អន្តរជាតិ
ការវាយប្រហារក្នុងមហាវិទ្យាល័យបច្ចេកវិទ្យាមួយក្នុងតំបន់ Crimea បានបណ្តាលឱ្យមនុស្ស ១៩នាក់ស្លាប់
រូបភាព៖ AFP
×![]()
ដោយ: VOA
ក្រុមអ្នកស៊ើបអង្កេត និងនាយកមហាវិទ្យាល័យបាននិយាយថា នៅក្រោយមានការផ្ទុះមួយ ជនប្រដាប់អាវុធម្នាក់បានចូលទៅក្នុងអាគារមហាវិទ្យាល័យនេះដោយបាញ់ទៅលើក្រុមមនុស្សដែលគាត់បានឃើញនៅក្នុងមហាវិទ្យាល័យពហុបច្ចេកវិទ្យា Kerch។
និស្សិតម្នាក់អាយុ១៨ឆ្នាំបានបាញ់សម្លាប់មនុស្ស១៩នាក់ និងបានធ្វើឱ្យរបួសមនុស្សជាង ៥០នាក់ទៀតនៅក្នុងមហាវិទ្យាល័យបច្ចេកវិទ្យាមួយក្នុងតំបន់គ្រីម៉េ (Crimea)។
ប៉ូលិសបាននិយាយថា អ្នកបាញ់កាំភ្លើងនេះឈ្មោះ Vladislav Roslyakov ជានិស្សិតឆ្នាំទី៤នៃមហាវិទ្យាល័យនេះក្នុងក្រុង Kerch នៅជាប់ឆ្នេរសមុទ្រខ្មៅ។ គេបានឃើញយុវជននេះស្លាប់នៅនឹងកន្លែងកើតហេតុដោយធ្វើអត្តឃាត។
ក្រុមអ្នកស៊ើបអង្កេត និងនាយកមហាវិទ្យាល័យបាននិយាយថា នៅក្រោយមានការផ្ទុះមួយ ជនប្រដាប់អាវុធម្នាក់បានចូលទៅក្នុងអាគារមហាវិទ្យាល័យនេះដោយបាញ់ទៅលើក្រុមមនុស្សដែលគាត់បានឃើញនៅក្នុងមហាវិទ្យាល័យពហុបច្ចេកវិទ្យា Kerch។
លោក Sergei Aksyonov មេដឹកនាំតំបន់គ្រីម៉េបាននិយាយថា «និស្សិតរូបនេះបានដើរបាញ់ទៅលើពួកនិស្សិត និងសាស្ត្រាចារ្យដោយគ្មានមេត្តា»។ តំបន់គ្រីម៉េជា ឧបទ្វីបមួយនៃប្រទេសអ៊ុយក្រែនដែលប្រទេសរុស្សីបានចូលកាន់កាប់កាលពីឆ្នាំ២០១៤ ដែលបាននាំឱ្យមានការដាក់ទណ្ឌកម្មពីបស្ចិមប្រទេសប្រឆាំងនឹងរដ្ឋាភិបាលក្រុងម៉ូស្គូ។
លោក Dmitry Peskov អ្នកនាំពាក្យប្រធានាធិបតីរុស្សីបាននិយាយថាលោក Vladimir Putin បានបញ្ជាឱ្យមានការស៊ើបអង្កេតល្អិតល្អន់ ហើយលោកបានសម្តែងការរំលែកមរណទុក្ខដល់គ្រួសារជនរងគ្រោះផងដែរ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
