កីឡាករប្រកបអាជីពនៅថៃ ជួយម៉ាដាហ្គាស្កាបានកៅអីប្រជែងពានអាហ្វ្រិកលើកដំបូង

កីឡាអន្តរជាតិ

អន្តរជាតិ

កីឡាករប្រកបអាជីពនៅថៃ ជួយម៉ាដាហ្គាស្កាបានកៅអីប្រជែងពានអាហ្វ្រិកលើកដំបូង

17, Oct 2018 , 5:23 pm

រូបភាព

ដោយ: ទេព ពិទូរ្យ

ក្រុមកីឡាបាល់ទាត់ជម្រើសជាតិម៉ាដាហ្គាស្កាមានលក្ខណៈសម្បត្តិគ្រប់គ្រាន់សម្រាប់ការប្រកួតវគ្គផ្តាច់ព្រ័ត្រពានរង្វាន់ប្រចាំទ្វីបអាហ្វ្រិក African Cup of Nations ជាលើកដំបូងតាមរយៈការយកឈ្នះហ្គីណេអេក្វាទ័រ ១-០ នៃវគ្គជម្រុះតាមពូល ក្នុងក្រុង Vontovorona ថ្ងៃទី១៦ ខែតុលា។

ខ្សែបម្រើ Njiva Rakotoharimalala ដែលកំពុងលេងឲ្យក្លិប Sukhothai FC មានមូលដ្ឋាននៅលីកកំពូលថៃបានស៊ុតបាល់បញ្ចូលទី១គ្រាប់ជួយម៉ាដាហ្គាស្កាមានពិន្ទុនាំមុខដាច់ក្នុងវគ្គជម្រុះពូល A ដែលមាន សេណេហ្គាល់ ស៊ូដង់ និង ហ្គីណេអេក្វាទ័រ។

ម៉ាដាហ្គាស្ការួមជាមួយសេណេហ្គាល់ដែលមាន១០ពិន្ទុដូចគ្នា ក្រោយឆ្លងកាត់ការប្រកួត៤លើកអាចបន្តទៅវគ្គផ្តាច់ព្រ័ត្រដោយស្វ័ប្រវត្តិ ដ្បិតនាំមុខពិន្ទុក្រុមលេខ៣ ហ្គីណេអេក្វាទ័ររហូត៧ពិន្ទុ ខណៈការប្រកួតសល់តែ២លើកទៀតប៉ុណ្ណោះ។