ជាតិ
សេដ្ឋកិច្ច
រដ្ឋប្រមូលចំណូលពន្ធចំនួន ១៦៩១ លានដុល្លារក្នុងរយៈពេល៩ខែដើមឆ្នាំនេះ រូបពីអគ្គនាយកពន្ធដារ
× ភ្នំពេញ៖ ក្នុងរយៈពេល៩ខែឆ្នាំ២០១៨នេះ រដ្ឋាភិបាលបានកៀងគរចំណូលពន្ធអាករសរុបចំនួន ១៦៩១លានដុល្លារ កើនឡើង១៧,៥ភាគរយបើធៀបនឹងរយៈពេលដូចគ្នានៅឆ្នាំ២០១៧។ នេះបើតាមសេចក្ដីប្រកាសព័ត៌មានរបស់អគ្គនាយកដ្ឋានពន្ធដារ នៅទី១៨ខែតុលា។
ទំហំប្រាក់ពន្ធ ១៦៩១លានដុល្លារនេះ គឺស្មើនឹងជិត ៨៨ភាគរយនៃផែនការប្រមូលពន្ធអាករប្រចាំឆ្នាំនេះ។ ចំពោះខែកញ្ញានេះ រដ្ឋាភិបាលរកចំណូលពន្ធបានចំនួន ១៨៨ លានដុល្លារកើនឡើង ៤២ភាគរយ។
កាលពីឆ្នាំ២០១៧កន្លងទៅ ការប្រមូលចំណូលពន្ធអាករសម្រេចបាន ១៩៣៨លានដុល្លារអាមេរិក កើនឡើង ៣០ភាគរយ ធៀបនឹងឆ្នាំ២០១៦៕
© រក្សាសិទ្ធិដោយ thmeythmey.com