កម្មការិនីរោងចក្រចំនួន២នាក់ មានសំណាងបានឈ្នះរង្វាន់ធំ ពីភេសជ្ជៈខារ៉ាបាវ នូវចំនួនទឹកប្រាក់ ៧០លានរៀល បន្ទាប់ពីចូលលុយគ្នា ទិញទទួលទានកាលពីដើមសប្ដាហ៍កន្លងទៅនេះ ។
សម្រាបអ្នកដែលមានសំណាងទី1 មានឈ្មោះ អូន សំអន អាយុ២២ឆ្នាំ ហើយអ្នកទី២ មានឈ្មោះ ជា ចាន់ភា អាយុ២២ឆ្នាំ និងមានស្រុកកំណើតនៅខេត្តកំពង់ធំដូចគ្នា។ បច្ចុប្បន្នកម្មការិនីទាំង២រូប កំពុងបម្រើការងាររោងចក្រ និងស្នាក់នៅបន្ទប់ជួល ក្នុងភូមិត្រពាំងពោធិ៍ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
ថ្លែងប្រាប់ក្រុមការងារ និងអ្នកសារព័ត៌មាន ដែលចុះប្រគល់រង្វាន់ដល់បន្ទប់ស្នាក់នៅ កញ្ញា ជា ចាន់ភា បានរៀបរាប់ឱ្យដឹងថា ដោយសារតែគ្រួសារមានជីវភាពខ្វះខាតដូចគ្នា អ្នកទាំងពីរបានចេញពីភូមិស្រុក មកធ្វើការងារជាកម្មការិនីរោងចក្រ ហើយឆ្លៀតរៀនជំនាញជាងអ៊ុតសក់ជាមួយគ្នា។
ដោយឡែកកាលពីសប្ដាហ៍កន្លងទៅនេះ បន្ទាប់ពីសម្រាកពីការងារ អ្នកទាំងពីរបានចូលលុយគ្នា ទិញភេសជ្ជៈប៉ូវកម្លាំង ខារ៉ាបាវមួយកំប៉ុងទទួលទាន ក៏ស្រាប់តែឃើញមានរង្វាន់៧០លានរៀល នៅនឹងក្រវិលកំប៉ុងតែម្ដង។« ភ្លាមពួកខ្ញុំពិតជារីករាយ និងរំភើបខ្លាំងណាស់ ព្រោះធ្លាប់តែឃើញគេឡើងទទួលរង្វាន់នៅលើកញ្ចក់ទូរទស្សន៍ ប៉ុន្តែពេលនេះរង្វាន់ធំរបស់ភេសជ្ជៈប៉ូវកម្លាំង ខារ៉ាបាវ បានធ្លាក់មកលើខ្លួនដូចគេដែរ»។ នេះជាការបញ្ជាក់ថា កញ្ញា ជា ចាន់ភា ដែលបានបញ្ជាក់ថា បន្ទាប់ពីទទួលបានលុយរង្វាន់យ៉ាងសន្ធឹកសន្ធាប់នេះ កញ្ញានឹងយកទៅផ្គត់ផ្គង់ជីវភាពគ្រួសារ នៅឯស្រុកកំណើត និងបង្កើតហាងអ៊ុតសក់ សម្រាប់ជាមុខរបរទៅថ្ងៃអនាគត។
កញ្ញា ជា ចាន់ភា ក៏បានថ្លែងអំណរគុណចំពោះក្រុមហ៊ុនភេសជ្ជៈ ខារ៉ាបាវ ដែលបានបង្កើតកម្មវិធីផ្តល់រង្វាន់យ៉ាងសន្ធឹកសន្ធាប់ ហើយក៏សូមអំពាវនាវដល់មហាជនទូទៅ ឲ្យគាំទ្រភេសជ្ជៈប៉ូវកម្លាំង ខារ៉ាបាវ ទាំងអស់គ្នា ដើម្បីមានឱកាសទទួលសំណាងដូចជាកញ្ញាផងដែរ។
សូមបញ្ជាក់ផងដែរថា ក្រុមហ៊ុន ភេសជ្ជៈប៉ូវកម្លាំង ខារ៉ាបាវ បានបន្ថែមរង្វាន់យ៉ាងសន្ធឹកសន្ធាប់ នូវចំនួនទឹកប្រាក់រហូតដល់ ៧០លានរៀល ចំនួន50រង្វាន់ ម៉ូតូ HONDA Dream 125 ចំនួន៥០ រង្វាន់,ទូរស័ព្ទដៃ iPhone ចំនួន៥០រង្វាន់ រួមជាមួយការផ្តល់ជូនរង្វាន់1កំប៉ុង រាប់លានកំប៉ុង និងគ្មានការកំណត់កាលបរិច្ឆេទនោះទេ ។
អ្នកទទួលទានអាចមានសំណាងបានឈ្នះរង្វាន់ធំ៧០លានរៀល , អ្នកលក់ឱ្យគេត្រូវរង្វាន់ធំនឹងមានសំណាងបានទទួលរង្វាន់៧លានរៀល។ ដោយឡែកសម្រាប់អ្នកតាំងលក់ស្អាតជាងគេ នៅពេលក្រុមការងារចុះទៅឃើញ នឹងទទួលបានប្រាក់រង្វាន់ចំនួន៧០ម៉ឺនរៀល។ សូមចំណាំ ៖ សម្រាប់រង្វាន់ពិតប្រាកដ គឺមានតែនៅសម្បកកំប៉ុង ដែលមានអក្សរខ្មែរជាសញ្ញាសម្គាល់តែប៉ុណ្ណោះ៕
(អត្ថបទពាណិជ្ជកម្ម)