អត្ថបទពាណិជ្ជកម្ម
ក្រុមហ៊ុន ប៊្លូ មេឌា ទទួលបានពានរង្វាន់កម្មវិធីឧត្តមភាពឆ្នាំ២០១៨
× ភ្នំពេញ៖ ក្រុមហ៊ុនប្ល៊ូ មេឌា ហ្វីម(ខេមបូឌា) ដែលជាក្រុមហ៊ុនផ្តល់សេវាកម្មផ្នែកផលិតប្រព័ន្ធផ្សព្វផ្សាយ ថ្មីៗនេះបានទទួលពានរង្វាន់ឧត្តមភាព ជាក្រុមហ៊ុនឈានមុខផ្នែកអនុលោមភាពទៅតាមច្បាប់(Legal Compliance Awards) ក្នុងចំណោមក្រុមហ៊ុនឈានមុខទាំង១៥ ដែលត្រូវទទួលពានរង្វាន់ឧត្តមភាព បន្ទាប់ពីការវាយតម្លៃ និងដាក់ពិន្ទុយ៉ាងសុក្រិតរួចមកពីគណៈកម្មការមូលបត្រកម្ពុជា ដែលប្រព្រឹត្តទៅនៅល្ងាចថ្ងៃទី១៨ ខែតុលា ឆ្នាំ២០១៨ នៅភោជនីយដ្ឋានទន្លេបាសាក់២។
កម្មវិធីឧត្តមភាពនេះ ត្រូវបានវិនិច្ឆ័យដោយផ្តោតលើចំនុចសំខាន់៤គឺ ១.សក្តានុពលសាជីវកម្ម ២.អភិបាលកិច្ចសាជីវកម្ម ៣.គណនេយ្យ និងហិរញ្ញវត្ថុ និង៤.អនុលោមភាពទៅតាមច្បាប់។ ដោយឡែកក្រុមហ៊ុនប្ល៊ូមេឌា ហ្វីម (ខេមបូឌា)ទទួលបានពានរង្វាន់ឈានមុខគេផ្នែកអនុលោមភាពទៅតាមច្បាប់ បន្ទាប់ពីការវិនិច្ឆ័យឃើញថា ក្រុមហ៊ុននេះជាក្រុមហ៊ុនឈានមុខគេមួយ ដែលបានបំពេញនូវកាតព្វកិច្ច គោរពទៅតាមច្បាប់ បទបញ្ញត្តិពាក់ព័ន្ធនានាដែលមានចែងជាធរមានបានត្រឹមត្រូវល្អ ។
លោកស្រី ខែក ខេមរ៉ាត បានមានប្រសាសន៍ថា៖ «នេះជាមោទនភាពមួយទៀតដែលក្រុមហ៊ុន ប្លូ មេឌា ក្នុងកម្មវិធីនេះទទួលពានរង្វាន់នេះ។ យើងតែងតែអនុលោមទៅតាមច្បាប់ជានិច្ច ទោះបីយើងជាក្រុមហ៊ុនមួយស្ថិតក្នុងវិស័យផលិតកម្មវិធី និងផ្សព្វផ្សាយដែលពិបាកក្នុងការរៀបចំប្រព័ន្ធការងារក៏ដោយ ប៉ុន្តែដោយសារតែយើងមានទស្សនៈវិស័យវែងឆ្ងាយទើបយើងពុះពារធ្វើយ៉ាងណាឲ្យក្រុមហ៊ុនមានលក្ខណៈស្តង់ដារដើម្បីត្រៀមខ្លួនជាស្រេចដើម្បីពង្រីកទីផ្សារឲ្យកាន់តែធំ និងទៅបរទេស។ »
គួរបញ្ជាក់ផងដែរថា បច្ចុប្បន្នមានក្រុមហ៊ុនផ្សព្វផ្សាយធំៗចំនួនពីរ ដែលមានទីស្នាក់ការនៅប្រទសេចិន និងថៃ កំពុងចរចារពង្រីកទីផ្សារជាមួយ ក្រុមហ៊ុន ប្លូ មេឌា ហ្វីម (ខេមបូឌា) បន្ទាប់ពីក្រុមហ៊ុន ទទួលពានរង្វាន់ Rising Star Award ក្នុងកិច្ចប្រជុំកំពូល Caixin លើកទី៧ (The Young Women Leader Forum of the 7th Caixin Media Summit in Bejing) នៅទីក្រុងប៉េកាំងប្រទេសចិន ។
លោកស្រីបានបន្ថែមថា លោកស្រីស្វាគមន៍ជាអាទិភាពចំពោះវត្តមានសហការចាប់ដៃគូរជាមួយក្រុមហ៊ុនក្នុងស្រុក ប្រសើរជាងសហការជាមួយក្រុមហ៊ុនបរទេសក្នុងវិស័យប្រព័ន្ធផ្សព្វផ្សាយដោយជឿជាក់ថា «ខ្មែរយើងក៏មានធនធានដែលសមត្ថភាពគ្រប់គ្រាន់ក្នុងការពង្រីកវិស័យនេះទៅកាន់ទីផ្សារបទេសផងដែរ» ៕
© រក្សាសិទ្ធិដោយ thmeythmey.com