ជាតិ
២៥ខេត្ត/រាជធានី
×![]()
កំពង់ស្ពឺ៖ ខណៈមនុស្សវ័យជំទង់ជាច្រើន ទើបតែដាក់គោលដៅរបស់ខ្លួន ឡើងទៅឲ្យដល់កំពូលភ្នំឱរ៉ាល់នោះ កុមារាដែលមានវ័យត្រឹម៨ឆ្នាំ ឈីម បណ្តូល សម្រេចក្តីសុបិននេះ រួចទៅហើយ។ បណ្តូល និងបងស្រីឈ្មោះ ឈីម គឹមសៀវ អាយុ១១ឆ្នាំ រួមទាំងកុមារ និងយុវជន៧រូបទៀត បានឡើងទៅដល់កំពូលភ្នំដែលខ្ពស់ជាងគេនៅកម្ពុជា ដោយចំណាយពេល២ថ្ងៃ។
បណ្តូល ជាកូនប្រុសរបស់លោក ឈឺន ឈីម ដែលមានបទពិសោធន៍នាំភ្ញៀវឡើងភ្នំឱរ៉ាល់ជាង១០ឆ្នាំ។ ការឡើងទៅដល់កម្ពស់១៨១៣ម៉ែត្រ គឺជាក្តីស្រមៃដែលបានក្លាយជាការពិតសម្រាប់កុមារា បណ្តូល រួមទាំងកុមារ និងយុវជនផ្សេងទៀតដែលរស់នៅភូមិស្រែកិន១ ស្រុកឱរ៉ាល់ ខេត្តកំពង់ស្ពឺ។
«ទោះជាមានការលំបាក ហត់នឿយបន្តិចមែន ប៉ុន្តែខ្ញុំបន្តជម្នះទាល់តែបានជោគជ័យ»។ នេះជាការអះអាងរបស់ កុមារាបណ្តូល ដោយបង្ហើបឲ្យដឹងថា គេចង់ក្លាយជាអ្នកនាំភ្ញៀវឡើងភ្នំឱរ៉ាល់ដូចជាឪពុករបស់ខ្លួនផងដែរ ព្រោះវាជាការងារដ៏សុចរិតមួយ ដែលអាចជួយដោះស្រាយជីវភាពគ្រួសារនាពេលអនាគត។
ជាមួយគ្នានេះ លោក ឈឺន ឈីម បានអះអាងថា មុននឹងសម្រេចឲ្យកូនៗ និងយុវជនផ្សេងទៀត ឡើងភ្នំឱរ៉ាល់ លោកបានគិតគូយ៉ាងដិតដល់ ហើយលោកក៏មានក្តីបារម្ភខ្លះផងដែរ ជាពិសេសបណ្តូល ដែលជាក្មេងខ្លាចចាញ់រងា និងរមូលក្រពើ។ ទាក់ទងនឹងបំណងរបស់កូនដែលចង់ចាប់អាជីពជាអ្នកនាំភ្ញៀវឡើងភ្នំឱរ៉ាល់នោះ លោក ឈីម ក៏មិនមានការយល់ទាស់នោះដែរ។
សូមទស្សនារូបដែលផ្តល់ដោយលោក ឈឺន ឈីម ដូចខាងក្រោម៖
Tag:
កំពង់ស្ពឺ (ឱរ៉ាល់)
© រក្សាសិទ្ធិដោយ thmeythmey.com
