ជាតិ
សង្គមជាតិ
ក្រសួងធម្មការ ស្នើឲ្យធ្វើជម្រាលជនពិការ នៅតាមសាលារៀន និងវត្តនានា លោក ហ៊ឹម ឆែម រដ្ឋមន្ត្រីក្រសួងធម្មការ និងសាសនា
× ភ្នំពេញ៖ លោក ហ៊ឹម ឆែម រដ្ឋមន្ត្រីក្រសួងធម្មការនិងសាសនា បានចេញសេចក្តីជូនដំណឹង ប្រគេនទៅព្រះសង្ឃ និងមន្ត្រីថ្នាក់ក្រោម ដែលស្ថិតនៅក្នុងក្របខ័ណ្ឌក្រសួងធម្មការ ដើម្បីស្នើឲ្យព្រះអង្គនិងមន្ត្រីទាំងនោះ ធ្វើជម្រាលសម្រាប់ជនពិការ នៅតាមសំណង់អាគារផ្សេងៗ ដូចជា សាលារៀន ព្រះវិហារ សាលាឆាន់ និងបន្ទប់ទឹក ជាដើម។
តាមរយៈសេចក្តីជូនដំណឹង ដែលចេញក្នុងខែតុលា ឆ្នាំ២០១៨នេះ លោក ហ៊ឹម ឆែម បានពិតថេរដីកាទៅព្រះសង្ឃ ក៏ដូចជាប្រាប់មន្ត្រីពាក់ព័ន្ធ ថា ការធ្វើជម្រាលសម្រាប់ជនពិការនៅតាមសំណង់អាគារ គឺដើម្បីផ្តល់ភាពងាយស្រួលដល់ពួកគេ ក្នុងការធ្វើដំណើរចុះឡើង ក្នុងការប្រារព្ធកម្មវិធីផ្សេងៗ។
លោករដ្ឋមន្ត្រី បានបន្ថែមថា សំណង់ដែលទើបតែសាងសង់ដោយមិនមានជម្រាល ត្រូវកែច្នៃឲ្យមានជម្រាលសម្រាប់ជនពិការ តាមតែអាចធ្វើទៅបាន។ លោក សង្កត់ធ្ងន់យ៉ាងដូច្នេះថា៖«អ្នកដែលមានគម្រោងសាងសង់អាគារផ្សេងៗ ត្រូវតែគិតគូរដល់ជនពិការ ដោយធ្វើជម្រាលឲ្យជនពិការ»៕
Tag:
ក្រសួងធម្មការ
ជម្រាល
ជនពិការ
© រក្សាសិទ្ធិដោយ thmeythmey.com