឿង សម្រាប់ដឹកអ្នកដំណើរដោយឥតគិតថ្លៃក្នុងឱកាសបុណ្យភ្ជុំបិណ្ឌ ។ ក្នុងចំណោមរថយន្តទាំង ២១៥ គ្រឿងខាងលើមាន ១២០ គ្រឿង សម្រាប់ដឹកអ្នកដំណើរពីភ្នំពេញទៅខេត្ត និងពីខេត្តមកភ្នំពេញវិញ។ ដោយឡែក រថយន្តចំនួន ៩៥ គ្រឿងទៀតសម្រាប់ដឹកអ្នកធ្វើដំណើរនៅរាជធានីភ្នំពេញ៕
Tag:
ប្រាក់ សុធន
រថយន្តសាធារណៈ
© រក្សាសិទ្ធិដោយ thmeythmey.com