ជាតិ
ត្រីបង់ឡាវ រកចំណីនៅទឹកប្រៃតាមឆ្នេរសមុទ្រ មកពង-កូនក្នុងទឹកសាបក្នុងទន្លេមេគង្គ
ត្រីបង់ឡាវ «ត្រីប្រាស្អាត» ។ រូបភាពៈ https://ffish.asia/Dinh D. Tran
×![]()
ត្រីបង់ឡាវ «ត្រីប្រាស្អាត» ជាប្រភេទត្រីរស់នៅក្នុងទឹកសាបផង ទឹកប្រៃផង ដោយវារកចំណីនៅតំបន់ឆ្នេរដីសណ្តទន្លេមេគង្គក្នុងប្រទេសវៀតណាម។ វាធ្វើចរាចរផ្លាស់ទីចូលទៅបណ្តាញទឹកសាបសំខាន់ៗ ដូចជាទន្លេមេគង្គជាដើម ដើម្បីពង-កូន។ វាមានឈ្មោះវិទ្យាសាស្ត្រ (Pangasius krempfi)។ ប៉ុន្តែ គេមិនដឹងថា វាពង-កូននៅទីណាជាក់លាក់់ទេ តែត្រូវបានគេសន្មតថា វាពង-កូននៅក្នុងទន្លេមេគង្គខាងលើ។ ត្រីបុងឡាវ មានប្រវែងដងខ្លួនអតិបរមា ១២០ ស.ម និងទម្ងន់ ១៤គ.ក។
ត្រីបង់ឡាវស្ថិតក្នុងអម្បូរត្រីប្រា pangasiid តែមួយគត់ ដែលចំណាយពេលភាគច្រើននៃជីវិត រស់នៅក្នុងទឹកប្រៃ ប៉ុន្តែ វាធ្វើចរាចរផ្លាស់ទីមកពង-កូននៅក្នុងទឹកសាប និងទន្លេមេគង្គ។ ត្រីប្រភេទនេះ ត្រូវបានគេសន្មតថា យ៉ាងហោចណាស់ ក៏មានពីរដំណាក់កាលនៃការធ្វើចរាចរផ្លាស់ទីដែរ។
ដំណាក់កាលទីមួយ គឺការធ្វើចរាចរផ្លាស់ទីចាប់ពីខែឧសភា ដល់ ខែកញ្ញា ដោយចេញពីភាគខាងត្បូងនៃល្បាក់ខោន ឆ្ពោះទៅខ្សែទឹកខាងលើ តាមបណ្តោយដងទន្លេមេគង្គ ឆៀងខុង ជិតព្រំដែន ឡាវ-ថៃ-មីយ៉ាន់ម៉ា ដើម្បីពង-កូន។ ទីពីរ គឺការធ្វើចរាចរផ្លាស់ទីចុះទៅខ្សែទឹកខាងក្រោម ចាប់ពីខេត្តស្ទឹងត្រែង រហូតដល់ខេត្តកំពង់ចាម ក្នុងរដូវពង-កូនក្នុងចន្លោះខែ ឧសភា ដល់ខែសីហា តែមិនត្រូវបានគេដឹងថា វាពង-កូននៅកន្លែងណាទេ។
ត្រីបុងឡាវ ត្រូវបានគេកត់ត្រាចូលក្នុងបញ្ជីក្រហម IUCN Red List (Vulnerable) ក្នុងឆ្នាំ ២០១១ ជាប្រភេទត្រីកំពុងរងគ្រោះ ដែលនឹងអាចឈានទៅផុតពូជ។ កត្តាគំរាមកំហែងដ៏សំខាន់នាពេលបច្ចុប្បន្នចំពោះត្រីប្រភេទនេះ គឺការនេសាទហួសកម្រិតក្នុងពេលនៃការធ្វើចរាចរផ្លាស់ទីរបស់វាក្នុងសមុទ្រ។ ក្រៅពីនេះ ត្រីបុងឡាវ ងាយប្រឈមនឹងទំនប់វារិអគ្គិសនីនៅតាមបណ្តោយទន្លេមេគង្គ ដែលជាផ្លូវធ្វើចរាចរផ្លាស់ទីដើម្បីពង-កូនរបស់វាណាស់។
ដំណាក់កាលទីមួយ គឺការធ្វើចរាចរផ្លាស់ទីចាប់ពីខែឧសភា ដល់ ខែកញ្ញា ដោយចេញពីភាគខាងត្បូងនៃល្បាក់ខោន ឆ្ពោះទៅខ្សែទឹកខាងលើ តាមបណ្តោយដងទន្លេមេគង្គ ឆៀងខុង ជិតព្រំដែន ឡាវ-ថៃ-មីយ៉ាន់ម៉ា ដើម្បីពង-កូន។ ទីពីរ គឺការធ្វើចរាចរផ្លាស់ទីចុះទៅខ្សែទឹកខាងក្រោម ចាប់ពីខេត្តស្ទឹងត្រែង រហូតដល់ខេត្តកំពង់ចាម ក្នុងរដូវពង-កូនក្នុងចន្លោះខែ ឧសភា ដល់ខែសីហា តែមិនត្រូវបានគេដឹងថា វាពង-កូននៅកន្លែងណាទេ។
ត្រីបុងឡាវ ត្រូវបានគេកត់ត្រាចូលក្នុងបញ្ជីក្រហម IUCN Red List (Vulnerable) ក្នុងឆ្នាំ ២០១១ ជាប្រភេទត្រីកំពុងរងគ្រោះ ដែលនឹងអាចឈានទៅផុតពូជ។ កត្តាគំរាមកំហែងដ៏សំខាន់នាពេលបច្ចុប្បន្នចំពោះត្រីប្រភេទនេះ គឺការនេសាទហួសកម្រិតក្នុងពេលនៃការធ្វើចរាចរផ្លាស់ទីរបស់វាក្នុងសមុទ្រ។ ក្រៅពីនេះ ត្រីបុងឡាវ ងាយប្រឈមនឹងទំនប់វារិអគ្គិសនីនៅតាមបណ្តោយទន្លេមេគង្គ ដែលជាផ្លូវធ្វើចរាចរផ្លាស់ទីដើម្បីពង-កូនរបស់វាណាស់។
© រក្សាសិទ្ធិដោយ thmeythmey.com
