ជនជាតិចិនជាង៤០០នាក់ ត្រូវបានកម្ពុជាបញ្ជូនទៅវិញ ក្នុងរយៈពេល៩ខែ

ជាតិ

ជនជាតិចិនជាង៤០០នាក់ ត្រូវបានកម្ពុជាបញ្ជូនទៅវិញ ក្នុងរយៈពេល៩ខែ

15, Oct 2018 , 9:59 pm

រូបភាព

រូបពីហ្វេសប៊ុកលោក អ៊ុក ហៃសិលា

ដោយ:

ភ្នំពេញ៖ ជនជាតិចិនប្រុសស្រីចំនួន៩១នាក់ ត្រូវបានកម្ពុជាបញ្ជូនទៅកាន់ប្រទេសចិនវិញនៅព្រឹកថ្ងៃទី១៥ ខែតុលានេះ។ ការចាប់បញ្ជូនត្រឡប់ទៅវិញនេះ តបតាមការស្នើសុំរបស់អាជ្ញាធរចិន ដែលបានកំណត់ថាជនជាតិទាំងនោះជា ឧក្រិដ្ឋជនអីុនធឺណិត។

បើតាមការបញ្ជាក់ពីលោក អ៊ុក ហៃសិលា ប្រធានផ្នែកស៊ើបអង្កេតនិងអនុវត្តនីតិវិធី អគ្គនាយកដ្ឋានអន្តោប្រវេសន៍ គិតត្រឹមខែតុលានេះ កម្ពុជាបានបញ្ជូនជនជាតិចិនទៅវិញបានប្រមាណ ៤០០នាក់ ក្នុងចំណោមជនអន្តោប្រវេសន៍ខុសច្បាប់ជាង៩០០នាក់ ដែលមាន៥០សញ្ជាតិ។ ប្រធានផ្នែកស៊ើបអង្កេតនិងអនុវត្តនីតិវិធី អគ្គនាយកដ្ឋានអន្តោប្រវេសន៍បានបន្តថា ជនជាតិចិនទាំងនោះត្រូវបានរកឃើញថា ជាឧក្រិដ្ឋជនអ៊ីនធឺណិត និងប្រើប្រាស់ឯកសារខុសច្បាប់។

ក្នុងចំណោមជនអន្តោប្រវេសជាង៩០០នាក់ ដែលនាយកដ្ឋានអន្តោប្រវេសន៍បានបញ្ជូនទៅប្រទេសខ្លួនវិញនោះ មានច្រើនជាងគេគឺជនជាតិចិន និងបន្ទាប់មកគឺជនជាតិវៀតណាម។ បើតាមការអះអាងពីលោក អ៊ុក ហៃសិលា ជនជាតិវៀតណាមដែលបញ្ជូនទៅវិញនោះ ភាគច្រើនគឺឆ្លងព្រំដែនដោយខុសច្បាប់៕